| e-texts navigator |
| Wylie |
224b1 དང་མ་གོམས་དང་། །རྣོ་དང་ཚད་ལས་འདས་པའོ། །བཞི་པ་བླ་འཁྱལ་སྙིང་ཁྲིན་དང་། །གང་མ་སྙོམས་དང་འཇིགས་སྐྲག་དང་། །གནད་དུ་གྱུར་དང་གཞན་གྱིས་བརླམས། །ལྔ་པ་ནང་འཇུག་ཉ་ཆུང་བ། །ངལ་དང་དྲགས་དང་འཐིབས་པ་དང་། །
224b2 གཏད་དང་གོམས་དང་གཞན་རྐྱེན་འགྱུར། །ལྔ་གཉིས་དང་པོ་ཕྱིར་བྱུང་བ། །རྟས་དང་གང་འདིར་སངས་པ་དང་། །གང་དེ་བློང་བས་ཀུན་བཀྲིས་ཟད། །གཟའ་གཏད་རྐྱེན་གྱིས་དེ་འཇོམས་དང་། །གཞན་གྱི་རྐྱེན་གྱིས་འགྱུར་བའོ། །ཐང་ཅིག
224b3 འགགས་དང་དེ་སངས་པ། །དེ་ཡང་དེར་འཇུག་དེ་ཉིད་དོ། །གཉིས་པ་གཉིས་བྱེད་ལ་འཇུག་པ། །འདི་འོ་སྙམ་དུ་སྔོན་འགྲོ་དང་། །བདུན་པ་སྐྱེད་དང་འབད་རྩོལ་སྦྱོར། །ཐམས་ཅད་འབྱུང་བ་གཡོ་བར་བྱེད། །གསུམ་པ་ཆགས་དང་བྲལ་བྱེད་པ། །
224b4 ཆགས་པ་ཡུལ་གནས་ལས་སྐྱོ་ཞིང་། །གཞན་གྱིས་བྲལ་དང་བར་གཅོད་དང་། །ཡང་དག་ཡིད་ལ་བྱེད་པས་བྱེད། །བཞི་པ་ཆགས་པས་ཉམས་གྱུར་པ། །རྨོངས་པའི་ལྟ་བས་བརྟན་པར་གནས། །གང་འདིར་གོམས་པ་ཆུང་བ་དང་། །
224b5 རྣམ་པ་རྟགས་དང་མཚན་མ་དང་། །དེ་བྱེད་ཡིད་ཉམས་སོགས་འགྱུར་བས། །ཡང་དག་བླངས་ཏེ་དེར་འཇུག་དང་། །སྒྲིབས་དང་གཞན་གྱིས་ཟིན་པའོ། །ལྔ་པ་དོན་རྒྱུད་ཆད་བྱེད་པ། །གསལ་དང་ལོག་པའི་སྟོབས་ལྡན་དང་། །ལོངས་སྤྱོད་འཐུན་པའི
224b6 གྲོགས་སྙེད་དང་། །དེ་དག་རྒྱུན་མི་འཆད་འགྲོ་དང་། །རྒྱུན་དུ་གཅོད་ལྡོག་མི་བྱེད་པ། །ལོག་རྒྱུན་གནས་བྱེད་དོན་རྒྱུན་བཅད། །ལྔ་གསུམ་དང་པོ་མཚམས་སྦྱོར་བ། །དེ་ལས་ལྡོག་པའི་དོན་རྒྱུན་ལྡན། །གཉིས་པ་ཉིང་མཚམས་སྦྱོར་བ་ཡི། །འཆི་བའི
224b7 ཆོས་ལ་གཉིས་ཡོད་དེ། །དུས་དང་དུས་མ་ཡིན་དེ་ལ། །ཁ་ཅིག་དུས་མིན་འཆི་བ་ཡི། །དེ་རྐྱེན་ཟད་དང་དེ་གཞན་རྐྱེན། །དེ་ཚེ་ཡུན་རིང་རྒྱུ་ཡོད་ཀྱང་། །ཡུན་རིང་གནས་པའི་རྐྱེན་མ་ཚང་། །ཡ་ང་མ་སྤངས་ལས་ཀྱི་རྐྱེན། །ཚད་ལས་འདས་དང་མི་འཕྲོད
224b8 དང་། །གང་མ་སངས་པར་གང་ནོན་དང་། །རྙིང་འཁྲིགས་འབྱིན་པར་མི་བྱེད་དང་། །གང་དེ་འགགས་པར་རྒྱུན་འགོག་དང་། །སོ་སོའི་གཉེན་པོ་སྟེན་མི་བྱེད། །མ་གོམས་འཐུན་འཕྲོད་མི་ཤེས་དང་། །དུས་མིན་འགྲོ་དང་སྤྱོད་པས་ཉེས། །དེ་ནས་འདུ
iiif viewer powered by OpenSeadragon
