| e-texts navigator |
| Wylie |
194b1 གསུམ་རྡོ་རྗེ་བྱེ་བ་བཅུ། །བསྲུང་བ་ཡོངས་སུ་དག་པའི་མཐའ། །ཞི་བ་ཕྱོགས་ཡིད་འདིར་བཅུག་སྟེ། །དམ་པ་ཉིད་དུ་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་རྣལ་འབྱོར་སེམས་དཔའི་ཆེད་དུ་ལྟ་བ
194b2 རྡོ་རྗེ་གསང་བ་འདི་གསུང་བར་མཛད་དོ། །ཐམས་ཅད་རྣམ་རིག་འཕྲུལ་སྣང་བ། །གཞན་མེད་དེ་ཉིད་དམ་པར་ཡོད། །རྣམ་ཤེས་གང་ཡིན་འདིར་བཅུག་སྟེ། །གསང་བ་དམ་པར་རབ་ངེས་པའོ། །ལང་ཀའི
194b3 བདག་པོ་ཡང་སྐྱེས་བུ་དམ་པ་དེས་གང་གི་མཐའ་ཡོངས་སུ་སེལ་བ་དག་གི་ཆེད་དུ་ནམ་མཁའ་རྡོ་རྗེ་མཛད་པ་འདི་གསང་བར་མཛད་དོ། །གང་འདིར་ཡོད་དང་མེད་པ་ཡི། །མཐའ་གཉིས་ངེས་པར་རབ
194b4 བསལ་ཏེ། །སེམས་ཉིད་གང་ཡིན་འདིར་བཅུག་སྟེ། །དབུ་མར་མི་དམིགས་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་ཚངས་པ་ལ་སོགས་པ་གང་གཏི་མུག་ཅན་གྱི་ཆེད་དུ་གཏི་མུག་རྡོ་རྗེར
194b5 མཛད་པ་འདི་གསུང་བར་མཛད་དོ། །འཇིག་རྟེན་ཀུན་གྱི་གཏི་མུག་ལས། །བྱང་ཆུབ་སེམས་ཀྱི་རྡོ་རྗེ་འབྱུང་། །གཏི་མུག་རྡོ་རྗེ་ཡིད་བཅུག་ནས། །གསང་ཆེན་ཐེག་པར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ
194b6 དེས་གུ་ལང་ལ་སོགས་པ་གང་འདོད་ཆགས་ཅན་གྱི་ཆེད་དུ་ཆགས་པ་རྡོ་རྗེ་མཛད་པ་འདི་གསུང་བ་མཛད་དོ། །འཇིག་རྟེན་གཡོ་རྡུལ་ཕོ་མོ་གང་། །ཇི་སྙེད་གུ་ལང་ཨུ་མ་ཉིད། །ཆགས་པ་རྡོ་རྗེ་ཡིད་བཅུག་ནས། །གསང་ཆེན་ཐེག་པར
194b7 རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་བི་སྣུ་ལ་སོགས་པ་གང་ཞེ་སྡང་ཅན་གྱི་ཆེད་དུ་གསོད་པ་རྡོ་རྗེ་མཛད་པ་འདི་གསུང་བར་མཛད་དོ། །ཇི་སྙེད་གཡོ་རྡུལ་སེམས་ཅན་རྣམས། །རྡོ་རྗེ་མཚོན་ཆེན་གཅིག
194b8 གས་བསད། །ཞེ་སྡང་རྡོ་རྗེ་ཡིད་བཅུག་ནས། །རྡོ་རྗེ་ཐེག་པར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་གནོད་སྦྱིན་ལ་སོགས་པ་གང་ཕྲག་དོག་ཅན་གྱི་ཆེད་དུ་འཁྲུག་པ་རྡོ་རྗེ་མཛད་པ་འདི་གསུང་བར་མཛད་དོ། །
iiif viewer powered by OpenSeadragon
