| e-texts navigator |
| Wylie |
196b1 བདག་པོ་གཞན་ཡང་གང་གི་ཆེད་དུ་སྐུའི་མཛད་པ་ནི་འདི་ལྟ་སྟེ། ཇི་ལྟར་རྡོ་རྗེ་སེམས་དཔའི་སྤྲུལ་པ་འཇིག་རྟེན་དུ་བཀོད་པས་ཐམས་ཅད་ཀྱི་གཟུགས་སུ་སྣང་བ་དེས་ཐམས་ཅད་སྨིན་པར་མཛད་པ་དེ་ཁོ་ནའོ། །དེ་ལྟར་ན་གང་གི་ཆེད་དུ
196b2 མཛད་པའི་དེ་བཞིན་གཤེགས་པའི་དགོངས་པའི་སྒོ་དང་། དེ་བཞིན་གཤེགས་པའི་གསུང་གི་སྒོ་དང་། དེ་བཞིན་གཤེགས་པའི་མཛོད་སྤྱོད་ཀྱི་སྒོ་དང་། དེ་བཞིན་གཤེགས་པའི་སྤྲུལ་པའི་མཐའ་དང་། དེ་བཞིན་གཤེགས་པའི་ཐབས་རྒྱ
196b3 མཚོ་འདྲ་བའི་སྤྲིན་ཕུང་ལ་ནི་འདི་འམ། གཅིག་ཅེས་གང་ལ་ཡང་གཟུང་དུ་མེད་དོ། དེ་ཅིའི་ཕྱིར་ཞེ་ན། ལང་ཀའི་བདག་པོ་འདི་ལྟ་སྟེ། སེམས་ཅན་མོས་པ་ཐ་དད་པ། །མཐའ་ཡས་སྐྱེ་བོ་མགུ་དཀའ་བ། །རྒྱལ་བས་ཀྱང
196b4 ནི་མི་མགུ་བས། །གང་ལ་འང་མོས་པ་མཐའ་ཡས་གསུངས། །ལང་ཀའི་བདག་པོ་གང་དམ་པ་རྣམས་དེ་ཁོ་ན་ཉིད་ལས་མ་གཡོས་པར་སེམས་ཅན་གྱི་ཁམས་འདུ་ཤེས་མཐའ་ཐུག་པ་མེད་པ་དང་། སྒྲ་དང་། གཟུགས་དང་། སྤྱོད
196b5 པ་མཐའ་ཐུག་པ་མེད་པ་རྣམས་མི་མཁྱེན་པ་དང་། མི་གསན་པ་དང་། མི་གཟིགས་པ་དང་། མི་འགྲེལ་པ་ནི་གང་ཡང་མེད་དོ། །དེ་ཅིའི་ཕྱིར་ཞེ་ན། ཐམས་ཅད་ནས་ཐམས་ཅད་དུ་སྙིང་པོ་བྱང་ཆུབ་ཉིད་དུ་མ་འདྲེས་པར་ཡོངས་སུ
196b6 རྫོགས་པའི་ཕྱིར་གང་གི་སྙིང་པོ་བྱང་ཆུབ་ན་མི་གཡོ་བ་ན་མི་རྟོག་པ་ཉིད་དང་། སེམས་ཅན་གང་ཏིལ་འབྲུ་ན་གནས་པ་དེ་ལ་རིང་བ་དང་། ཉེ་བ་དང་། གཅིག་དང་། སོ་སོ་མ་ཡིན་ཏེ། དེ་ཁོ་ན་ཉིད་གཅིག་པའི་ཕྱིར་དབྱིངས
196b7 གཅིག་ཏུ་གཉིས་སུ་མེད་པར་གནས་སོ། །ལང་ཀའི་བདག་པོ་དེ་དག་ནི་གང་གི་ཆེད་དུ་དེ་བཞིན་གཤེགས་པའི་སྐུའི་མཛད་པ་ཆེད་དུ་མཛད་པའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་སྐུའི་མཛད་པ
196b8 ཡོངས་སུ་རྫོགས་པའི་ལེའུ་སྟེ་བཞི་བཅུ་རྩ་གཉིས་པའོ། ། །།ཐེག་པ་ཆེན་པོ་ངེས་པར་འབྱུང་བའི་ཚུལ་ལས་གང་གི་ཆེད་དུ་མཛད་པ་ན་ཡང་བྱུང་བའི་གཏམ་རྒྱུད་བརྗོད་པའི་ཆོས་ཀྱི་ཕྱག་རྒྱ་ཡེ་ཤེས་རྣམ་པར་བགྲོས་པ་སྟེ།
iiif viewer powered by OpenSeadragon
