| e-texts navigator |
| Wylie |
204b1 བསྒྲུབ་པའོ། །ལང་ཀའི་བདག་པོ་ཆོས་ཉིད་གང་ཞེ་ན། གང་དུ་མ་བཅོས་པ་ཉིད་དོ། །ལང་ཀའི་བདག་པོ་གང་དུ་བསྡུས་པ་དང་། རྣམ་པར་སྤྲོས་བས་ནི་ཐམས་ཅད་ཀྱང་བསྡུས་ཏེ། གཅིག་ལ་ཁྱད་པར་གྱིས་ཕྱེ་སྟེ་མཐར་ཕྱིན་པའོ། །ལང་ཀའི
204b2 བདག་པོ་དམིགས་པ་ནི་འཛིན་པའོ། །རྣམ་པ་ནི་དབྱེ་བའོ། །བྱང་ཆུབ་ནི་རང་བཞིན་ནོ། །གང་སྤངས་པས་གང་ཐོབ་པ་ནི་འབྲས་བུའོ། །གང་ཆུབ་ཅིང་གང་ལ་བརྗོད་པ་ནི་བསྙད་པའོ། །གང་གི་ཕྱོགས་དང་མི་མཐུན་པ་ནི་བར་དུ
204b3 གཅོད་པའོ། །གང་གི་ཕྱོགས་ལ་ནན་ཏན་དུ་བྱེད་པ་ནི་འཐུན་པའོ། །གང་དང་མི་མཐུན་པའི་དབང་དུ་ཇེན་པ་ནི་ཉེས་དམིགས་སོ། །གང་དུ་འཐུན་པར་ཇེན་པ་ནི་ཡོན་ཏན་ནོ། །ལང་ཀའི་བདག་པོ་དེ་དག་ནི་མཚན་ཉིད་ཀྱིས་ཡན་ལག
204b4 སྟེ། ཡན་ལག་དྲུག་པོ་དེ་དག་ནི་འབྱེད་པའི་ལྡེ་མིག་སྟེ། གང་སྤྱོད་པས་འདྲེན་པའི་སྒོ་གང་ཡིན་པ་དེ་ནི་དེས་འབྱེད་ཅིང་གང་དེ་ཉིད་དུ་དགོངས་པ་ངེས་པར་འགྲེལ་ཏོ། །ལང་ཀའི་བདག་པོ་དེ་ལ་མདོ་བཞི་གང་ཞེ་ན། འདི་ལྟ་སྟེ། དགོངས
204b5 པ་གཞན་གྱི་མདོ་དང་། ལྡེམ་པོ་ངག་གི་མདོ་དང་། འཐུན་འཇུག་སྦྱོར་བའི་མདོ་དང་། དོན་དམ་པ་ངེས་པའི་མདོའོ། །ལང་ཀའི་བདག་པོ་དེ་ལ་དགོངས་པ་གཞན་པའི་མདོ་འདི་ལྟ་སྟེ། རང་བཞིན་དང་། དུས་དང་། དོན་དང་། ཡུལ་ལ་དགོངས་པའོ། །
204b6 ལང་ཀའི་བདག་པོ་དེ་ལ་རང་བཞིན་ནི་འདི་ལྟར། ཇི་ག་ཁྱད་པར་དུ་སྣང་བ་ལ་གང་དེ་ལྟར་རྟོག་པ་ཞེན་པ་དག་བསལ་བའི་ཕྱིར་རང་བཞིན་ལ་དགོངས་ཏེ། དེ་གང་ཡིན་པ་ནི་འདི་ཉིད་དོ་ཞེས་གཅིག་ཏུ་ཞལ་གྱིས་རྩལ་བའོ། །ལང་ཀའི་བདག
204b7 པོ། དུས་ནི་འདི་ལྟར་སྒྱིད་ལུག་པ་གང་དག་མངོན་པར་སྤྲོ་བ་བསྐྱེད་པའི་ཕྱིར་གང་གི་རྒྱུ་འབྲས་མི་སླུ་བ་ལ་དགོངས་ཏེ། གྱིན་འདའ་ཙམ་འདིས་མྱུར་བ་ཉིད་དུ་འགྱུར་རོ་ཞེས་སྟོན་པའོ། །ལང་ཀའི་བདག་པོ་དོན་ནི་འདི་ལྟར། གང་གིས་གང་ལ་རློམ་སེམས
204b8 པ། །དེ་ཡི་མུན་པ་བསལ་བའི་ཕྱིར། །གང་གིས་མཐོང་ལམ་མ་ཐོབ་པར། །དེ་ཉིད་མི་མཐོང་ལ་དགོངས་ཏེ། །འདི་དག་ནི་དཔག་ཏུ་མེད་པའི་དམ་པས་མ་བསྙད་པར་ཤེས་པར་མི་ནུས་སོ་ཞེས་སྒོའོ། །ལང་ཀའི་བདག་པོ་ཡུལ་ལ་དགོངས་པ
iiif viewer powered by OpenSeadragon
