| e-texts navigator |
| Wylie |
204a1 པ་དང་། བདག་མེད་པ་ནི་དམིགས་པའོ། །ཐམས་ཅད་སྐད་ཅིག་མ་དང་གཞན་ཡོད་པ་དང་། ལས་རྣམས་མི་རྟག་པ་དང་། ལས་ལ་གནས་པ་དང་། དེའི་འབྲས་བུ་ལ་གནས་པ་ནི་གནས་པའོ། །ཐམས་ཅད་ལ
204a2 གྲགས་པ་ནི་གྲགས་པ་ཉེ་བར་སྦྱོར་ཞིང་དམིགས་པ་ཉེ་བར་སྦྱར་བ་ནི་དཔེའོ། །དེ་དག་གྲགས་པ་ནི་གྲགས་པའོ། །གང་གི་ཚད་མས་ཚད་མ་ཉིད་དུ་སྣང་བ་ནི་ངེས་པའོ། །ལང་ཀའི་བདག་པོ་དེ་ཡང་འདི་ལྟར་བྱུང་བ་དང་། བརྟགས་དང
204a3 གཅོད་པ་དང་། བྲལ་བ་དང་། སྣང་བས་ན་ཚད་མར་ངེས་པའོ། །དེ་ནི་མངོན་སུམ་དང་། དཔག་པ་དང་། ཚད་མས་དག་པའོ། །ལང་ཀའི་བདག་པོ་མ་དག་པ་ནི་འདི་ལྟར་གཞན་དང་འཐུན་པ་དང་། མི་མཐུན་པ་དང་། ཐམས་ཅད་དང
204a4 འཐུན་པ་དང་མི་མཐུན་པ་དང་། གཞན་གྱི་དཔེ་ཉེ་བར་སྦྱར་བ་དང་། མ་གྲགས་པ་དང་། མ་ངེས་པ་དག་གོ། ལང་ཀའི་བདག་པོ་དེ་ལ་ཡོངས་སུ་དག་པའི་མཚན་ཉིད་ལྔ་པ་མ་ཡིན་པའི་ཚད་མ་གཞན་དང་འཐུན་པར
204a5 དམིགས་པ་དང་། འདུས་བྱས་ཀྱི་མཚན་མ་ཉིད་མི་རྟག་པ་ལ་སོགས་པ་ཇི་ལྟ་བ་ལ་རྟག་པ་དང་། བདག་ལ་སོགས་པ་གཞན་དུ་དམིགས་ཏེ་ཕྱིན་ཅི་ལོག་བཞིར་ལྟ་བས་འདུས་མ་བྱས་ཀྱི་མཚན་ཉིད་དང་འཐུན་པར་དམིགས
204a6 པ་འདི་ནི་འཐུན་པའོ། །ཚད་མ་གཞན་དང་མི་འཐུན་པ་དང་། ཡུལ་གྱི་མཚན་ཉིད་གཞན་དང་མི་འཐུན་པ་འདི་ནི་གཞན་དང་མི་མཐུན་པའོ། །ཐམས་ཅད་ཡིད་ཀྱི་བྱ་བ་དག་གོ་ཞེས་བྱ་བ་ནི་ཐམས་ཅད་དང་འཐུན་པའོ། །མི་འཐུན་པ་གང
204a7 གཅིག་གི་མི་མཐུན་པས་ཕན་ཚུན་མི་འཐུན་པ་ཞེས་བྱ་བ་འདི་ནི་མི་མཐུན་པའོ། །ལང་ཀའི་བདག་པོ་གཞན་ཡང་འཐུན་པ་དཔེ་དང་སྦྱར་བ་ལ་མི་མཐུན་པ་ཡོད་པས་དེ་ནི་མ་ངེས་པའོ་ཞེས་བྱ་བ་ནི་མ་གྲགས་པའོ། །མི་མཐུན
204a8 པ་དཔེ་དང་སྦྱར་བ་ལ་འཐུན་པ་ཡོད་པས་དེ་ནི་མ་ངེས་པའོ་ཞེས་བྱ་བ་ནི་དེ་ཡང་མ་གྲགས་པའོ། །གང་མ་གྲགས་པས་གང་གིས་བརྟགས་པ་མ་དག་པའོ། །གང་རང་བཞིན་གྱིས་མ་དག་པ་ནི་མ་ངེས་པའོ། །ལང་ཀའི་བདག་པོ་དེ་དག་ནི
iiif viewer powered by OpenSeadragon
