| e-texts navigator |
| Wylie |
233a1 དེ་ཉིད་རྡོ་རྗེ་སྙིང་པོ་ལས། །གང་གི་ཟུག་རྔུ་ཀུན་བྱང་དེར། །མ་ལུས་ཡོངས་སུ་རྫོགས་པ་ལ། །གང་གི་དགོངས་པ་ངེས་འགྲེལ་བ། །སྦྱོར་བའི་སྐབས་སུ་བཤད་པ་དག་།དེ་ཉིད་རྣམ་པར་འགྲོ་བར་བྱ། །དེ་ལ་དགོངས་འགྲེལ་སྦྱོར
233a2 སྐབས་བཅུ། །འདུན་པ་སྐྱེད་དང་རྩོལ་བ་སྦྱོར། །བསླབ་པར་འཇུག་དང་འདུ་ཤེས་འགྱུར། །སྦྱོར་ནས་རོ་ཚོར་ཡུལ་ལ་འཇུག་།རྟོགས་ཆེན་རྡེང་འགྱུར་ལས་སུ་རུང་། །རྒྱུན་དང་བཅས་པའི་སེམས་སྐབས་བཅུ། །སྙིང་པོ་དེ་དག་རྒྱུན་བཅས
233a3 ཕྱིར། །རྣལ་འབྱོར་ཆེན་པོའི་སྐབས་བཅུ་ཡིས། །རྣལ་འབྱོར་རྣམ་ལྔའི་ཁྱད་པར་ལ། །བཅུ་དྲུག་རྒྱུན་གྱིས་ངེས་པར་རྫོགས། །དེ་བཞིན་ཡེ་ཤེས་ཐམས་ཅད་ལ། །རྣམ་པ་བཅུ་ཡི་ཁྱད་པར་གྱིས། །དང་པོ་ནས་བཟུང་རྫོགས་པར་དུ། །
233a4 སྦྱར་བ་གང་དེ་སྒྲིབ་པ་ནུབ་པར་འགྱུར། །གང་ཟག་གིས་གང་མཐོང་དེར་ན། །རིག་པ་བྱང་ཆུབ་སེམས་རེ་འབྱུང་། །དེ་ཉིད་དེ་ནུབ་གང་ཞེ་ན། །གཡོ་དང་སྨོན་དང་ལྡང་བ་དང་། །སྦྱོར་བ་འཇུག་དག་མི་འགྱུར་བ། །རིག་དང་གནས་དང་རྫོགས་པའོ། །
233a5 གང་གི་གཟུགས་བརྙན་གང་སྣང་བ། །དངོས་མེད་རང་སྣང་འཐུན་པའི་དཔེ། །ཕྲ་མོ་ཐ་མལ་ཆེན་པོ་ཡི། །སྐར་མ་ཟླ་ཚེས་གཉིས་པ་དང་། །གསུམ་དང་བཞི་དང་ལྔ་པ་དང་། །བརྒྱད་དང་བཅུ་དྲུག་ལྟ་བུར་སྣང་། །འདུན་པ་སྐྱེ་བའི་སྐབས་དག་ལ། །
233a6 གཡོ་བ་ལྷག་པའི་སེམས་འབྱུང་ཏེ། །མུན་པའི་སྤྲིན་རུམ་ལྟ་བུ་ཡི། །གཟེར་འཕྲོ་སྐར་མ་རབ་རིབ་སྣང་། །རྩོལ་བ་སྦྱོར་བའི་སྐབས་དག་ལ། །སྨོན་པ་ལྷག་པའི་སེམས་འབྱུང་སྟེ། །ཤིན་དུ་སྐར་མ་ཕལ་པ་དག་།གང་ལ་རབ་རིབ་ལྟ་བུའོ། །བསླབ་པ
233a7 འཇུག་པའི་སྐབས་དག་ལ། །ལྡང་བ་བྱང་ཆུབ་སེམས་འབྱུང་སྟེ། །ཇི་ལྟར་མེ་ཡི་གཟེར་ཆེན་དང་། །སྐར་ཆེན་ལྟ་བུ་རབ་རིབ་སྣང་། །འདུ་ཤེས་འགྱུར་བའི་སྐབས་དག་ལ། །སྦྱོར་བ་ལྷག་པའི་སེམས་སྐྱེ་སྟེ། །ཇི་ལྟར་མགལ་མེ་འཁོར་ལོ
233a8 དང་། །གཅིག་པའི་ཟླ་ཚེས་ལྟ་བུར་སྣང་། །སྦྱོར་ཆེན་འཇུག་པའི་སྐབས་དག་ལ། །འཇུག་པ་ལྷག་པའི་སེམས་སྐྱེ་སྟེ། །ཇི་ལྟར་སྒྲོན་མེ་ལྟ་བུ་དང་། །ཟླ་ཚེས་གཉིས་པ་ལྟ་བུར་སྣང་། །རོ་མྱོང་བ་ཡི་སྐབས་དག་ལ། །དགའ་བ་ལྷག་པའི་སེམས་འབྱུང
iiif viewer powered by OpenSeadragon
