| e-texts navigator |
| Wylie |
211b1 ལྟ་བུས་དོན་གྱི་བཀོད་པ། རྟགས་ཀྱི་རོལ་པ། གསང་བའི་ངེས་པ། བཀའི་འགྲེལ་པ། ཆོས་ཀྱི་མེ་ལོང་། གཏན་ཚིགས་ཀྱི་འབྱུང་གནས། དགོངས་པ་ཀུན་འདུས་རྡོ་རྗེ་རྣམ་པར་བསྒྱིངས་པའི་གཞུང་ཆེན་པོའི་སྒྲ་འདི་བྱུང་ངོ་། །ོ~ཾ`་ཧཱུ~ཾ
211b2 མུ~ཾ་ཞེས་གསུངས་ནས་ཅང་མི་གསུང་། རབ་ཏུ་མི་གསུང་། གསུངས་པ་མི་འགོག་།འགོག་པ་མ་ཡིན། མ་གསུངས་པ་ཉིད་ན་རྒྱ་ཆེར་བཤད་པའི་ངོ་བོར་བཞུགས་སོ། །ལང་ཀའི་བདག་པོ་དེ་དག་ནི་རྩ་བ་སྦྱོར་བའི་ཡན་ལག་ཅེས་བྱའོ། །
211b3 སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྩ་བ་སྦྱོར་བའི་ཡན་ལག་བསྟན་པའི་ལེའུ་སྟེ་བཞི་བཅུ་རྩ་བརྒྱད་པའོ།། །། ལང་ཀའི་བདག་པོ་དེ་ལ་འབྲེལ་བའི་ཡན་ལག་གང་ཞེ་ན། གང་དང་གང་དག་ཏུ
211b4 འབྲེལ་བ་སྟེ། དེ་ནི་འདི་ལྟར་ཆེད་དུ་འགྲོ་བ་ཆེད་དུ་བརྗོད་པར་བྱའོ། །ལང་ཀའི་བདག་པོ་ནས་བདག་དེའི་ཚེ་དེའི་དུས་ན་དམ་ཚིག་ཆེན་པོ་རྡོ་རྗེ་སེམས་དཔར་གྱུར་པ་ལ། བཅོམ་ལྡན་འདས་གསང་བ་མཆོག་གི་བདག་པོ
211b5 དེས་ཐེག་པ་ཆེན་པོ་གསང་བའི་དོན་བདག་ཉིད་ཀྱིས་རྒྱ་ཆེར་ཆེད་དུ་རྗོད་ཅིག་པར་དགོངས་པའི་ཕྱིར་བདག་ལ་ཉི་ཚེར་ཞལ་འདུད་པས་གཟིགས་ཏེ། འཛུམ་པས་བསྐུལ་བ་རྣམ་པར་མཛད་དོ། །དེ་ནས་བདག་དམ་ཚིག་ཆེན་པོའི་རྡོ
211b6 ར་ཇེ་སེམས་དཔའ་ཞེས་བྱ་བར་སྣང་བ་དེས་ཡང་དག་པར་བསྐུལ་བར་རྣམ་པར་རིག་ནས་རང་གི་སྟན་ལས་ལངས་ཏེ་རང་གི་མཚན་མ་གནས་ལྔར་རེག་པར་བྱས་ནས་ཐེག་པ་ཆེན་པོ་དེ་ཁོ་ན་ཉིད་རྒྱ་ཆེར་བརྗོད་པར་བྱ་བའི་ཆེད་དུ་ལྕེ
211b7 པད་མའི་སྟེང་དུ་བཞག་སྟེ། ཤིན་ཏུ་གུས་པས་ལུས་ཀྱི་བག་བཞི་ས་ལ་ཕབ་པའི་ཕྱག་རྣལ་འབྱོར་ལུགས་སུ་བྱས་ནས་སེང་གེའི་ལྟ་སྟངས་ཀྱིས་སྟོན་པའི་ཞལ་དུ་བལྟས་ཏེ། འདི་སྐད་དུ་གསོལ་ཏོ། །རྡོ་རྗེ་རྒྱལ་པོ་ཚོགས་བདག
211b8 དགོངས་སུ་གསོལ། །ཆོས་ཀྱི་རྒྱལ་པོ་མི་གཡོ་རྒྱལ་ཚུལ་མཛད། །རྒྱལ་མཆོག་བདེ་ཆེན་ས་ལ་རབ་བཞུགས་ཏེ། །སྨྲ་བའི་ལས་མཆོག་རྡོ་རྗེ་ལྕེ་འབར་བས། །སྒྲ་དབྱངས་རྒྱལ་པོ་རྣམས་ཀྱིས་བདག་བྱིན་རློབས། །གསང་སྔགས་རྒྱལ
iiif viewer powered by OpenSeadragon
