| e-texts navigator |
| Wylie |
212b1 བཅོམ་ལྡན་འདས་སེམས་དཔའ་རྡོ་རྗེ་འདི་ནི་འདི་ལྟར་མཐུ་ཆེ་བ། འདི་ལྟར་བྱིན་གྱིས་བརླབས་ཆེ་བ། འདི་ལྟར་རྒྱ་ཆེ་བ། འདི་ལྟར་མཁས་པ། འདི་ལྟར་གསལ་ཞིང་ཟབ་པ་ནི་བཅོམ་ལྡན་འདས་ཀྱི་ཐུགས་དང་འབྲེལ་ཅིང་ཐུགས་ལས་སྐྱེས་པ། དེ་ཁོ་ན་ཉིད་དང
212b2 འབྲེལ་ཅིང་དེ་ཁོ་ན་ཉིད་ལས་སྐྱེས་པ་ལགས་སོ་ཞེས་གསོལ་པས་ཁོ་བོ་ལ་བསྟོད་པ་དང་། ལང་ཀའི་བདག་པོ་བཅོམ་ལྡན་འདས་དེས་དེ་དག་ལ་བཀའ་སྩལ་པ། འདུས་པ་ཆེན་པོའི་ཚོགས་སེམས་དཔའ་རྡོ་རྗེ་འདི་ནི་བྱང་ཆུབ་ཀྱི་སེམས
212b3 ཀྱི་ངོ་བོ། སྙིང་རྗེ་ཐམས་ཅད་ཀྱི་བདག་པོ། ཐབས་ཐམས་ཅད་ཀྱི་མཆོག་།སངས་རྒྱས་ཐམས་ཅད་ཀྱི་རྗེ་བཙུན། བྱང་ཆུབ་སེམས་དཔའ་ཐམས་ཅད་ཀྱི་ཡབ། རྣལ་འབྱོར་ཀུན་གྱི་རྣལ་འབྱོར། མྱ་ངན་ལས་འདས་པ་ཀུན་གྱི་དེད་དཔོན།
212b4 བདུད་ཐམས་ཅད་ཀྱི་ཡང་བདུད་ཆེན་པོ། །སངས་རྒྱས་ཐམས་ཅད་ཀྱི་ཡང་གདུལ་དཀའ་འདུལ་བ། ཆོས་ཐམས་ཅད་ཀྱི་མཛོད། གསང་བ་ཐམས་ཅད་ཀྱི་བདག་པོ། ཡེ་ཤེས་ཐམས་ཅད་ཀྱི་འབྱུང་གནས་ཆེན་པོར་གྱུར་པ་ཡིན་ནོ། །
212b5 དེ་ཅིའི་ཕྱིར་ཞེ་ན། ཐོག་མ་དང་ཐ་མ་མེད་པར་མཉམ་པའི་དུས་ཕ་མཐའ་ལས་ཀྱང་ཕ་མཐའ་དཔག་ཏུ་མེད་ཅིང་བསམ་དུ་མེད་པ་འབྱམ་ཀླས་པའི་དུས་ན། བྱ་བ་བྱས་ཤིང་བྱེད་པ་བྱས་པ། མངོན་པར་རྫོགས་པར་སངས་རྒྱས་པ་ཡིན་ཏེ།
212b6 དེ་ནི་ཆོས་ཐམས་ཅད་ཀྱི་རང་བཞིན་དུ་སྦྱོར་ཞིང་ཆོས་ཐམས་ཅད་ཀྱི་རང་བཞིན་དུ་འབྲེལ་བས་རྒྱལ་བ་ཐམས་ཅད་ཀྱི་ཐུགས་ལས་སྐྱེས་ཤིང་ཐུགས་དང་འབྲེལ་བ། ཐམས་ཅད་ཀྱི་ཡབ་ཏུ་གྱུར་པ་ཡིན་ཏེ། དེ་འདྲའོ་ཞེས་ཁོ་བོ་ལ་བསྔགས
212b7 པ་བརྗོད་པ་བཀའ་སྩལ་བ་ལས། འདུས་པའི་ཚོགས་འཁོར་ཐམས་ཅད་ངོ་མཚར་དུ་གྱུར་ཏེ་གསོལ་པ། བཅོམ་ལྡན་འདས་དེ་ནི་འདི་ལྟར་ངོ་མཚར་ལགས་སོ། །བདེ་བར་གཤེགས་པ་དེ་ནི་འདི་ལྟར་ངོ་མཚར་ལགས་སོ་ཞེས
212b8 གསོལ་ཏེ། སེམས་དཔའ་རྡོ་རྗེ་དམ་པ་དེ་ལ་ལོགས་སུ་བཏུད་ནས་ལུས་ཀྱི་བག་བཞི་ས་ལ་ཕབ་པའི་ཕྱག་རྣལ་འབྱོར་གྱི་ལུགས་སུ་བྱས་ནས་རྨད་དུ་བྱུང་བའི་མེ་ཏོག་དང་། ཏིང་ངེ་འཛིན་གྱི་མཆོད་པ་སྣ་ཚོགས་བྱས་ཏེ། འདི་ལྟར་རྨད
iiif viewer powered by OpenSeadragon
