| e-texts navigator |
| Wylie |
226a1 ནི་གོང་མ་ཉིད་བཞིན་ནོ། །བར་བདུན་པ་ཡི་སྙིང་པོ་ཅན། །སྐྱེ་བ་དེ་མ་རྙེད་བར་དུ། །རིང་ལྟར་ཐོགས་ན་བདུན་པའོ། །གང་དེ་ལྡན་ན་ངེས་མེད་དེ། །གཅིག་གམ་གཉིས་སམ་གསུམ་ན་འཕོ། །གང་མ་ལྡན་ན་དེ་རྗེས་ནས། །ཡང་བདུན་བར་དུ་དེ་ན་གནས། །
226a2 གང་ཡོད་དེ་གང་མི་ལྡན་ན། །བདུན་ཕྲག་བདུན་གྱི་བར་དག་ཏུ། །བདུན་ཉིད་རེ་ན་དེ་རྗེ་ཞིང་། །དེ་རྫོགས་སྲིད་དུ་དེ་ན་གནས། །དེས་ནི་གནས་པ་དེ་ཟད་ནས། །གཞན་དུ་གནས་པ་དེ་འཛིན་པའི། །གང་དེ་ཇི་སྲིད་ཟིལ་གྱིས་གནོན། །བདུན་ཉིད་བདུན་རྫོགས
226a3 དེ་ཕྱིན་ཅད། །ངེས་པར་དེ་མེད་ག་ལ་སྲིད། །གང་ནུབ་གང་སྣང་དེ་སྐབས་ན། །སྐད་ཅིག་གནས་པས་བར་མ་དོ། །བདུན་ཞིང་ནུབ་པའི་རང་བཞིན་པས། །ནུབ་པའི་སྲིད་པ་ཞེས་ཀྱང་བཤད། །བདུན་པའི་བར་དུ་གནས་པས་ན། །གང་དེ་བར་བདུན་པ
226a4 ཞེས་བྱ། །དྲི་ཡི་ཕྱིར་འབྲང་དྲི་རྟ་བས། །དྲི་ཟ་ཉེར་འགྲོ་ཞེས་ཀྱང་བྱ། །དེ་ལ་བརྟེན་ནས་དེ་བྱུང་བས། །དེ་ལས་བྱུང་བ་ཞེས་ཀྱང་བྱ། །སྐྱེ་བའི་དབྱིབས་ཚུགས་དེ་འཛིན་པས། །སྔོན་དང་ཕྱི་མའི་ཚུལ་བཞིན་ཅན། །སྐྱེ་བ་མངོན་དུ་བྱེད་པས་ན། །མངོན་དུ
226a5 གྲུབ་པ་ཞེས་ཀྱང་བྱ། །རྟག་ཏུ་ཟས་ལ་ཉེ་འཁོར་བས། །ཉེ་བར་འཁོར་བ་ཞེས་ཀྱང་བྱ། །གཉིས་ཀྱི་བར་སྐབས་ཡིན་པས་ན། །སྲིད་པ་མཚམས་སྦྱོར་བ་ཞེས་བྱ། །དེ་ནི་གཟུགས་ཅན་ཡིན་པས་ན། །གཟུགས་མེད་པའི་གནས་མེད་དོ། །དེ་ན་གནས
226a6 པའི་སྲིད་པ་དེ། །སྔར་འགགས་པ་ཡི་སྲིད་པ་ལ། །དེ་དང་དེ་མིན་བཏང་སྙོམས་པ། །གསུམ་ལ་ཆགས་སྡང་ཞེན་གོམས་པས། །གང་སྔོན་གང་ལ་ཞེན་པ་བཞིན། དུས་དེར་དེ་ལ་མངོན་པར་དགའ། །སྔོན་ཚེ་ལེགས་ཉེས་སྤྱད་པའི་ཡུལ། །ཀླུང་དུ
226a7 གང་གྱུར་དེ་ཉིད་སྣང་། །དེ་དག་རྨི་ལམ་བཞིན་མཐོང་བས། །མཐོང་ཉིད་ཡུལ་དུ་མངོན་པར་གྱུར། །དེ་ཚེ་འཁྲུལ་པའི་གཟུགས་མཐོང་ལྟར། །གང་གིས་སྔ་ལྟས་འབྱུང་བར་འགྱུར། །བདེ་རྐྱེན་མི་ལྡན་པ་ཞིག་ན། །དེ་ན་གནས་དང་དེ་ནུབ་ན། །དམན
226a8 པར་འགྱུར་བའི་སྔ་ལྟས་ནི། །སྲོག་ཆགས་སྡེམ་བུ་ལ་སོགས་པའི། །གང་དུ་བྱུང་བའི་རིགས་འཐུན་མཐོང་། །ཅ་ཅོའི་སྒྲ་དང་འདམ་བུའི་ཐིབས། །ནགས་ཚལ་ཐིབས་པོ་ལ་སོགས་པ། །ལྡུམ་བུའི་ཚལ་དང་དྲི་སྣ་ཚོགས། །ཁང་བཟངས་རྫིང་དང་འཁྲིགས་སྤྲིན
iiif viewer powered by OpenSeadragon
