| e-texts navigator |
| Wylie |
206b1 ཡོངས་སུ་ཟིན་པའོ། །ལང་ཀའི་བདག་པོ་དེ་དག་ནི་རྩ་བ་སྟེ། དེས་སྒོ་དེ་དག་གི་ཇི་ལྟ་བ་ངེས་པར་འབྱིན་པར་ཤེས་པར་བྱའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་བསྡུ་བ་རྣམ་པར་འགྲེལ་བའི་ལེའུ
206b2 སྟེ་བཞི་བཅུ་རྩ་དྲུག་པའོ། ། །། དེ་ནས་ཡང་གསང་བ་པའི་བདག་པོས་ལང་ཀའི་བདག་པོ་ལ་བོས་ཏེ་སྨྲས་པ། ལང་ཀའི་བདག་པོ་དེ་དག་ལས་ཁྱད་པར་དུ་ངེས་པའི་གསང་སྒོ་ལྡེ་མིག་གསུམ་གྱིས་འབྱེད་པ་ཡང
206b3 འདི་ལྟ་སྟེ། དམ་པ་རྣམས་ཀྱི་གསང་བའི་སྒོ། །ཡན་ལག་མདོ་དང་རྩ་བ་ཡི། །འབྱེད་འགྲོལ་ངེས་པར་འབྱིན་པ་ཡིས། །དེ་ཉིད་ངེས་པར་མཐོང་བའོ། །འབྱེད་པ་རྒྱུ་དང་རྩ་བ་དང་། །འབྲེལ་པའི་ཚིག་དང་ངེས་པ་དང་། །སྦྱོར
206b4 བས་ཡན་ལག་རྫོགས་པ་ཡིན། །བརྗོད་འབྱུང་ཀུན་ལ་ངེས་པར་འགྲོ། རྒྱུ་བཞི་གང་བྱུང་ཆེད་ཕྱིར་ན། །རྒྱུ་ཡི་ངོ་བོ་བྱིན་གྱིས་བརླབས། །ལུང་བསྟན་ཉིད་དུ་ངེས་པར་སྣང་། །རྩ་བའི་ཡན་ལག་གང་དག་གིས། །
206b5 མདུན་བསུ་གུས་དང་དྲི་བ་དྲིས། །སྐབས་ལས་གླེང་དུ་ལངས་པའོ། །འབྲེལ་པ་ཡན་ལག་རྣམ་པ་བཞི། །རྗོད་དང་བརྗོད་བྱ་འབྲེལ་དགོངས་ལས། །ཐ་མ་གཉིས་བཞིར་འདྲེན་པའོ། །འདྲེན་པ་གང་འདིར་རྣམ་པ་བཅུ། །
206b6 ལྟ་ཉིད་དེ་བཞིན་སྒོ་འབྱེད་དང་། །སྤྱིར་སྡུད་པ་དང་འབྱོར་བར་འདྲེན། །རང་རྐྱེན་ལྡེམ་དགོངས་གལ་པོ་ཉིད། །མ་བཅོས་དེ་ཉིད་མཚོན་པའི་དཔེ། །ཆོ་རོལ་སྣརེལ་ཞི་རྣམ་པ་བཅུ། །མེ་ལོང་བཅུ་དང་རྣམ་སྦྱོར་བས། །སྒྲོན་མས
206b7 མུན་པའི་རྫས་ཚོལ་སྦྱར། །ངེས་པ་བཞི་བཞི་བཞིར་སྦྱར་བས། །བཅུ་གཉིས་ཡན་ལག་བཞིར་ཀུན་སྣང་། །སྦྱོར་བ་བཞི་པ་ལྔ་གཉིས་བཞི། །ཡན་ལག་ལྔར་སྣང་དེ་སྦྱར་ལྔ། །རྟོག་འཇུག་དྲུག་བཅུ་གཅིག་ཐབས
206b8 དང་། །ཡན་ལག་དྲུག་ཏུ་རྫོགས་པའོ། །ལང་ཀའི་བདག་པོ་གང་འདིར་ཡན་ལག་དྲུག་ནི་འདི་ལྟ་སྟེ། རྒྱུའི་ཡན་ལག་དང་། རྩ་བའི་ཡན་ལག་དང་། འབྲེལ་པའི་ཡན་ལག་དང་། འདྲེན་པའི་ཡན་ལག་དང་། ངེས་པའི་ཡན་ལག་དང་།
iiif viewer powered by OpenSeadragon
