| e-texts navigator |
| Wylie |
205a1 ནི་འདི་ལྟར་གང་ཕྱོགས་གཅིག་ཙམ་གྱིས་ཆོག་པར་འཛིན་པ་དག་བློ་སྐྱེ་བའི་ཕྱིར་གང་གི་ཕྱོགས་ཀུན་བཀོད་དེ་ཡོངས་སུ་བསྔགས་པ་བརྗོད་ཅིང་ཕྱོགས་གཅིག་གིས་མི་ཆོག་པ་ལ་དགོངས་ཏེ། སྔོན་དུ་གོམས་པའི
205a2 ཕྱོགས་ལ་སྨོད་པའོ། །ལང་ཀའི་བདག་པོ་དེ་ལ་ལྡེམ་པོ་དག་གི་མདོ་ནི་འདི་ལྟ་སྟེ། སྦྱོར་བ་དང་། དབྱེ་བ་དང་། ཟིལ་གྱིས་གནོན་པ་དང་། སླུ་བའོ། །ལང་ཀའི་བདག་པོ་དེ་ལ་སྦྱོར་བ་ནི་གང་འདི་ལྟར་གང་སྐྲག་ཅིང་དངངས་པ་དང་། ཚི་ཆད
205a3 པར་རྩོལ་བ་དང་། གང་མངོན་པར་ཞེན་པ་དག་ཅི་ལ་ཡང་མི་འཇུག་པ་དེ་དག་གང་གི་དོན་ལ་ངེས་པར་གཞུག་པའི་ཕྱིར་གང་དང་གང་གི་འབྲས་བུ་ཡོད་པ་དང་། ཀུན་ཀྱང་རང་བཞིན་མེད་པ་ལ་དགོངས་ཏེ། ཐམས་ཅད་ཡོད་དོ་ཞེས་བྱ་བ་དང་།
205a4 སྟོང་པ་ཉིད་དོ་ཞེས་གང་གི་འདུ་ཤེས་གཞུག་པའི་ཕྱིར་རོ། །ལང་ཀའི་བདག་པོ་དབྱེ་བ་ནི་འདི་ལྟར་གང་དང་གང་ལ་མོས་པ་དེ་ལྟར་ཀུན་བརྟགས་པ་དངོས་པོ་མེད་པར་བཤད་པ་དང་། གཞན་གྱི་དབང་རྟེན་ཅིང་འབྲེལ་པར་འབྱུང་བ
205a5 བཤད་པ་དང་། ཡོངས་སུ་གྲུབ་པ་མི་འགྱུར་བ་ཕྱིན་ཅི་མ་ལོག་པར་བཤད་པ་གསུམ་ལ་དགོངས་ཏེ་གསུམ་བསྟན་པའོ། །ལང་ཀའི་བདག་པོ་ཟིལ་གྱིས་གནོན་པ་ནི་འདི་ལྟར་གང་ཕུན་སུམ་ཚོགས་པའི་གྲགས་པ་དག་།
205a6 རྫོགས་ལོངས་སྤྱོད་པ་དག་བསྟན་པས་ཟིལ་གྱིས་གནོན་པའི་ཕྱིར་གཉེན་པོར་གྱུར་པས་འདུལ་བར་དགོངས་ཏེ་རྒྱ་ཆེན་པོ་དག་སྟོན་པའོ། །ལང་ཀའི་བདག་པོ་སླུ་བ་ནི་འདི་ལྟར་གང་འདུ་ཤེས་ལོག་པ་དག་སྦས་པའི་ཐབས
205a7 ཀྱིས་ངེས་པར་བསྒྱུར་བའི་ཕྱིར་དོན་མི་འགྱུར་བ་ལ་དགོངས་ཏེ། རྒྱུ་གཞན་དུ་སྟོན་པའོ། །ལང་ཀའི་བདག་པོ་དེ་ལ་འཐུན་འཇུག་སྦྱོར་བའི་ལུང་འདི་ལྟ་སྟེ། རང་རྐྱེན་གཉེར་གྱི་ལུང་དང་། ཐབས་འཛུད་བསྲེ་བའི་ལུང་དང་། ཆ་འཐུན་སྦྱོར
205a8 བའི་ལུང་དང་། གདམས་ངག་ནན་ཏན་གྱི་ལུང་ངོ་། །ལང་ཀའི་བདག་པོ་འདི་ལ་རང་རྐྱེན་གཉེར་གྱི་ལུང་ནི་འདི་ལྟར་གང་ལ་གང་ལྟར་རྐྱེན་དུ་འཚམ་པ་དེ་ལ་དེ་ལྟར་ཉིད་སྟོན་པའོ། །ཐབས་འཛུད་བསྲེ་བའི་ལུང་ནི་འདི་ལྟར་བསྡུ་བའི་ཐབས་ཀྱིས
iiif viewer powered by OpenSeadragon
