| e-texts navigator |
| Wylie |
233b1 སྟེ། །སྣོད་ཀྱི་སྒྲོན་མ་ལྟ་བུ་འམ། །གསུམ་པ་ལྟ་བུར་དེ་སྣང་ངོ་། །ཡུལ་ལ་འཇུག་པའི་སྐབས་དག་ལ། །མི་འགྱུར་ལྷག་པའི་སེམས་འབྱུང་སྟེ། །ཐོབ་དང་བསྟན་ལ་ཉེ་བ་ཡིན། །བཞི་པ་ལྟ་བུའི་རང་བཞིན་སྣང་། །རྟོག་ཆེན་དག་གི་སྐབས
233b2 དག་ལ། །རིག་པ་ལྷག་པའི་སེམས་འབྱུང་སྟེ། །རྟགས་ཆེན་དང་པོ་ཉེ་བར་བསྙེན། །ལྔ་པ་ལྟ་བུའི་རང་བཞིན་སྣང་། །རྡེང་དུ་གྱུར་པའི་སྐབས་དག་ལ། །གནས་པ་ལྷག་པའི་སེམས་འབྱུང་སྟེ། །ཤིན་དུ་བརྟན་པའི་སྒྲོན་མ་དང་། །
233b3 བརྒྱད་པ་ལྟ་བུའི་རང་བཞིན་སྣང་། །རྟགས་ཐོབ་ཉིད་ན་འགྲུབ་ཅེས་བྱ། །ལས་སུ་རུང་བའི་སྐབས་དག་ལ། །རྫོགས་པ་ལྷག་པའི་སེམས་འབྱུང་སྟེ། །གཉེན་པོ་མེད་པའི་སྒྲོན་མ་དང་། །ཆ་ལ་རྫོགས་པ་ལྟ་བུར་སྣང་། །བརྟན་པར་ངེས་པས་གྲུབ
233b4 པ་ཡིན། །སེམས་ཉིད་ཡེ་ནས་སངས་རྒྱས་ལ། །རྟོག་པས་བསྒྲིབས་པས་དེ་མ་ཤེས། །བྱང་ཆུབ་སེམས་ཀྱི་ལྗོན་ཤིང་ལས། །བླ་མེད་འབྲས་བུ་སྨྱིན་པ་ཡིན། །དེས་ན་གྲོགས་པོ་དམ་པ་དག་།དམ་པ་རྣམས་ཀྱིས་བྱང་ཆུབ་སེམས། །
233b5 ཀུན་དུ་རྒྱུན་དང་བཅས་པ་སྟེ། །རྒྱུན་མེད་ཆད་པ་དམ་པ་མིན། །རྒྱུན་ཉིད་ཀྱིས་ན་ངེས་སྨིན་པ། །གང་དུ་སྨོན་པའི་སྐྱེད་ཤིང་དེ། །བྱང་ཆུབ་དམ་པ་ལྗོན་པའི་ཤིང་། །འབྲས་བུ་དམ་པ་སྨིན་ངེས་པའོ། །གྲོགས་པོ་དག་དེ་དག་ནི་ལྗོན་ཤིང་དམ་པ
233b6 བསྐྱེད་པའི་དགོངས་པ་ངེས་པར་བགྲོས་པའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་དེ་ཁོ་ན་ཉིད་གསང་བའི་དམ་པ་ལྗོན་ཤིང་བསྐྱེད་པའི་ལེའུ་སྟེ་ལྔ་བཅུ་རྩ་བརྒྱད་པའོ།། །། དེ་ནས་ཡང་ལང་ཀའི་བདག་པོ
233b7 ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་དམ་པ་རྣམས་ཀྱིས་རྗེས་སུ་འཇུག་པར་བྱའོ་ཞེས་དམ་བཅའ་པར་དགོངས་པ་དེ་དམ་པ་རྣམས་ཀྱི་རྗེས་སུ་ཇི
233b8 ལྟར་འཇུག་པར་བགྱི། དེ་ཇི་ལྟར་ཡོངས་སུ་ཤེས་པར་བགྱི། །དེ་སྐད་ཅེས་ཡོངས་སུ་དྲིས་པ་ལས། གསང་བ་པའི་བདག་པོས་སྨྲས་པ། ཀྱེ་གྲོགས་པོ་དག་དེ་ནི་འདི་ལྟར་དམན་པ་རྣམས་ཀྱི་རྗེས་ནི་གང་ངེས་པར་ཤེས
iiif viewer powered by OpenSeadragon
