| e-texts navigator |
| Wylie |
227a1 གིས་གང་ཟིན་ཇི་བཞིན་དུ། །ཞེན་པས་སྲིད་པ་དེ་འཛིན་བྱེད། །གང་དེ་དེ་ཡི་གདོས་ཀྱིས་བསྲུང་། །དམན་འགྲོ་གང་དེ་བར་བདུན་པ། །གསོད་ལ་ཞེན་གོམས་དེ་བརྩེགས་པས། །གང་གནས་གང་ཡིན་དེ་གནས་ན། །བསད་ལ་སོགས་པ
227a2 དེ་སྣང་འགྱུར། །གང་དེ་དེ་ཡིས་མཐོང་མ་ཐག་།སྔོན་དུ་གོམས་པས་དེ་རིག་ནས། །གསད་བྱ་སྙམ་དུ་དེ་རྒྱུག་བྱེད། །གསད་ཡུལ་སྐྱེ་བའི་གནས་མཐོང་ནས། །གསད་ལ་སོགས་པའི་ལས་བརྩམས་པས། །དེ་དག་འཁྱིམས་ནས་ཞེ་སྡང་འབྱུང་། །དེ་ཡིས
227a3 བར་བདུན་རྒྱུན་འགགས་ནས། །དམན་པའི་ལུས་བླངས་ཉོན་མོངས་མྱོང་། །དེ་ལྟར་གང་དུ་འབྱུང་བ་ཡི། །གནས་རིས་རྣམས་ཀྱི་བར་བདུན་པ། །གང་དུ་འབྱུང་བའི་གནས་དེ་ན། །གང་ཞིག་གོམས་པའི་ཡུལ་སྣང་འགྲོ། །དེ་ལ་ཞེ་སྡང་སྤྱོད་འཁྱིམས་པས། །སྣང
227a4 བའི་དབང་གིས་དེ་རྒྱུན་འགག་། དེ་སྣང་བྱུང་བ་མ་བྱུང་ལེན། །བཞི་པའི་སྐྱེ་གནས་འཇུག་ཆོས་བཞི། །ཤེས་བཞིན་འཇུག་གནས་འབྱུང་བ་དང་། །དེ་བཞིན་འཇུག་གནས་མི་ཤེས་འབྱུང་། །ཤེས་འཇུག་མི་ཤེས་གནས་འབྱུང་དང་། །མི་ཤེས་བཞིན་དུ
227a5 འཇུག་གནས་འབྱུང་། །འཛིན་དང་འདྲེས་པའི་ཉེར་གནས་པ། །གནས་གསུམ་འཐུན་པས་སྐྱེ་འཛིན་བྱེད། །སྐྱེ་གནས་ས་བོན་ལས་རྣམས་ཀྱིས། །ཉེས་པའི་བར་ཆད་གསུམ་མེད་ན། །མངལ་དུ་ཐམས་ཅད་སྨིན་པར་འགྱུར། །དེ་ཡང་འབྱུང་གནས་གཅིག
227a6 ལ་གཅིག་། ཞེན་པ་དྲག་པོ་འབྱུང་སྐབས་སུ། །མཐར་འཛིན་པ་ཡི་བཅུད་འབྱུང་འགྱུར། །དེ་ནས་དེ་བཞིན་གཉིས་ཀ་ལས། །གང་བཅུད་ཐིག་ལེ་རེ་རེ་དག་།གདོན་མི་ཟ་བར་འབྱུང་བར་འགྱུར། །དེ་ཉིད་གང་དེར་འདྲེས་འགྱུར་ནས། །གང་དྲོད་ཞབས་བཞིན
227a7 འདུ་བ་ཡིན། །ཐམས་ཅད་པ་དེ་དེར་འཇུག་འགྱུར། །གང་ལ་ངོ་བོ་མེད་པ་དེ། །དངོས་པོ་ཅི་ཕྱིར་འཛིན་པར་འགྱུར། །དཔེར་ན་མཁའ་འགྲོ་འདོད་དབང་གིས། །ས་ཁུས་བྲིས་པའི་སྙིས་འཛིན་བཞིན། །གང་མེད་ཆགས་པའི་སྙིས་འཛིན་ཏོ། །ཐམས
227a8 ཅད་པ་ཡི་དབང་དེས་ན། །མི་འདྲུལ་དངོས་སྨིན་རྟ་བ་ཡིན། །དེ་དག་མེད་ནུར་ཕྱོགས་གང་དུ། །དེ་ཞུགས་པ་ཉིད་སྙིང་རྟེན་པའོ། །གནས་མ་ཐག་པ་བཏང་སྙོམས་ལྡན། །དེ་མཚམས་དེ་ནི་གཉིས་སུ་འགྱུར། །འདུ་མཆེད་དྲུག་འདོད་སྐབས་དག་ཏུ། །
iiif viewer powered by OpenSeadragon
