| e-texts navigator |
| Wylie |
234a1 པའི་ལམ་དམ་པ་ལ་བྱའོ། །གྲོགས་པོ་དག་ལམ་དམ་པ་གང་ཞེ་ན། དེ་ལྟར་དེ་ཁོ་བོས་མཐོང་ཐོས་པའི་སྐབས་གཅིག་ན་བཤེས་གཉེན་དམ་པ་ཉིད་ཀྱིས་ངེས་པར་གསུངས་པ་ངོ་བོ་ཉིད་ཀྱི་སྐུ་གཉེན་པོ་མེད་པས་རྣམ་པར་རྟོག
234a2 པ་ཐམས་ཅད་དང་ལྡན་ཏེ། རྟག་པ་ཉིད་དང་ཆད་པ་ཉིད་དང་། སྐྱེ་བ་དང་། འགག་པ་ཉིད་དང་། དམིགས་པ་དང་། འདོད་ཆགས་པ་ཉིད་དང་། ཞེ་སྡང་བ་ཉིད་དང་། གཏི་མུག་པ་ཉིད་དང་། ང་རྒྱལ་བ་ཉིད་དང་། ཕྲག་དོག་པ་ཉིད་དང་། འདོད་པ་ལྔ་དང་། སྲོག
234a3 གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། བརྫུན་དང་། ཕྲ་མ་དང་། ངག་རྩུབ་མོ་དང་། ཚིག་འཁྱལ་པ་དང་། བརྣབ་སེམས་དང་། གནོད་སེམས་དང་། ལོག་པར་ལྟ་བ་ཉིད་དོ། །མཚམས་མེད་པ་ལྔ
234a4 དང་། དེ་དང་ཉེ་བ་ལྔ་དང་། ལྕི་བ་བཞི་དང་། ལོག་པ་བརྒྱད་དང་། སྨེ་ཤ་དང་། བཤང་བ་དང་། གཅི་བ་དང་། ཁྲག་དང་། ཁུ་བ་ལ་སོགས་པ་དག་ལ་ངེས་པར་སྤྱོད་པ་ནི་དམ་པ་རྣམས་ཀྱི་ལམ་དམ་པ་ཡིན་པར་ཤེས་པར་བྱའོ་ཞེས་ངེས་པ་དམ
234a5 པར་གསུངས་པ་ལས། །ཁོ་བོས་དེ་ལ་འདི་སྐད་དུ། ཨེ་མའོ་ངོ་མཆར་རྨད་ཀྱི་ཆོས། །རྫོགས་པའི་སངས་རྒྱས་སྨྲ་རྣམས་ཀྱི། །ཡང་དག་ཚད་མའི་གསུང་དག་ལས། །ཕྱིན་ཅི་ལོག་ཀུན་འབྱུང་ཅི་ལགས། །དེ་སྐད་ཞུ་བ་འདུན་པ་ལས། །
234a6 བཤེས་གཉེན་དམ་པས་བཀའ་སྩལ་པ། །ཕྱིན་ཅིག་ལོག་པ་ཞེན་པ་རྣམས། །ཐབས་མཆོག་དཔག་གིས་མི་ལང་བས། །ངེས་པའི་དོན་ལ་གཟུད་པའི་ཕྱིར། །ཁྲིད་པའི་ཐབས་སུ་བསྟན་པ་ཡིན། །ལོག་ཞེན་གང་ལ་ངེས་བརྟན་ཡང་། །
234a7 འཇུག་པར་མི་འགྱུར་སྤོང་འགྱུར་རྣམས། །ལོག་སྤྱོད་ཐབས་ཀྱིས་དེ་དྲངས་ན། །ཐེ་ཚོམ་མེད་པར་འབྱུང་བར་འགྱུར། །སླུ་བའི་ཐབས་ཀྱིས་གཟུད་པའི་ཕྱིར། །སོ་སོ་མོས་པ་སྣ་ཚོགས་ཀྱིས། །ལྟ་སྤྱོད་རྣམས་དང་འཐུན་འཇུག་ཏུ། །སྦྱར་ནས
234a8 བསྟེན་འབྲིད་ཐམས་སུ་གསུངས། །དཔེར་ན་ལོག་སྤྱོད་བྱིས་པ་རྣམས། །ཕ་མས་སྡིགས་བྲིད་ཐབས་ཀྱིས་ནི། །བྱ་བའི་ལས་ལ་གཟུད་པ་ལྟར། །བརྩེ་བས་དོན་ལ་འདྲེན་པའོ། །དེ་ཡང་ཇི་ལྟར་ལ་ལ་ཞིག་།ཆུ་བོ་ཕ་མཐར་འགྲོ་འདོད་པ། །
iiif viewer powered by OpenSeadragon
