| e-texts navigator |
| Wylie |
228a1 བདག་པོ་དེ་ལ་རྩ་བ་གསུམ་གང་ཞེ་ན། འདི་ལྟ་སྟེ། དངོས་པོའི་རྩ་བ་དང་། བརྗོད་བའི་རྩ་བ་དང་། ཐམས་ཅད་པའི་རྩ་བའོ། །ལང་ཀའི་བདག་པོ་དེ་ལ་དངོས་པོའི་རྩ་བ་ནི་ཅི་ཡང་མེད་པ་ལས་ཅིར་ཡང་སྣང་བའོ། །བརྗོད་པའི་རྩ་བ
228a2 ནི་ཅི་ཡང་མེད་པ་ལས་ཅིར་ཡང་འགྱུར་བའོ། །ཐམས་ཅད་པའི་རྩ་བ་ནི་གང་ཅི་ཡང་མེད་པ་ལས་ཅིར་ཡང་རིག་པ་ཉིད་དོ། །ལང་ཀའི་བདག་པོ་དེ་དག་ནི་རྩ་བ་སྟེ། དེས་ཐམས་ཅད་ངེས་པར་འབྱིན་པའོ། །ལང་ཀའི་བདག་པོ་དེ་དག་ནི
228a3 འདི་ལྟ་སྟེ། ཆོས་ཀྱི་རྒྱལ་པོས་གང་གསུངས་པ། །ཐུགས་དང་ཞལ་དང་ཞུས་ལན་གསུམ། །དོན་དང་ལུང་དང་རྒྱུད་ཅེས་པ། །གང་འདིར་གསུམ་དུ་གྲགས་པ་ལ། །གང་དག་འདི་ལ་རྣམ་རྟོག་པ། །ཆོས་ཀྱི་རྒྱལ་པོའི་གསུང་གཅིག་ལ། །
228a4 རྒྱུད་དང་ལུང་དང་དོན་དམ་ཞེས། །གསུམ་དུ་སྣང་བ་འདི་ཇི་ལྟ། །སྙམ་དུ་རྟོག་པ་དེ་གང་དྲུག་།ཉིད་ཀྱིས་མཁྱེན་ཏེ་དེ་གསལ་བར། །དགོངས་ཏེ་གསུམ་ཉིད་རྣམ་པར་གསུངས། །གང་དེ་སྐབས་དང་སྐབས་འཕྲོས་པའོ། །སྐྱེས་བུའི
228a5 ཐུགས་ལ་གང་གནས་པ། །ཞལ་དུ་མ་བྱུང་དོན་དམ་ཉིད། །གསུང་གི་འགྱུར་བས་དེ་མཚོན་ན། །སྐྱེས་བུ་རྒྱལ་པོའི་བཀའ་ལུང་ཡིན། །ཞུས་ལན་ཕྲ་མེན་འཕེལ་རྒྱས་ན། །སྐྱེས་བུ་རྒྱལ་པོའི་བཀའ་རྒྱུད་ཡིན། །ཐབས་ཚེ་ཚེགས
228a6 ཆུང་དོན་དཔག་མེད། །བྱ་སླ་དཔག་དཀའ་མན་ངག་དམ། །དེ་ཉིད་ངེས་པ་དེ་ཁོ་ན། །མ་བསླད་ཇི་བཞིན་བཅད་པ་ལུང་། །བཅས་གཞི་གཏམ་རྒྱུད་ལས་རྒྱུད་དང་། །རྟོག་ཆེན་ཡན་ལག་འབྲེལ་བཅས་རྒྱུད། །གསུམ་དུ་སྣང་ལ་གཅིག
228a7 ཏུ་ཟད། །དབྱེར་མེད་ཚུལ་གཅིག་རང་བཞིན་ལ། །རྩལ་དང་རྣམ་པར་སྣང་བ་དག་།གཅིག་ཏེ་རྣམ་པ་ཡོངས་ཀྱིས་མེད། །དེ་སྐད་གསང་བ་མཆོག་དེས་བཤད། །ལས་ཀྱིས་བསྒྱངས་པ་གང་དག་ལ། །གང་འདིར་མུན་པའི་ཕྱོགས
228a8 བཤད་པ། །གོ་ཆ་བགོས་པས་ཤེས་པར་གྱིས། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཆོས་ཐམས་ཅད་ཀྱི་རྩ་བ་གང་གི་མུན་པའི་སྤྱོད་ཡུལ་བསྟན་པའི་ལེའུ་སྟེ་ལྔ་བཅུ་རྩ་ལྔ་པའོ།། །། དེ་ནས་ལང་ཀའི
iiif viewer powered by OpenSeadragon
