| e-texts navigator |
| Wylie |
223a1 ཡང་རིན་ཆེན་མྱིན། །ས་རྡོ་བསྲེས་ཀྱང་འདྲེར་མི་རུང་། །གློག་འགྱུས་གཞི་ལ་མུན་པ་མེད། །མཚལ་ཟི་གསེར་ཞུན་གཅིག་མི་སྲིད། །སྐྱེས་བུས་ཉིད་ལ་མཆོད་མི་སྲིད། །ཆུ་བོ་སྔ་ཕྱི་རྒྱུན་མི་འཕྲད། །ཆོས་འཐུན་པ་ན་རིགས
223a2 མཐའ་ཡས། །དེས་ན་དེ་བཞིན་ཉིད་ཅེས་བསྔགས། །དེ་ཉིད་མེད་ན་ཐམས་ཅད་དུ། །གང་དེ་ལེན་ཡོད་ག་ལ་སྲིད། །དེ་ཉིད་མེད་ན་རྒྱུན་བཀག་ནས། །ཇི་སྲིད་ཅིག་ན་སླར་ལྡང་བ། །གང་ལས་བྱུང་དེ་གང་ལས་མིན། །གང་མེད་དེ་མེད་གཉིས་མེད་ན། །གང
223a3 ལས་ལྡང་སྟེ་གང་མི་འགྱུར། །དེ་བཞིན་གང་གིས་འགགས་འགྱུར་ན། །སྐད་ཅིག་ཇི་སྲིད་དེ་ནས་ལྡང་། །དེ་ན་དེ་ཉིད་ཀུན་གྱི་གཞི། །ལུས་དང་དུག་སྨན་ཇི་བཞིན་ནོ། །འཇུག་པ་ལྔ་ནི་རྨི་ལམ་འདྲ། །དེ་ལྟར་ན་འདི་གཅིག་པ་འམ། །འོན་ཏེ་ཐ་དད་པ
223a4 ཞིག་ཡིན། །གཅིག་དང་ཐ་དད་ངོ་བོ་ལས། །གྲོལ་ཏེ་དབྱིབས་སམ་ཁ་དོག་གམ། །རྙོག་ཆུ་འོ་མའི་ཆུ་བཞིན་ནོ། །དེ་ན་དེ་ཉིད་དེ་བཙན་ནམ། །གལ་ཏེ་དེ་ཡི་གཞི་འདི་བཙན། །མི་གཡོ་མི་འགྱུར་གཡོ་དང་འགྱུར། །མ་བྱུང་བ་དང་དེ་བཞིན་འབྱུང་། །ནམ
223a5 མཁའ་འབྱུང་བ་ཇི་བཞིན་ནོ། །ཐོག་མ་ཐ་མ་དུས་མི་དམིགས། །མ་ནོར་མ་བཅོས་དེ་བཞིན་ཉིད། །རང་བཞིན་ཀུན་དུ་སྣང་བའི་དབྱིངས། །མ་བྱུང་རང་བཞིན་ཡེ་ནས་གསལ། །གཞི་འམ་དེ་རྒྱུན་ཞེས་བྱ་བ། །ཤེས་རྒྱུན་ཐམས་ཅད་སྐྱེ་འབྱུང་བའི། །
223a6 རྩ་བ་མཐུ་ཅན་གཞིར་གཞག་པ། །སྣ་ཚོགས་འབྱུང་རྒྱུ་དེ་ཉིད་དོ། །དང་བའི་མཁའ་ལ་རྒྱུ་བའི་སྤྲིན། །གསེར་གྱི་གྲངས་ཙམ་བྱུང་ཚུན་ཆད། །ཁུག་རླངས་སྤྲིན་ཕུང་འཐིབས་ཞེས་བྱ། །འབྱུང་བའི་སྐད་ཅིག་དེ་སྔོན་ཅད། །དང་བའི་མཁའ་ཉིད་སྣང
223a7 ཞེས་བྱ། །དེ་བཞིན་དེ་ཉིད་དེ་གཞིར་གཞག་།མཚུངས་པ་ཡིན་ཕྱིར་དེར་སྣང་སྟེ། །སོ་སོའི་བྱེ་བྲག་དེ་ཙམ་མོ། །དེ་ཉིད་དེ་ཡི་རྒྱུ་བ་ལས། །འཇུག་པའི་ཚོགས་རྣམས་རྩལ་དུ་སྣང་། །རྩ་བ་མཐུ་ཆེན་འཕེལ་འགྱུར་བས། །གང་དང་གང་དུ་གང་ཉོན
223a8 མོངས། །མཚན་མར་སྣང་འཛིན་གཡོ་འགུལ་བསྐྱོད། །རང་སྣང་གང་ལ་དེ་གསལ་རིག་།གང་དུ་ལྟ་དང་གང་འཛིན་པའི། །དེ་རྒྱུན་དེ་ལས་དེར་འདི་འབྱུང་། །གང་ཚོར་གང་ཤེས་གང་དེ་ཤེས། །སྐྲག་ཅིང་དངང་འཇིགས་དངོས་པོ་ཉིད། །མེ་ལོང་མེ
iiif viewer powered by OpenSeadragon
