| e-texts navigator |
| Wylie |
203b1 ཡོན་ཏན་ནོ། །ལང་ཀའི་བདག་པོ་དེ་ལ་ཀུན་རྫོབ་གང་ཞེ་ན། འདི་ལྟ་སྟེ། གང་ཟག་དང་། བརྟགས་པ་དང་། ལས་སུ་བསྟན་པའོ། །ལང་ཀའི་བདག་པོ་དེ་ལ་དམ་པ་གང་ཞེ་ན། འདི་ལྟ་སྟེ། བྲལ་བ་དང་། བརྟན་པ་དང་། རྫོགས་པའོ། །
203b2 དམིགས་པ་ནི་ཐམས་ཅད་དུ་བསྟན་པའོ། །རྣམ་པ་ནི་ཐམས་ཅད་དུ་བརྟགས་པ་སྟེ། བདེན་པ་དང་། གཞག་པ་དང་། ཉེས་པ་དང་། ཡོན་ཏན་དང་། ཚུལ་དང་། འཇུག་པ་དང་། རིགས་པ་དང་། བསྡུས་པ་དང་། རྣམ་པར་སྤྲོས་པའོ། །
203b3 ལང་ཀའི་བདག་པོ་དེ་ལ་བདེན་པ་ནི་གང་ཞེ་ན། དེ་ཁོ་ན་ཉིད་གང་ཡིན་པའོ། །གཞག་པ་ནི་གང་ཟག་དང་། བརྟགས་པ་དང་། གཅིག་པ་དང་། དབྱེ་བ་དང་། དྲི་བ་དང་། གཞག་པ་དང་། རྣམ་པར་གཞག་པ་དང་། གསང་བ་དང་། བསྙད
203b4 པ་དང་། ལུང་བསྟན་པ་གཞག་པའོ། །ལང་ཀའི་བདག་པོ་ཉེས་པ་གང་ཞེ་ན། ཀུན་ནས་ཉོན་མོངས་པའི་རྣམ་གྲངས་སོ། །ཡོན་ཏན་གང་ཞེ་ན། ཡོངས་སུ་བྱང་བའི་རྣམ་གྲངས་སོ། །ལང་ཀའི་བདག་པོ་ཚུལ་གང་ཞེ་ན། དོན་དང་།
203b5 ཐོབ་པ་དང་། བཤད་པ་དང་། མཐའ་སྤོང་བ་དང་། བསམ་གྱིས་མི་ཁྱབ་པ་དང་། དགོངས་པའོ། །ལང་ཀའི་བདག་པོ་འཇུག་པ་གང་ཞེ་ན། དུས་དང་། འདུས་པ་དང་། རྐྱེན་རྣམས་སོ། །ལང་ཀའི་བདག་པོ་རིགས་པ་གང་ཞེ་ན། འདི
203b6 ལྟ་སྟེ། ལྟོས་པ་དང་། བྱ་བ་བྱེད་པ་དང་། བསྒྲུབ་པ་དང་། ཆོས་ཉིད་དོ། །ལང་ཀའི་བདག་པོ་དེ་ལ་ལྟོས་པ་གང་ཞེ་ན། གང་འདུས་པ་དག་སྐྱེ་བ་དང་། ཐ་སྙད་ཀྱི་ཕྱིར་རྒྱུ་དང་རྐྱེན་དུ་གྱུར་པའོ། །བྱ་བ་བྱེད་པ་གང་ཞེ་ན། དེ་ལ་ཆོས་གང་ཐོབ་པའི
203b7 ཕྱིར་རམ། གྲགས་པ་འམ། སྐྱེས་ནས་ལས་སུ་བྱ་བའི་ཕྱིར་རྒྱུ་དང་རྐྱེན་དུ་གྱུར་པའོ། །བསྒྲུབ་པ་གང་ཞེ་ན། དེ་ལ་གང་གོ་ཆ་བགོས་པ་སྟེ། གང་སྨྲ་བ་དང་། གང་ངེས་པར་ཤེས་པར་བྱ་བའི་ཕྱིར་རྒྱུ་དང་རྐྱེན་དུ་གྱུར་པ་རྣམས་སོ། །
203b8 ལང་ཀའི་བདག་པོ་དེ་ཡང་འདི་ལྟར་དག་པ་དང་། མ་དག་པ་ལ་གང་དག་པ་ནི་དམིགས་པ་དང་། གནས་པ་དང་། དཔེ་དང་། གྲགས་པ་དང་། ངེས་པའོ། །ལང་ཀའི་བདག་པོ་དེ་ལ་ཐམས་ཅད་མི་རྟོག་པ་དང་། སྡུག་བསྔལ་བ་དང་། སྟོང
iiif viewer powered by OpenSeadragon
