| e-texts navigator |
| Wylie |
199a1 ལྔས་འདུལ་སྒྲོལ། །སྐྱེད་དང་འཚོ་དང་བརྟེན་པའོ། །རྒྱུ་དང་རྐྱེན་དང་གནས་པ་ཡི། །མི་རྟོག་ངང་གིས་ཀུན་འབྱུང་བ། །མེད་ལ་མི་ཟད་རྣམ་པ་གསུམ། །གང་གི་དབྱིངས་དང་མངོན་སུམ་པ། །བདག་ཉིད་ཆེན་པོ་དེ་ཉིད་ནི། །
199a2 ཐམས་ཅད་དུ་ཡང་སངས་རྒྱས་མེད། །ལང་ཀའི་བདག་པོ་འདི་ལྟ་སྟེ། །གང་དག་དབྱིངས་སུ་སངས་རྒྱས་པ། །ཆེན་པོ་ལྔར་སྣང་གང་འདི་དག་།འབྱུང་བ་རྒྱུན་གྱི་བཅོམ་ལྡན་འདས། །ཐུགས་རྗེ་རྟག་པའི་སངས་རྒྱས་ཏེ། །རང་བཞིན
199a3 ཀུན་ལ་ཁྱབ་པར་གནས། །ཇི་ལྟར་འདོད་དང་འདོད་པར་སྣང་། །སྣང་སྲིད་སྟོན་པའི་སྒྲོན་མར་གྲགས། །འབྱུང་བ་རྒྱུན་གྱི་རྟག་པ་སྟེ། །རང་བཞིན་སྟོང་པས་མཛད་པར་སྟོན། །ལང་ཀའི་བདག་པོ་གཞན་ཡང་གང་། །མངོན་སུམ
199a4 པ་ཡི་སངས་རྒྱས་ནི། །མཁའ་དབྱིངས་ཀུན་ཏུ་མུ་མེད་དབྱིངས། །ཁམས་གསུམ་དངོས་དང་དངོས་མེད་ཀུན། །ཕྱོགས་མཚམས་ཀུན་གྱི་ལུས་དང་གནས། །ཀུན་གྱི་གོ་སྐབས་སྟོང་ཡོད་གནས། །འགྲོ་དང་མི་འགྲོའི་རྟེན་ས་ནི། །
199a5 དངོས་པོ་ཐམས་ཅད་སྐྱེ་འབྱུང་གནས། །ཀུན་ལ་དགའ་བར་སྦྱོར་བར་ནི། །བསྐལ་པའི་འཁོར་ལོ་གཅིག་ཏུ་གནས། །མཉེན་སྡུད་གཞན་སྐྱེད་རང་བཞིན་གསལ། །གྱེས་འཛིན་མི་ལྡོག་རྒྱུན་མི་འཆད། །དགོན་གདུང་ཀུན་རླན
199a6 རྣམ་པར་གཡོ། །བསྐལ་པའི་འཁོར་ལོ་གཅིག་ཏུ་གནས། །ཀུན་སྨིན་མུན་སེལ་ཀུན་སྟོན་སྙོམས། །སྲེག་མཉེན་ཁ་དོག་གསལ་བྱུང་བ། །བཅུད་འཛིན་ཡོངས་སུ་རྟས་སྣང་བ། །བསྐལ་པ་གཅིག་གི་འཁོར་ལོར་གནས། །
199a7 མི་གནས་ཐོགས་མེད་ཤུགས་ཀྱིས་འབྱུང་། །གཟུགས་མེད་གཟུགས་ཀྱི་མཐུ་བས་དྲག་།ཡང་གཡོ་ཁྱབ་འཇུག་ཀུན་གྱི་རྟེན། །བསྐལ་པ་འཁོར་ལོ་གཅིག་ཏུ་གནས། །ལང་ཀའི་བདག་པོ་འདི་ལྟ་སྟེ། །བདག་ཉིད་ཆེན
199a8 པོའི་སངས་རྒྱས་ནི། །ཀུན་ཤོད་ཡེལ་འཕྱོ་ཀུན་ཏུ་བཟང་། །ཀུན་ཐེག་ལྷུན་སྟུག་ཡེ་ཤེས་གཟུགས། །ཀུན་སྡུད་མཉམ་སྦྱོར་ཏིང་ངེ་འཛིན། །སྒྲིབ་སེལ་ལྷག་མཐོང་ཤེས་རབ་འབར། །ཐོགས་མེད་མ་རྨོངས་ཤེས་བྱ་རྫོགས། །
iiif viewer powered by OpenSeadragon
