| e-texts navigator |
| Wylie |
225b1 ཁ་ཅིག་མི་འགྱུར་རྫོགས་མི་འབྱུང་། །ཐམས་ཅད་ཀྱང་ནི་འཕོ་བའི་ཚེ། །གང་འདིར་རྒྱུ་བ་མི་གསལ་བའི། །སྐབས་སུ་མ་བབ་པར་དག་ཏུ། །ཡུན་རིངས་དུས་ན་གོམས་པ་ཡི། །གང་ལ་གང་ཆགས་དེ་འབྱུང་ངོ་། །དེ་ལས་དེ་ཡི་དེ་དབང་གིས། །འདིར་དེ་མེད་པར
225b2 འགྱུར་ཤེས་ནས། །དེ་འདི་ཉིད་ལ་ཞེ་སྡང་སྐྱེ། །གང་མ་འོངས་ལ་འཇུག་པར་འགྱུར། །ཞེ་སྡང་མེ་ཡིས་ཟིལ་མནན་པས། །གནས་པ་འདི་ཡི་རྒྱུན་འགགས་ཏེ། །གང་མ་བྱུང་ལ་ཆགས་པ་དེ། །སྲིད་པ་གསུམ་གྱིས་བར་བདུན་པ། །མངོན་པར་བསྒྲུབ་པའི་རྟེན་ཡིན་ནོ། །དེ
225b3 ཡི་དུས་ན་རྣལ་འབྱོར་པ། །དེ་བཞིན་དེ་ལ་གོམས་ཆེད་ཆེ། །དེ་ཚེ་ཆགས་པ་འབྱུང་མོད་ཀྱི། །གོམས་པར་གྱུར་པའི་དོན་སྟོབས་ཀྱིས། །ཆགས་པ་དེ་ཟིལ་གནོན་པ་ནི། །མི་གང་རྩལ་དང་ལྡན་པ་ཡིས། །ཤུགས་མེད་གང་དག་གནོན་བཞིན་ནོ། །བྱང་ཆུབ་རིགས
225b4 འཛིན་རྣལ་འབྱོར་ལ། །གང་ཆགས་དེ་འབྱུང་མི་འགྱུར་རོ། །གནད་ཀྱི་སྡུག་བསྔལ་མི་བཟོད་པའི། །གང་ལ་མཐོ་དམན་མ་གཏོགས་པ། །གཞན་དག་ཀུན་ལ་འབྱུང་བ་ཡིན། །ཤིན་ཏུ་ཉེན་དགའ་མེད་ཕྱིར་རོ། །སྡུག་བསྔལ་ཆེ་ཆུང་གཉིས་ཁོ་ན། །གང
225b5 འགགས་གཅིག་དང་རིམས་ཀྱིས་འགགས། །དེ་ཉིད་གོམས་ཏེ་གང་མ་འགགས། །གཙོ་བས་དེ་ལ་དེར་ཞེན་གཅེས། །གསུམ་པ་སྲིད་གསུམ་བར་བདུན་པ། །བརྫུས་སྐྱེ་དབང་ལྡན་ལས་ཀྱི་འགྲོ། །གང་འཐུན་མཐོང་ཡིན་གང་མཐོང་མིན། །ཤིན་དུ་བདེ་དང་བདེ
225b6 སྡུག་བསྔལ། །དེ་སོགས་གང་དུ་སྐྱེ་འགྱུར་དེའི། །དེ་དབྱིབས་འཛིན་ཅིང་ཐོགས་པ་མེད། །དེ་ཡི་ལུས་སམ་སྤྱོད་ཡུལ་ནི། །དྲི་མ་ཅན་དུ་གྱུར་པ་རྣམས། །མཚན་མོ་མུན་ནག་རྫས་ནག་ལྟར། །ཐམས་ཅད་ཐམས་ཅད་མཐོང་བར་འགྱུར། །གང་དག་དྲི་མེད་པ་དག
225b7 རྣམས། །ཟླ་འོད་དཀར་དང་རྫས་དཀར་ལྟར། །དེ་གཉིས་དེ་མིག་དག་པས་མཐོང་། །གང་དེའི་དེ་ཚད་ཐ་མ་པའི། །སྤྲུལ་པ་འབྱུང་གནས་ལྔ་ཚད་པར། །གང་སྐྱེ་གནས་མ་བླངས་བར་དུ། །དེ་མིག་དེ་ཡི་མིག་ལྟ་བུར། །གང་ལས་ཐོགས་མེད་སྐལ་མཉམ་པའོ། །
225b8 གང་ལྟར་ཀུན་ལ་མ་ཡིན་ནོ། །གང་སྐལ་མཉམ་པའི་སྐྱེ་གནས་དང་། །དེ་དག་ཉིད་གནས་མཐོང་བར་འགྱུར། །གང་དག་དྲི་མིག་ཐུར་དུ་གསལ། །སྤྱི་ཚུགས་འགྲོ་ལ་གཞན་མཐོང་མྱིན། །དྲི་མེད་མཐོར་གསལ་གཞན་དེ་བཞིན། །གང་གི་ཐད་ཏུ་དེ་ཉིད་སྣང་། །གཞན
iiif viewer powered by OpenSeadragon
