| e-texts navigator |
| Wylie |
193b1 མཛད་པ་ནི་འདི་ལྟ་སྟེ། མི་སྣང་བའི་ཆེད་དུ་ཞི་གནས་དང་། སྣང་བའི་ཆེད་དུ་ལྷག་མཐོང་དང་། ཞེན་པའི་ཆེད་དུ་ལས་མཐའོ། །ལང་ཀའི་བདག་པོ་གསང་བའི་སྒོ་ལ་ཡང་གྲོང་ཁྱེར་གསུམ་གྱི་ཆེད་དུ་གསུམ་སྣང་བར་མཛད་པ
193b2 སྣང་བ་ནི་འདི་ལྟ་སྟེ། མི་སྣང་བའི་ཆེད་དུ་ཞི་གནས་དང་། སྣང་བའི་ཆེད་དུ་ལྷག་མཐོང་དང་། ཞེན་པའི་ཆེད་དུ་ལས་མཐའོ། །ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་སངས་རྒྱས་གསུམ་སྣང་བ་མཛད་པ་ནི་འདི་ལྟ་སྟེ།
193b3 མི་སྣང་བའི་ཆེད་དུ་འདུས་མ་བྱས་ཀྱི་སངས་རྒྱས་དང་། སྣང་བའི་ཆེད་དུ་འདུས་བྱས་ཀྱི་སངས་རྒྱས་དང་། ཞེན་པའི་ཆེད་དུ་གཟུགས་ཀྱི་སངས་རྒྱས་དང་གསུམ་མོ། །ལང་ཀའི་བདག་པོ་གྲོང་ཁྱེར་གསུམ་གྱི་རྐྱེན་གྱིས
193b4 སེམས་ཅན་གསུམ་སྟེ། དེ་ཉིད་གོལ་བའི་རྐྱེན་གྱིས་གཟུགས་མེད་པའི་སེམས་ཅན་དང་། དེ་འཛིན་གོལ་བའི་རྐྱེན་གྱིས་གཟུགས་ཀྱི་སེམས་ཅན་དང་། དེ་འཇུག་ཞེན་པའི་རྐྱེན་གྱིས་འདོད་པའི་སེམས་ཅན་ནོ། །ལང
193b5 ཀའི་བདག་པོ་གྲོང་ཁྱེར་གསུམ་གྱི་རྐྱེན་གྱིས་ལུས་གསུམ་བསྟན་པ་ནི་མེད་པ་དང་། རགས་པ་དང་། ཕོ་མོ་དང་། མ་ནིང་ངོ་། །ལང་ཀའི་བདག་པོ་འདོད་པའི་རྐྱེན་གྱིས་གང་གི་ཡབ་ཡུམ་དང་། སྲས་རྒྱུད་དང་། འདོད་པ
193b6 ལྔ་ལ་ལོངས་སྤྱོད་པ་ལྟར་སྣང་ངོ་། །དེ་ཡང་དེ་བཞིན་གཤེགས་པའི་ཡུམ་དུ་དེ་བཞིན་གཤེགས་པ་ཉིད་མཛད་པ་དང་། དེ་བཞིན་གཤེགས་པའི་སྲས་སུ་དེ་བཞིན་གཤེགས་པ་མཛད་དེ། ལྷུམས་སུ་ཞུགས་པ་དང་། དེ་ན་ཡང
193b7 དེ་ཁོ་ན་ཉིད་གསང་བ་དམ་པ་ཐེ་ཚོམ་གཅོད་པ་དང་། སླར་ལོག་པ་དང་། ཞུ་བ་དང་། ཞུ་བར་སྡོག་པ་དང་། གནང་བ་དང་། བྱེ་བ་དང་། བྱེ་བ་སྙེད་དུ་འཇུག་པར་མཛད་དོ། །ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་བསྟན་པ
193b8 གསུམ་སྟེ། དེ་ཉིད་ཀྱི་རྐྱེན་གྱིས་ཐེག་པ་ཆེན་པོ་དང་། དེ་འཛིན་གྱི་རྐྱེན་གྱིས་ཐེག་པ་སྣ་ཚོགས་དང་། དེ་འཇུག་གི་རྐྱེན་གྱིས་ཐེག་པ་ཆུང་ངུ་སྣང་བར་མཛད་དོ། །ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་ཏིང
iiif viewer powered by OpenSeadragon
