| e-texts navigator |
| Wylie |
232a1 ཟས་ཕྱིར་ཆེད་དུ་བསྒྲུབ་མི་བྱ། །མཚག་དང་ཉམ་ཕྱིར་ག་ལ་ཡིན། །མ་བཅོས་རྣལ་མ་ཇི་བཞིན་བཟའི། །འཚོ་བའི་ཆེད་དུ་བཅོས་མི་བྱ། །ཆགས་དང་མ་ཆགས་སྤང་བླང་མེད། །བླང་བར་བྱ་བ་མ་ཡིན་ཞིང་། །སློངས
232a2 མོས་འཚོ་བར་ཡོང་མི་བྱ། །ཅིའི་ཕྱིར་དེ་ནི་མི་འགྱུར་ཕྱིར། །འཚོ་བ་ཡོངས་སུ་མ་དག་པའོ། །མཚམས་མེད་པ་ལས་མཚམས་གཅོད་པ། །འདི་ནི་རྣལ་འབྱོར་ཅན་གྱི་ལས། །ཤེས་བྱ་ནང་གི་ཆོས་ཉིད་ལ། །རྣལ་འབྱོར་དོན་དུ་འཇུག
232a3 པ་ན། །ཕྱི་ཡི་འདུ་འཛི་གཡེང་བ་ཡིས། །བར་དུ་གཅོད་པ་བསལ་བའི་ཕྱིར། །ཕྱི་དང་ནང་གི་སོ་མཚམས་སུ། །འགྲོ་འོང་འདྲུལ་རྣམས་གཅད་པར་བྱ། །གང་ལ་གནས་གཞི་རྟེན་མེད་པས། །གནས་བདེར་ལུས་བཅོས་ཁ་ན་མེད། །
232a4 ཞེན་པས་སྤྱོད་ལམ་བཅོས་བྱེད་པ། །དེས་ནི་ལུས་བཅོས་བསླད་པ་ཡིན། །བསམ་གཏན་ལུས་དབེན་བཅོས་མི་བྱ། །དེ་ལ་དེ་དབེན་མ་བཅོས་པ། །དེ་ཉིད་ཡེ་ནས་དབེན་པའི་གནས། །འདི་ནི་རྣལ་འབྱོར་མཆོག་གི་ཡུལ། །རི་ཕུག་གཞལ་མེད
232a5 བཅོས་མི་བྱ། །དེ་ཉིད་དཔག་མེད་མ་བཅོས་པའི། །འདི་ནི་ཡེ་ནས་རྨད་འབྱུང་གཞལ། །བྱེད་པ་མེད་པར་རང་འབྱུང་བའོ། །རྡོ་རྗེ་ངག་གི་སྤྱོད་ཡུལ་ཡང་། །དམ་པའི་ཆེད་དུ་སྙན་སྨྲ་ལས། །གཞན་དུ་ཁ་གསག་ག་ཞ་མིན། །བརྗོད་པ་ཐམས་ཅད
232a6 ངེས་པ་ཉིད། །གསོང་པོར་སྨྲ་ཞིང་ཚིག་མི་འགྱུར། །ཇི་ལྟར་བརྗོད་པ་དེ་བཞིན་བྱ། །ཐམས་ཅད་ཀུན་དུ་སྨྲ་མ་ཡིན། །གང་བརྗོད་དོན་དང་འབྲེལ་བར་བྱ། །སྐབས་དང་དགོས་ཆེད་མ་གཏོགས་པ། །རྣམ་པར་འཆལ་བར་བྱ་བ་མིན། །ཀུན་ལ
232a7 དཔེས་མཚོན་ཐོག་ཏུ་དབབ། །ཐམས་ཅད་ཚད་པས་ཚད་མར་བྱ། །མ་བཅོས་ངང་གི་རྣལ་འབྱོར་པ། །རྡོ་རྗེ་ངག་གི་སྤྱོད་པར་བཤད། །རྡོ་རྗེ་ཡིད་ཀྱི་སྤྱོད་ཡུལ་ནི། །མ་བཅོས་མ་གཡོས་བསམ་དང་བྲལ། །མི་གཡེང་མ་རྨུགས་གསལ་ཞིང་གནས། །
232a8 འདོད་ལ་མ་ཆགས་སྒྲོ་སྐུར་བྲལ། །བླང་མེད་དོར་མེད་ཆགས་སྡང་མེད། །འཆབ་སྤྱོམ་མེད་དེ་རྙེད་འབྱོར་མིན། །ཕྱོགས་བྲལ་མུ་མེད་ཡོངས་སུ་དག་།གོ་དགོས་ལམ་ཉིད་དྲང་པོར་སོང་། །དུག་འགྱུར་སྨན་བསྲེལ་མཚོན་ཆར་ལྡན། །རྡོ་རྗེ་རྫོང་ལ་ཞེན་པ་དང་། །
iiif viewer powered by OpenSeadragon
