| e-texts navigator |
| Wylie |
188b1 འདས་པའི་དུས་ན་སྔོན་བྱུང་བ། །གང་དུ་གྲགས་པ་དེ་ཉིད་ལ། །ན་ཞི་ན་ཞེས་བྱ་བ་ཞིག་།རྣལ་འབྱོར་ལྔ་བརྒྱའི་འཁོར་དང་བཅས། །ཤིན་ཏུ་གསང་སྔགས་ཆེར་སྤྱོད་ཅེས། །དགོན་པའི་རྒྱན་དུ་དབེན་གནས་ཏེ། །གང་གི་ལྗོངས་ཆེན
188b2 དེ་དག་ན། །གནས་པས་གནས་པ་དེ་དག་ཀུན། །ཁ་གསག་ཐབས་རྒྱུད་ཞིང་དུ་སྤྱོད། གཞན་གྱི་སྡེ་བར་གྱུར་པ་ཡི། །རྣལ་འབྱོར་མིག་ལྡན་དོན་མཐོང་ཞིང་། །གང་དེ་ཆེད་དུ་གཉེར་འོངས་ནས། །དོན་དམ་ལས་ལ~ཾ་དེ
188b3 ཁོ་ན། །རྒྱས་པར་བསྟན་དུ་བརྩམས་པ་ལས། །དགོན་པའི་རྒྱུད་དུ་དབེན་འཛིན་པས། །ཉོན་མོངས་ལོག་པའི་སྒོ་བ་བྱས། །འདི་ཁམས་བདག་གི་ཞིང་ཡིན་གྱི། །ཁོ་ན་ངོ་བོ་ཉིད་དེང་ཤིག་།ཚན་དང་གཞན་གྱི་རིས་བཅད
188b4 པས། །ཉོན་མོངས་འཁོར་བའི་ལམ་དུ་ལྷུང་། །དེ་འདྲའི་ཚུལ་བྱུང་དེར་མ་སྤྱོད། །གཞན་ཡང་གདུལ་དཀའ་འདུལ་བ་ཡི། །རྣལ་འབྱོར་དམ་པར་བསྔོས་རྒྱུ་ལ། །བདག་གིར་འདོད་སྤྱོད་གསོག་འཇོག་བྱེད། །གཅིག་ཡིད
188b5 གཅིག་གིས་འབྱིན་བྱེད་པ། །ནམ་ཞར་ལོགས་སྤྱོད་ཐོབ་པ་མྱིན། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གྲགས་པ་ཀུན་བཀོད་དེ་ཉིད་ལ། །བདེར་ཤིས་ཞེས་ནི་བྱ་བ་ཡི། །རྣལ་འབྱོར་ཞེན་ཆགས་འཁོར
188b6 དང་བཅས། །སྔགས་ཚིག་སྒྲ་ཡི་རྗེས་སྤྱོད་ལས། །དེ་ཡི་འཁོར་དེར་འདུས་གྱུར་པའི། །བུད་མེད་བཟང་རྒྱན་བྱ་བ་ཞིག་།འཚོ་བ་འཛིན་པར་སྦྱར་བ་ལས། །སེར་སྣས་གསོག་འཇོག་བྱས་པ་ཡིས། །ཡི་དགས་ཁྱིའི་ལུས
188b7 བླངས་ཏེ། །དམན་པའི་ལུས་སུ་གཏན་དུ་འཁྱམས། །དེ་འདྲའི་ཚུལ་བྱུང་དེར་མ་སྤྱད། །གཞན་ཡང་གསང་བདག་གནོད་འདུལ་ལ། །ལོག་པར་སྤྱོད་པའི་རྣལ་འབྱོར་ནི། །ལོག་ལྟ་སྤྱི་བརྟོལ་གཏུམ་ཁྲོ་ཆེ། །སྡིག་སྤྱོད་དོན
188b8 དང་མི་ལྡན་ཡང་། །བདག་འདི་ངེས་པ་ཁོ་ན་ཞེས། །བབ་ཆོལ་བཀའ་རྐུན་སླུ་བྱེད་བསླད། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །ཆོས་སྐྱོང་བ་ཡི་རྣལ་འབྱོར་པ། །པྲ་མ་ཏ་ཞེས་བྱ་བ་ཞིག་།དོན་དང་ལམ་ལ
iiif viewer powered by OpenSeadragon
