| e-texts navigator |
| Wylie |
211a1 དགའ་བ་དང་ལྡན་པར་གནས་སོ། །དེ་ནས་གསང་བ་མཆོག་གི་བདག་པོ་དེས་འཁོར་རྣམ་པར་སྦྱོང་བ་རྡོ་རྗེ་རྒྱུན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཤངས་ཀྱི་ཧཱུ~ཾ་རིངས་ལས། རྡོ་རྗེ་མངོན་པའི་མཐུ
211a2 ཅན་འདི་དག་མངོན་པར་བྱུང་ངོ་། །ཧཱུ~ཾ་ཧཱུ~ཾ་ཧཱུ~ཾ་རྡོ་རྗེ་འདུས་པར་འདུས་པ་ཡི། །ཐེག་ཆེན་དམ་པའི་རིགས་ཅན་རྣམས། །བླ་འོག་རིམ་པ་ཇི་བཞིན་དུ། །རྡོ་རྗེ་གསང་བའི་གྲལ་བཀོད་དེ། །རིགས་མ་ཡིན་པ་རིགས་མེད་འགྱུར། །རིགས་ཅན
211a3 རྣམས་ཀྱི་དམ་ཚིག་ནི། །རིགས་མེད་རྣམས་ལ་འབབ་མི་འགྱུར། །དེ་ལས་འདས་ན་དེ་རླག་བྱེད། །ཧཱུ~ཾ་ཀྲོ་དྷ་ཛྭ་ལ་ས་མ་ཡ། རཀྵ་ཤྐ་ཛྭ་ལ་ས་མ་ཡ། ཡཀྵ་ཛྭ་ལ་ས་མ་ཡ། ཙིཏ་ཏ་ཛྭ་ལ་ས་མ་ཡ། ཞེས་སྒྲ་ཕྱུང་བས་ཞལ་ལྗགས་ཀྱི་དབང
211a4 པོའི་འོད་ཕུང་ལས་ཁྲོ་བོ་འོད་ཀྱི་ཕྲེང་བ་འབར་བ་དང་། སྲིན་པོ་འོད་ཀྱི་ཕྲེང་བ་འཕྲོ་བ་དང་། གནོད་སྦྱིན་འོད་ཀྱི་ཕྲེང་བ་འཁྲུགས་པ་དང་། ཟ་བྱེད་འོད་ཀྱི་ཕྲེང་བ་ཚུབ་མ་བརྒྱུད་མར་འབྱུང་བས་རུ་ཏྲ་དང་། བདུད་དང་། སྲིན་པོ་དང་། གནོད་སྦྱིན་དང་།
211a5 འཇུག་སྲེད་དང་། སྲེད་མེད་དང་། དབང་ཕྱུག་དང་། སྟོབས་ལྡན་དང་། སྤྲེའུ་དང་། ར་དང་། ལུ་འདེ་དང་། སྦྲང་མ་དང་། བྱ་རོག་དང་། མེ་ཁྱེར་དང་། འཁོར་བ་དང་། ཆུ་དང་། ས་དང་། ནམ་མཁའ་དང་། མེ་དང་། སྒྲ་དང་། རྟོག་སྤྱོད་ལ་སོགས་པ་མཚན་མར
211a6 མི་གནས་ཆོས་ཉིད་དུ་ཞི་བར་གྱུར་ཏོ། །དེ་ནས་འོད་ཟེར་དེ་དག་མཁའ་ལ་འཁྱིལ་བ་དང་། འཁོར་མང་པོ་དེ་དག་ཤིན་དུ་སྐྲག་སྟེ་གསོལ་བ་བཏབ་པ། ཨེ་མའོ་ཨེ་མ་བདག་ཅག་བཅོམ་ལྡན་འདས་ཀྱིས་སྣོད་དུ་རུང་བར་བྱིན་གྱིས་བརླབ་ཏུ་གསོལ།
211a7 ཐེག་པ་ཆེན་པོའི་རིགས་སུ་གཟུང་དུ་གསོལ་ཞེས་གསོལ་བ་བཏབ་པ་ལས། བཅོམ་ལྡན་འདས་ཀྱི་ཞལ་གྱི་མདངས་ཕྱུང་བས་འོད་ཟེར་དེ་དག་ཡེ་ཤེས་ཀྱི་འོད་ཞི་ཞིང་འཁྱིལ་བ་དང་། མཛེས་ཤིང་བདེ་བས་ཐམས་ཅད་རངས་པར་བྱས་ནས
211a8 སྣོད་རྣམ་པར་སྦྱངས་ཏེ། འོད་ཀྱི་གནས་སུ་ཐིམ་པར་གྱུར་ཏོ། །ལང་ཀའི་བདག་པོ་དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་མི་གནས་བའི་ཡེ་ཤེས་ཆེན་པོའི་ཀློང་ནས་ངེས་པར་བཞེངས་ནས་སེང་གེ་རྣམ་པར་རྒྱལ་བའི་སྒྲ
iiif viewer powered by OpenSeadragon
