| e-texts navigator |
| Wylie |
213b1 ཆོས་ཐམས་ཅད་དགོངས་འབྲེལ་ཡན་ལག་བཞིར་འདུས་པར་གོ་ཆ་བགོས་སོ། །དེ་ནས་ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཀྱིས་ཀྱང་དགོས་འབྲེལ་ཡན་ལག་བཞིའི་སྒོ་ནས་ཆོས་ཐམས
213b2 ཅད་ཡོངས་སུ་ཆུབ་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་འབྲེལ་པ་དགོས་ཆེད་ཀྱི་ཡན་ལག་བསྟན་པའི་ལེའུ་སྟེ་བཞི་བཅུ་རྩ་དགུ་པའོ།། །། དེ་ནས་ཡང་གསང་བ་པའི་བདག་པོས་ལང
213b3 ཀའི་བདག་པོ་ལ་བོས་ཏེ་སྨྲས་པ། ལང་ཀའི་བདག་པོ་དེ་ལ་འདྲེན་པའི་ཡན་ལག་གང་ཞེ་ན། གང་ལས་གང་དུ་ཡོངས་སུ་འདྲེན་པ་སྟེ། དེ་ཡང་འདི་ལྟར་བགྲོ་བ་རྣམ་པར་ཡོངས་སུ་བགྲོ་བར་བྱའོ། །ལང་ཀའི་བདག་པོ་འདི་ལྟ་སྟེ།
213b4 ཡོངས་སུ་འདྲེན་པའི་ཡན་ལག་ནི། །བཅུ་ཕྲག་གཅིག་གིས་འདྲེན་པས་ནི། །སྨྲ་བརྗོད་ཚིག་གི་ཡན་ལག་རྫོགས། །གང་ལ་ལྟ་དང་སྒོ་འབྱེད་དང་། །སྡུད་དང་འབྱོར་པར་འདྲེན་པ་དང་། །རྐྱེན་དང་གཞན་དམིགས་འཛིན་པའི་ཚིག་།མ་བཅོས་མེ
213b5 ལོང་སྣརེལ་གཞི་རྣམས། །མེ་ལོང་བཅུ་དང་འཐུན་སྦྱར་བས། །ཚིག་དོན་རྣམ་པར་སྦྱར་བ་ཡིན། །ལང་ཀའི་བདག་པོ་འདི་ལྟ་སྟེ། གང་ལ་ལྟ་དང་ལྟ་བ་ནི། གང་འདིར་མཁའ་ལ་འགྲོ་བ་ནི། །རྩལ་གྱིས་ནམ་འཕང་རླབས་སུ་གཅོད། །དེ་བཞིན
213b6 དེ་ཉིད་འདིར་འགྲོ་བ། །མ་འདྲེས་ལྟ་འཕངས་རླབས་སུ་གཅོད། །བགྲོད་པར་བྱ་བའི་ས་ཚིགས་དག་།རྩལ་ཚད་དག་གི་ཚད་དུ་གཅོད། །དེ་བཞིན་དོན་དང་ཚིག་མཚམས་དག་།དོན་གྱི་ཚིགས་དང་ཚོམས་སུ་གཅོད། །ཇི་ལྟར་གང་གི་ཁོབས་འོག་ཏུ། །
213b7 ས་ཁམས་མང་པོ་ཆུད་པ་ལྟར། །བརྗོད་པའི་རྣམ་གྲངས་མང་པོ་ཀུན། །གང་གི་ངོ་བོ་གཅིག་ཏུ་སྡུད། །གང་དང་གང་ལྟར་འགྲོ་བ་དག་།དྲང་པོར་འབྲེལ་རྗེས་གནོན་པར་སྣང་། །བརྗོད་དང་བརྗོད་པའི་ཚིག་མཚམས་དག་།གང་འདིར་མི་འཁྲུག་འབྲེལ
213b8 བར་སྦྱོར། །གང་འགྲོ་གནས་སུ་བགྲོད་པ་ནི། །གཡོ་འགུལ་མི་མངོན་ཤུགས་ཀྱིས་འགྲོ། །ཡི་གེ་བརྗོད་དང་རང་གཉེར་གྱིས། །གང་གི་ངོ་བོ་དེ་བཞིན་སྦྱོར། །གང་ཞིག་གང་ལྟར་གང་འགྲོ་བ། །མི་འཚམ་པ་ལ་དེར་འཚམ་སྣང་། །བརླང་པོ་ཞེར
iiif viewer powered by OpenSeadragon
