| e-texts navigator |
| Wylie |
214a1 འདེབས་སྐྱོན་ཚིག་རྣམས། །གང་མི་འཚལ་བ་དེར་འཚམ་སྦྱོར། །གང་དག་ཡིད་ལ་བཏགས་པའི་ཟས། །ཁོང་ནས་འདོད་པའི་བཅུད་འབྱིན་བྱེད། །གང་དུ་དམིགས་སུ་འཛིན་པ་ཡིས། །གང་མི་གསལ་བར་མངོན་པར་སྟོན། །
214a2 ཇི་ལྟར་སྒྲ་བརྙན་རྒྱུན་བྱུང་ན། །གང་སྐྱེའི་དུས་སུ་ཡིད་ཆེས་འགྱུར། །དེ་བཞིན་ཚད་མའི་ཡུལ་བྱུང་ན། །མ་བཅོས་དེ་ཉིད་ཡིན་པར་ངེས། །གང་འདིར་དག་པའི་མེ་ལོང་གིས། །བཞིན་དང་གཟུགས་བརྙན་སྟོན་པ་ལྟར། །ཉེ་བར་མཚོན
214a3 པའི་མེ་ལོང་གིས། །གང་མི་མཐོང་བ་གསལ་བར་བྱེད། ཇི་ལྟར་སྣརེལ་གཞི་འཆོལ་འཁྲུགས་པ། སྣོལ་མཚམས་འཕེན་སྡུད་འཆོལ་མཚམས་སྦྱོར། རྩལ་ཆེན་རོལ་པའི་སྟོབས་ཆེན་ལྟར། །དེ་ཉིད་རིག་པ་ཉིད་དུ་སྦྱོར། །ལང་ཀའི
214a4 བདག་པོ་དེ་དག་ནི། །གང་སྨྲ་བརྗོད་དུ་འདྲེན་པ་ཡི། །ཡན་ལག་ཁོ་ནར་ཤེས་པར་གྱིས། །ཞེས་གསང་བ་བའི་བདག་པོས་དེ་སྐད་ཅེས་སྨྲས་པས། །ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཐམས་ཅད་ལ
214a5 གང་དུ་སྨྲ་བའི་སྒོ་ཡོངས་སུ་འབྱེད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཡོངས་སུ་འདྲེན་པའི་ཡན་ལག་རྣམ་པར་བགྲོས་པའི་ལེའུ་སྟེ་ལྔ་བཅུ་པའོ།། །། དེ་ནས་ཡང་གསང་བ་པའི་བདག་པོ་དེས
214a6 སེམས་དཔའ་ཆེན་པོ་ལང་ཀའི་བདག་པོ་དེ་ལ་ངེས་པར་བོས་ཏེ་རྣམ་པར་སྨྲས་པ། ལང་ཀའི་བདག་པོ་འདི་ལྟ་སྟེ། གང་དུ་ངེས་པའི་ཡན་ལག་ནི། །གང་ལ་གང་གིས་གང་བརྗོད་པ། །འབྲེལ་བཞི་བཤད་སྦྱོར་བརྗོད་པའི་སྒོ། །ཡོངས་སུ་དག
214a7 པ་ལྷ་ངེ་བའི། །གང་ལ་སྤྱན་རས་གཟིགས་དབང་གིས། །མཐའ་ཐུག་མེད་པའི་འགྲོ་གང་དག་།འདི་ན་སྣོད་བཞི་ཁོ་ནར་གཟིགས། །ཞེན་ཆགས་ཅན་དང་ལོག་སྲེད་ཅན། །རིགས་རྒྱུད་ཅན་དང་བློ་གྲོས་ཅན། །ཐམས་ཅད་ཆ་བཞིར་སྣང་བ་སྟེ། །
214a8 འདོད་ཁྲིད་སྦྱོར་དང་ངེས་པར་སྣང་། །དེ་དག་རེས་འགའ་ཆ་བཞི་སྟེ། །གང་དུ་དགོངས་པ་གང་ངེས་པ། །ངོ་བོ་དམིགས་དང་བཅས་བ་ལས། །བཀའ་དོན་གཏན་ཚིགས་རིགས་པ་བཞིར། །སྣང་དང་མི་འགལ་རྒྱས་འཐད་སྦྱར། །ཐམས་ཅད་མེད
iiif viewer powered by OpenSeadragon
