| e-texts navigator |
| Wylie |
197b1 སྲིད་ཆོས་དང་འགལ། །སངས་རྒྱས་མྱ་ངན་འདས་འོག་ཏུ། །རྨད་འབྱུང་གསང་བའི་སྙིང་པོ་ཉིད། །རྒྱ་ཆེར་གྲགས་པར་འགྱུར་རོ་ཞེས། །སངས་རྒྱས་ཀུན་གྱིས་ལུང་ཆེན་སྟོན། །ཇི་ལྟར་འདི་ཡང་དེ་བཞིན་ཏེ། །ང་ནི་མི་བཞུགས་འདས
197b2 འོག་ཏུ། །ཀུན་གྱི་དགོངས་པ་འདུས་པ་ཉིད། །བརྒྱ་མཐར་འདུལ་བ་སྣང་བར་འགྱུར། །དེ་སྐད་དམ་པ་དེ་ལུང་བསྟན། །གཞན་ཡང་བསྐུལ་བ་ཆེན་པོ་ཉོན། །བསྐལ་པ་མཐའ་ཡས་བྱ་བ་ལ། །སངས་རྒྱས་སུམ་ཁྲི་ལྔ་སྟོང་འབྱུང་། །
197b3 ཀུན་གྱི་ཐ་མར་འབྱུང་བ་ཡི། །སངས་རྒྱས་འོད་མཐའ་ཡས་པ་དེས། །འཁོར་གྱི་ནང་དུ་ལུང་བསྟན་པ། །ཁྲི་ཕྲག་ཕྱེད་དང་བཞི་འབྱུང་བའི། །སངས་རྒྱས་སྔ་མ་འདས་རྣམས་ཀྱིས། །སྨིན་བྱས་མ་སྨིན་གང་ཆེད་དུ། །དམ་པ་བྱུང
197b4 བར་ལུང་བསྟན་བཞིན། །འདིར་ཡང་ཡོངས་སུ་གཟུང་བར་གྱིས། །ང་འདས་ན་ནི་མི་སྣང་ན། །བརྒྱ་ཕྲག་གཅིག་ན་དོན་སྣང་འགྱུར། །དྲག་ཤུལ་ཅན་གྱིས་བྱིན་ལུང་བསྟན། །བསྐུལ་བ་ཆེན་པོ་གཞན་ཡང་ཉོན། །བསྐལ་པ
197b5 གྲགས་ལྡན་བྱ་བ་ལ། །སངས་རྒྱས་བཞི་ཁྲི་དྲུག་སྟོང་བྱུང་། །ཀུན་གྱི་ཐ་མར་བྱུང་བ་ཡི། །སངས་རྒྱས་ཀུན་གྱི་བཤེས་གཉེན་དེས། །འཁོར་གྱི་ནང་དུ་ལུང་བསྟན་པ། །སྟོང་ཕྲག་བཞི་བཅུ་དྲུག་བྱུང་བའི། །དམ་པ་དེ་བཞིན
197b6 གཤེགས་རྣམས་ཀྱིས། །གང་གི་ཆེད་དུ་ལུང་བསྟན་བཞིན། །ང་ནི་བདེ་བར་གཤེགས་ཕྱི་ན། །བརྒྱ་ཕྲག་བཅཝ་ལྔར་གྱུར་པ་ན། །འབྲས་བུ་ཆུབ་པར་སྣང་བ་ཡི། །རྡུལ་བྲལ་དྲི་མེད་དམ་པ་ཉིད། །མཆོག་གི་ཞིང་ཁམས་དམ
197b7 པ་འདིར། །སྣང་བ་ཐོབ་པའི་སྐལ་ལྡན་ཅན། །བྲམ་ཟེ་ཤེས་པ་མོ་ཞིག་ལ། །གནོད་འདུལ་ཉིད་ཀྱིས་གྲགས་པར་འགྱུར། །གཞན་ཡང་བསྐུལ་བ་ཆེན་པོ་ཉོན། །བསྐལ་པ་བཟང་རྒྱན་བྱ་བ་ལ། །སངས་རྒྱས་བྱེ་ཕྲག་བརྒྱད
197b8 བཅུ་བྱུང་། །དེ་དག་མཐའ་ཟད་བྱུང་བ་ཡི། །སངས་རྒྱས་བཟང་རྒྱན་དཔལ་གྱིས་ཀྱང་། །འཁོར་གྱི་ནང་དུ་ལུང་བསྟན་པ། །བྱེ་ཕྲག་བརྒྱད་བཅུ་བྱུང་བ་ཡི། །དེ་བཞིན་གཤེགས་པ་སྔ་མ་ཡིས། །ཐེག་པ་འབྱུང་བར་ལུང་བསྟན་བཞིན། །
iiif viewer powered by OpenSeadragon
