| e-texts navigator |
| Wylie |
223b1 ཤེལ་མེ་འབྱུང་གསུམ། །གང་དང་ཕྲད་ན་དེ་བཞིན་འགྱུར། མེ་ལོང་མཚོ་རླབས་ས་རླབས་གསུམ། །ཇི་སྲིད་དེ་རྒྱུན་བྱུང་ཚོར་རྣམས། །དེ་ཉིད་རྒྱུ་ཡིས་རང་བཞིན་ལྔ། །མེ་འཛིན་དེ་འཛིན་འདབ་འཛིན་ལྟར། །དེ་ཉིད་དེ་ཡིས་དེ་རྒྱུན་ལས། གང་ཞེན་དེ་འཛིན
223b2 བྱེད་པ་ཡིན། །རས་དཀར་ལ་སོགས་དེ་དག་ནི། །གང་སྒོའི་དབང་དུ་དེ་དག་འདུའོ། །དེ་ཉིད་དེ་ལ་དེ་རྒྱུན་རག་། །གང་ཉིད་བསྒོས་པ་དེ་ཉིད་དུའོ། །གངས་དྲེག་ལ་སོགས་དེ་དག་ནི། སོགས་པས་དེ་དག་ཉིད་དུ་སྣང་། །དེ་རྒྱུན་འབྱུང་གང་དེ་དག་ནི། །དེ་ཡང་དེ་དག་ཉིད
223b3 དུའོ། །འོ་མ་ཆུ་དང་ས་བོན་ལས། །དེ་མི་འདྲ་བས་དེ་རྟས་ཡིན། །དེ་ཉིད་དེ་ཡི་རྒྱུན་དེ་ལས། །དེ་ཡང་དེ་ལྟར་སྣང་བ་ཡིན། །གནས་པ་དེ་དག་གང་ཡིན་པ། །དེར་འབྱུང་བ་དེ་ཉིད་དུའོ། །མྱུར་སྨིན་དུས་སྨིན་དུས་གཉིས་མིན། །ས་བོན་ཆེ་ཆུང་འཕེལ་འགྲིབ་དེའོ། །
223b4 སྤྲིན་དང་ལིང་ཐོག་མུན་པ་ཡིས། །རྫས་གང་མི་མཐོང་སྒྲིབ་པ་ལྟར། །དེ་ཡི་རྒྱུན་འཁྲིགས་མུན་པ་ཡིས། །བལྟ་བྱ་དེ་ཉིད་མཐོང་མ་ཡིན། །དང་པོ་གཉིས་དང་ཕྱི་མ་ལ། །གསལ་དང་འགགས་དང་ཐ་དད་སྣང་། །དེ་ཉིད་ཀུན་ལ་འགྲོ་བའི་ཕྱིར། །གཅིག་གིས
223b5 སྣ་ཚོགས་ཐ་དད་ལེན། །དེ་ཉིད་རྩལ་ལས་འཇུག་པ་དྲུག་།སླར་འཇུག་པ་ཡང་དེ་ཉིད་ལས། །ཆར་རྒྱུན་སྨིག་རྒྱུ་ཇི་བཞིན་ནོ། །མིག་ནད་དབང་གིས་ཡུལ་དག་ལ། །ཐ་དད་མ་ཡིན་ངོ་བོ་ཙམ། །གང་དང་འདི་གཅིག་འདྲེས་པ་ལས། །སྒྱུ་རྩལ་དེ་འབྱེད་དེ་དག
223b6 ལེན། །དེ་ཉིད་ལས་བྱུང་དེ་རྣམས་འབྱེད། །གང་འདིར་སྦྱོར་ཞིང་མི་སྣང་ཡང་། །གང་གི་དབང་གིས་ཐ་དད་སྣང་། །དེ་ལས་དེ་འབྱུང་དེ་ཉིད་ལས། །དེ་བཞིན་དེ་དག་འབྱུང་བའོ། །དྲི་ངའི་དྲི་འབྱུང་གང་གི་དྲི། །གང་མེད་གང་ལ་ཞེན་པ་ནི། །མི་འདྲ་མི་གཅིག་དེ་ཉིད
223b7 ལས། །དེ་ཉིད་གཞན་ལ་དེ་རྒྱུན་གཞན། །གང་གི་ངོ་བོ་དེ་གཅིག་ལ། །དེ་ཡང་གནས་དང་སྐབས་ཀྱིས་འགྱུར། །གང་ལ་བག་ཆགས་རྣམ་དག་པ། །དང་བས་ཐམས་ཅད་གསལ་བ་བཞིན། །གང་གི་རྒྱུན་སངས་ཀུན་ཁྱབ་རྒྱས། །དབུ་མ་རྣམ་དག་དེ་ཉིད་ཅེས། །
223b8 མུན་པའི་སྤྱོད་ཡུལ་པ་དག་འཛིན། །མུན་པ་འང་དེ་ཉིད་དེ་ལ་འབྱུང་། །མུན་པའི་རང་བཞིན་ངོ་བོ་དང་། །མཚན་ཉིད་ཡན་ལག་རྩ་བ་དང་། །གནས་དང་སྒྲིབ་པ་བྱེ་བྲག་ཆོས། །གང་དུ་གང་གིས་གང་ཕྱིར་གང་། །དེ་དག་ངེས་པར་དབྱེ་བར་བྱའོ། །ལང་ཀའི་བདག་པོ
iiif viewer powered by OpenSeadragon
