| e-texts navigator |
| Wylie |
225a1 ཤེས་གསུམ་ལྡན་ཏེ། །དོན་དང་ལོག་པ་བཏང་སྙོམས་ལྡན། །དོན་དེ་གང་ལྡན་གར་འགྲོ་བ། །སྔོན་དུ་དེ་བསྟེན་དེ་དྲན་ནས། །གཞན་གྱིས་གསལ་བར་བྱས་ཀྱང་ནི། །རགས་པས་འབྱུང་བ་དེ་བར་དུའོ། །འདུ་ཤེས་ཕྲ་བར་རྒྱུ་བའི་ཚེ། །དེ་ལས
225a2 ལྡོག་ཅིང་བཏང་སྙོམས་ལྡན། །དེ་སྔོན་དེ་བསྟེན་དེ་འབྱུང་ལ། །བསལ་པར་མི་ནུས་གཞན་དག་གིས། །བསྐུལ་ཡང་དྲན་པར་ཡོང་མི་ནུས། །དེ་དང་གང་ལྡན་བདེ་འགྲོ་སྟེ། །མི་བཟད་དྲག་པོའི་ཚོར་བ་ཡང་། །ཉམས་སུ་མྱོང་བར
225a3 མི་འགྱུར་རོ། །དེ་ཡི་དུས་ན་གང་མཐོང་བས། །གང་དུ་མ་མཐོང་དེ་ཉིད་མཐོང་། །ཇི་ལྟར་ཉི་མའི་འོད་རྐྱེན་གྱིས། །སྣང་བ་ཁད་ཀྱིས་འབྱུང་བ་བཞིན། །མུན་པའི་ཁམས་ནས་སྣང་བར་འགྱུར། །རྨི་ལམ་ལྟ་བུར་གཟུགས་སྣང་བ། །ཡིད་འོང
225a4 སྣ་ཚོགས་མཐོང་བ་འགྱུར། །དེ་ཡི་དེ་ཀུན་ཤེས་པ་དེས། །གང་འདིར་དམད་ནས་འདོར་བར་བྱེད། །དྲད་དང་སྟེང་དུ་ཡལ་བར་འགྱུར། །གཙུག་ཏོར་གང་འབྱུང་བདེ་བའོ། །གང་དུ་ལོག་པར་དེ་འགྲོ་བ། །གོང་ལས་བཟློག་པ་ཇི་བཞིན་ཏེ། །མི་བཟད་དྲག
225a5 པོའི་ཚོར་བས་ནི། །ཤིན་དུ་ཟུག་གཟེར་མི་བཟོད་དེ། །གཡོ་འགུལ་མི་སྙེན་ང་རོ་གདོན། །འཁྲུལ་བའི་གང་སྣང་མཐོང་བ་ན། །བྱམས་པ་ལ་སོགས་གང་ཞིག་ནི། །གཤེད་མ་ལ་སོགས་མི་འདོད་པ། །འཇིགས་པའི་གཟུགས་ནི་སྣ་ཚོགས
225a6 སུ། །མཐོང་བས་རྡུལ་འབྱུང་བ་སྤུ་གཟིང་། །ཡན་ལག་གཡོབ་ཅིང་མཁའ་ལ་རྙོབ། །བཤང་གཅི་འབྱུང་ཞིང་མིག་ཀྱང་ལྡོག་།སྣང་བའི་ཁམས་ནས་མུན་པར་འབྱུང་། །དེ་ཡི་དེ་ཀུན་ཤེས་འབྱུང་ལྟུང་། །གང་དེ་མཐར་འབྱུང་མི་བདེའོ། །བཏང
225a7 སྙོམས་དེ་ཡིས་མ་གསལ་ལམ། །གཞན་གྱིས་གསལ་བར་མ་བྱས་པའོ། །གཉིས་སུ་མི་གསལ་བཏང་སྙོམས་སོ། །འདི་དག་གང་ལྡན་གང་འགྲོ་ཡང་། །གང་ལྟར་གོམས་པ་ཁོ་ནར་ངེས། །གོམས་པ་ལ་གཞོལ་དེ་སྟོབས་ལྡན། །གང་མ་གོམས
225a8 པ་གསལ་བྱས་ཀྱང་། །མ་ཞེན་དབང་གིས་འགག་པར་འགྱུར། །གང་དེ་གཉིས་ལ་མཚུངས་གོམས་ན། །དེར་ནི་དང་པོར་གང་གསལ་ལམ། །གཞན་གྱིས་གསལ་བར་བྱས་པ་ལས། །ལོག་པར་མི་འགྱུར་གཞན་མི་འཇུག་།བཏང་སྙོམས་ཁ་ཅིག་འགྱུར་བ་ཡིན། །
iiif viewer powered by OpenSeadragon
