| e-texts navigator |
| Wylie |
189b1 སྐྲག་འགྱུར་ཏེ། །སྤ་ཞུམ་མི་དགའ་འབྱོལ་བྱེད་བླུན། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གྲགས་འབྱུང་བསྐལ་པ་དེ་ཉིད་ལ། །ལྷ་སྦྱིན་དེ་ཞེས་བྱ་བ་ཞིག་།རྣལ་འབྱོར་ལས་ཀྱི་དང་པོའི་ཚེ། །རྣལ
189b2 འབྱོར་ངེས་དོན་མང་པོ་གཞན། །ངེས་དོན་གསང་བའི་དོན་གླེངས་ན། །ལྷ་སྦྱིན་འཁོར་བཅས་དེ་ལས་བྱོལ། །ནོར་པའི་སེམས་ཀྱིས་ཕྲག་དོག་སྐྱེས། །རང་གི་གནས་དོར་ངན་དུ་བརྗོད། །དེ་ཡིས་བསྐལ་པ་དཔག་མེད་དུ། །ཡང་དག
189b3 དོན་གོལ་ལོག་པར་འཁྱམས། །དེ་འདྲའི་ཚུལ་བྱུང་དེར་མ་སྤྱོད། །གཞན་ཡང་གསང་བའི་བདག་པོ་ཉོན། །རྣལ་འབྱོར་ཉིད་ཀྱི་རྣལ་འབྱོར་ལ། །རྣོན་པོ་གདུག་པའི་དུག་མདའ་གཏོང་། །ཐ་ཚིག་བཙན་པོ་རྫོང་ལྟ་བུ། །འཇོམས
189b4 བྱེད་རྣལ་འབྱོར་རང་བགེགས་ཡིན། །དེ་ཡང་ཇི་ལྟ་བུ་ཞེ་ན། །རྣལ་འབྱོར་བློ་གྲོས་བྱ་བ་ཞིག་།མི་འཇིགས་ཞེས་བྱའི་རྣལ་འབྱོར་པ། །དོན་མེད་བཅོས་པར་སྤྱོད་པ་དེར། །བློ་གྲོས་དམ་པ་འདུས་པར་གྱུར། །བཟོད་ལྡན་དེ་ལ་ངན་སེམས
189b5 ཀྱིས། །སྐུར་བཏབ་ཁ་ན་མ་ཐོ་བརྗོད། །དེས་ནི་མི་འཇིགས་མནར་མེད་ལྟུང་། །དེ་འདྲའི་ཚུལ་བྱུང་དེར་མ་སྦྱོང་། །གཞན་ཡང་གསང་བདག་འཇིག་ཉོན་ཅིག་།ལྟ་བའི་དམིགས་བུ་དང་བྲལ་ནས། །ཡང་དག་དབུ་མའི་ལམ་མི
189b6 གསལ། །སྤྱི་ཡུལ་ཙམ་ལ་ལྟོས་སྤྱོད་པ། །དེ་ནི་རྣལ་འབྱོར་ལོང་བའི་ཚོགས། །དེ་ཡང་ཇི་ལྟ་བུ་ཞེ་ན། །རྒྱལ་པོ་རབ་ཏུ་གསལ་འཛིན་པ། །རྣལ་འབྱོར་གསང་བའི་རྗེས་ཞུགས་ཏེ། །ཤེས་རབ་ལྟ་བ་མིག་མེད་པར། །
189b7 རྣལ་འབྱོར་མིང་ཙམ་ཚུལ་བཟུང་ནས། །སྒྲ་ཐོས་རྗེས་སུ་ཚུལ་སྤྱད་པས། །གཏི་མུག་མུན་པའི་ཁམས་སུ་ལྟུང་། །དེ་འདྲའི་ཚུལ་བྱུང་དེར་མ་སྤྱོད། །དེ་ལ་སོགས་ཏེ་མཐའ་ཡས་མཆོག་།ཐམས་ཅད་འཁོར
189b8 བའི་ལམ་པར་ལྟུང་། །དེས་ན་གསང་བའི་སྙིང་པོ་འདི། །གོལ་ས་ཆེ་བར་རྒྱལ་བས་བཤད། །དེས་ན་ཐབས་ལ་མཁས་པ་དང་། །བློ་གྲོས་དམ་པ་ཤིན་ཏུ་གཅེས། །ཐབས་མཁས་བློ་གྲོས་ལྡན་པ་ཡི། །ངེས་པར་ལེགས་པའི
iiif viewer powered by OpenSeadragon
