| e-texts navigator |
| Wylie |
214b1 རྒྱུ་བརྟགས་ཆགས་པ། །བསྒྲུབས་འགྲུབ་ཇི་ལྟར་བལྟས་པར་སྣང་། །གང་དག་གང་ལ་བརྡ་ཕྲད་པས། །གང་གི་དོན་ལེན་ཉིད་དུ་ངེས། ཞེས་ངེས་པ་དམ་པ་ཉིད་དུ་བགྲོས་པས་དམན་པའི་ལུས་ཀྱི་སེམས་དཔའ་རྣམས་ཆོས་ཐམས་ཅད
214b2 བརྡ་ཙམ་གྱིས་གང་གི་ངེས་པ་རྙེད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ངེས་པ་དམ་པའི་ཡན་ལག་བགྲོས་པའི་ལེའུ་སྟེ་ལྔ་བཅུ་རྩ་གཅིག་པའོ།། །། དེ་ནས་ཡང་གསང་བ་པའི་བདག་པོ་དེས་དམན
214b3 པའི་ལུས་ཀྱི་སེམས་དཔའ་ཆེན་པོ་ལང་ཀའི་བདག་པོ་ལ་ཡིད་ཡོངས་སུ་འཇུག་པའི་ཐབས་ཀྱིས་བོས་ཏེ་སྨྲས་པ། ལང་ཀའི་བདག་པོ་ཡན་ལག་གི། མཐར་ཟད་རྟོགས་འཇུག་ཐབས་ཉིད་ནི། །རང་བཞིན་འབྱུང་སྒོ་དབང་སྦྱོར་དང་། །ངེས་པ་ཁོང་དུ་ཆུད་པ་ཡིས། །
214b4 ཡང་དག་དོན་ལ་ངེས་གཞག་བྱ། །ཤེས་དང་འཇུག་དང་འབྲས་བུ་དང་། །ལྷུན་གྱིས་གྲུབ་པའི་མཚན་ཉིད་ཡིན། །དེ་འབྲེལ་དེ་དགོས་དེ་མཚོན་དགོས། །དེ་ཡི་རྗེས་སུ་བྱེད་དགོས་ཡིན། །ཐོས་ཆུང་གོམས་དང་ངེས་པར་གྱུར། །ཕྱེ་མཐོང་ཞུགས་དང་ཐོབ
214b5 པ་ཡིན། །དེ་ཚོལ་དེ་རྙེད་འཇུག་མངོན་གྱུར། །བསྙེན་པ་ཉེ་བསྙེན་སྒྲུབ་དང་འགྲུབ། །དེ་བཞིན་མཉམ་འགྱུར་རྣལ་འབྱོར་པར། །ལྷུན་གྲུབ་ལས་སུ་རུང་བའོ། །དེ་ནི་ངེས་པར་འཇུག་རིམས་ཡིན། །གཞན་གྱི་དོན་དུ་འབྱུང་རིམས་བཞི། །གཡོ
214b6 དང་ཆོ་འཕྲུལ་སྣང་མཛད་པའོ། །ཇི་ལྟར་རིམ་བཞིན་སྦྱར་བ་ཡིན། །དེ་ཤེས་དེ་མ་སྐྱེས་པར་ཤེས། །དེ་དུས་དངོས་མེད་ཤེས་པ་དང་། །ཡེ་ནས་ཤེས་པའི་རིམ་བཞིན་ནོ། །ཐམས་ཅད་མཉམ་ཉིད་དེ་ཉིད་དང་། །བསྒྲུབ་དང་མི་འདའ་སྤྱོད
214b7 འཐུན་རྫས། །རང་བཞིན་རྣམ་པ་ལྔར་སྣང་བའོ། །གང་མཁས་ཆེ་དང་མང་ཡས་ཡངས། །སྒྱུར་དང་རླབས་ཆེན་ཅིར་སྟོན་དང་། །ཀུན་ཤོང་ཀུན་སྤྱོད་བདེར་འཇུག་པའོ། །བཅོམ་དང་ཞི་དང་མཐའ་རྒྱས་དང་། །ཆུབ་པར་འདུས་པ་ལས
214b8 བཞིའོ། །གང་དུ་སྦྱོར་བའི་ཡན་ལག་འདིས། །ཡན་ལག་ཐམས་ཅད་རྫོགས་པ་ཡིན། །ལང་ཀའི་བདག་པོ་དེ་དག་ནི་ཡན་ལག་ཡིན་ཏེ། ཡན་ལག་དེས་གང་ལྟར་བརྗོད་པ་ཐམས་ཅད་རྣམ་པར་འབྱེད་པར་ཤེས་པར་བྱའོ། །དེ་སྐད་ཅེས
iiif viewer powered by OpenSeadragon
