| e-texts navigator |
| Wylie |
224a1 དེ་དག་ནི་གཞི་ཡི་མདོ་ཞེས་བྱ་སྟེ། །གང་མུན་པའི་སྤྱོད་ཡུལ་པ་ལས་ཀྱིས་བསྒྱིངས་པ་རྣམས་ལ་དངོས་ཏེ་མུན་པའི་ཆོས་རྣམས་གསུངས་པའོ། །ལང་ཀའི་བདག་པོ་དེ་ལ་དམིགས་པའི་མདོ་གང་ཞེ་ན། འདི་ལྟ་སྟེ། གཟུགས
224a2 ཁམས་དེ་འཛིན་གནས་གཅིག་ཉིད། །དེ་འཛིན་དེ་ཉིད་དེ་ལ་ལྟ། །དེ་འཛིན་དེར་བྱེད་མུན་པ་ཅན། །ཕྱོགས་འཛིན་ཕྱོགས་མེད་རྣམས་དང་གཅིག་།མ་ངེས་སྤྱིར་འགྲོ་གཉིས་མི་དམིགས། །སྣ་ཚོགས་མེད་དེ་བདག་ཉིད་འཛིན། །དྲི་མེད་འཛིན
224a3 མེད་གཞན་འདྲ་མེད། །དེ་འཇུག་རྟེན་མེད་ཁྱད་པར་མེད། །དུས་གསུམ་དུས་སུ་དེ་འཛིན་མེད། །དེ་འཛིན་དེ་ལ་དེར་འཛིན་པས། །གཟུགས་མིན་གཉིས་ལ་ཆགས་ཁམས་སོ། །ལང་ཀའི་བདག་པོ་དེ་ལ་སྣང་བའི་མདོ་གང་ཞེ་ན། འདི་ལྟ་སྟེ།
224a4 འདོད་ཁམས་དེ་འཇུག་དེ་འབྲང་གནས། །གསུམ་པ་ཡིན་ཏེ་དེ་དག་ནི། །དེ་ཉིད་འབྱུང་རྟེན་དེ་མ་ཐག་།འདོད་པ་ལྔ་དང་ཆོས་གཉིས་སོ། །བྱེད་པ་ཀུན་དང་རྟག་ཏུ་གཅིག་།རིགས་གསུམ་དག་དང་ཕྲད་རིགས་འཛིན། །དེ་འཇུག་ཚོལ་གཅོད་འབེབས
224a5 པའོ། །མ་འགགས་གང་དུ་རྒྱུན་ཁྱབ་འཇུག་།དུས་གསུམ་སྐབས་གསུམ་འཇུག་མེད་པའོ། །སྣ་ཚོགས་དེ་ཉིད་དེ་ལ་འདེབས། །དེ་ཡང་འཇུག་པ་རྣམ་གཉིས་ཏེ། །ལྔ་དང་ཐུན་མོང་དེ་ཁྱད་པར། །ཡུལ་རིག་པ་དང་མཚན་ཉིད་རིག་པ་དང་། དུས་རིག་པ་དང་།
224a6 སྐད་ཅིག་མའི་རྒྱུན་རིག་པ་དང་། ལས་ལ་འཇུག་པ་དང་། གང་གི་འབྲས་བུ་ཡོངས་སུ་མྱོང་བའོ། །དྲུག་གཉིས་ལྔ་གསུམ་བཅུ་གཉིས་གཅིག་།ཐམས་ཅད་དེ་འཇུག་བྱེད་པ་ཡིན། །ལང་ཀའི་བདག་པོ་འདི་ལྟ་སྟེ། གསང་བ་མཆོག་གི་བདག་པོ་དེ། །
224a7 གསང་བ་མཆོག་གི་དགྱེས་པ་ན། །དགོངས་ཏེ་ཡུལ་འདི་རྒྱ་ཆེར་བཤད། །དང་པོ་རྣམ་རྟོག་བདུན་རྟོག་པ། །མཚན་མ་ཅན་དང་མཚན་མ་ཡིན། །རང་གི་ངང་གིས་འཇུག་ཚོལ་བ། །སོ་སོར་རྟོག་དང་ཉོན་མོངས་ཅན། །དེ་མིན་རྣམ་པར་རྟོག་པའོ། །
224a8 གཉིས་པ་ཉེ་བར་སེམས་གསུམ་སྟེ། །རིགས་བསྐྱེད་རིགས་མྱིན་གཉིས་ག་མྱིན། །གསུམ་པ་རྨོངས་བྱེད་དཔའ་བྱེད་རྐྱེན། །གང་འདིར་འབྱུང་འགྱུར་དབང་རྟེན་འགྱུར། །དབང་པོ་འབྱུང་འགྱུར་རྣམ་ཤེས་ཀྱི། །དེ་དང་ཆ་མཐུན་འབྱུང་ཆ་མཐུན། །ཉམས་ཆུང་བ
iiif viewer powered by OpenSeadragon
