| e-texts navigator |
| Wylie |
213a1 འབྱུང་ངོ་མཚར་ཁྱོད། །སངས་རྒྱས་ཐུགས་ལས་རྒྱལ་སྐྱེས་པ། །ཇི་ལྟར་ཞིང་འདིར་སྣང་ཞིག་གུ། །རྣལ་འབྱོར་ཡབ་གྱུར་རྒྱལ་བའི་སྲས། །རང་བཞིན་ཀུན་དང་གཅིག་འབྲེལ་བའི། །བཀའ་ཡི་འཁོར་ལོ་རབ་བསྐོར་བས། །
213a2 རྣམ་དག་ལམ་མཆོག་དམ་པ་དག་།ཚིག་གིས་མཚོན་ཏེ་གསལ་བར་མཛོད། ། ཧོ་ཞེས་གསོལ་བ་བཏབ་བོ། །ལང་ཀའི་བདག་པོ་དེ་ནས་དམ་པ་རྡོ་རྗེ་བདག་གིས་རྡོ་རྗེ་བསྐོར་ཏེ་བསྒྱུར་ནས་བརྗིད་བག་ཏུ་རྡོ་རྗེ་ཚིག་ཏུ་སྨྲས་པ། ཨོཾ་ཧཱུ~ཾ
213a3 མུ~ཾ་ཨ་ཧོ། རྒྱལ་བའི་སྲས་པོ་ཅང་མི་གསུང་། །མི་གསུང་བས་ནས་རྒྱ་ཆེར་བཤད། །བཤད་དུ་མེད་པའི་ཆོས་ཉིད་འདི། །རྒྱལ་བ་རྣམས་ཀྱིས་མ་བཤད་དེ། །དེ་ལྟར་སྟོན་པ་རྒྱལ་མཆོག་ཀྱང་། །རྣམ་པར་བཤད་པར་མི་བཞེད་དེ། །རྒྱ་ཆེར་བཤད
213a4 པར་དགོངས་པའོ། །སྐྱེ་བ་མེད་པའི་ཆོས་ཉིད་ནི། །མ་སྐྱེས་པས་ན་སྙིང་པོར་བཤད། །སྙིང་པོ་དོན་དེ་གང་ཡིན་པ། །ཚིག་ཏུ་སྨྲ་བར་ཡོད་མ་ཡིན། །སྤྲོས་པ་ཉིད་ན་གོལ་བ་ཞེས། །རྒྱལ་བ་རྣམས་ཀྱི་ཡང་དག་བཤད། །དེ་བས་རྡོ་རྗེ་རྒྱལ་པོ་ཉིད། །
213a5 བཀའ་མ་སྩལ་བར་དགོངས་པའོ། །དགོངས་པའི་དོན་རྣམས་གང་འབྱིན་པ། །ཇི་ལྟར་མེ་ལོང་གཟུགས་བརྙན་ལྟར། །དགོངས་དོན་རིག་ལ་སྣང་གྱུར་པ། །མ་སྐྱེས་སྙིང་པོའི་དོན་གྱིས་ན། །ཚིག་ཏུ་སྤྲོས་པ་མ་ཡིན་ན་འང་། །མཚན་མ
213a6 ཚིག་གི་རྣལ་འབྱོར་པ། །ཚིག་ལ་ཞིབ་ལ་དོན་ལ་རྩིང་། །ཚིག་ཕྱིར་བློ་འབྲེལ་རྩལ་ཞན་རྣམས། །བཀྲི་བས་བསམ་པ་རངས་བྱའི་ཕྱིར། །མི་དམིགས་པ་ལས་དམིགས་པ་ཡི། །ཆོ་འཕྲུལ་ཚིག་གིས་དེ་མཚོན་དགོས། །བདེར་གཤེགས་རྒྱལ
213a7 བ་ཀུན་གྱི་ཐུགས། །གསང་བ་དེ་ཉིད་སྙིང་པོའི་དོན། །མཉམ་ཉིད་བྱང་ཆུབ་ཐེག་ཆེན་པོ། །གསལ་བར་ཀུན་ལ་ཁྱབ་སྣང་བའི། །ཀུན་གྱིས་དེ་ཉིད་མཐོང་བྱ་དགོས། །ང་ནི་དུས་གསུམ་བཞུགས་པ་ཡི། །རྒྱལ་བ་ཀུན་གྱི་སྙིང་པོ་སྟེ། །སྟོང་བར་སྦས
213a8 པའི་དོན་འདི་ལ། །བརྡ་དང་དཔེས་མཚོན་ལྡེ་མིག་གིས། །མཉམ་ཉིད་རིག་པའི་སྒོ་དབྱེའོ། །སྦས་པའི་དོན་མཚོན་འབྱུང་བའི་རིགས། །མ་མཐོང་རྣམས་ལ་བསྟན་པར་བཤད། །དེ་མཐོང་དེ་བཞིན་ཉིད་དུ་འཐད། །ཅེས་གསང་བའི་བདག་པོ་དེས
iiif viewer powered by OpenSeadragon
