| e-texts navigator |
| Wylie |
187a1 དེ་དག་ཙམ་ནི་ཐེག་ཚད་ཡིན། །གང་འདིར་ཐེག་པ་མང་བཤད་པ། །ཐ་དད་ཡོད་པ་མ་ཡིན་ཏེ། །མོས་པ་ཐ་དད་དྲང་བའི་ཕྱིར། །ཐབས་ཀྱི་སྒོ་ནི་མང་པོར་བཤད། །དེ་ཀུན་མོས་པ་མ་བཀག་པའི། །དྲན་པའི་ཐབས་སུ
187a2 སྦྱར་བས་ན། །ཀུན་ལ་ངེས་པའི་བློ་མི་བཞག་།གང་དུ་ངེས་པ་གཅིག་ཉིད་ལའོ། །ཀུན་ཤོང་ཀུན་འཇུག་འདི་བདེ་བས། །ཐེག་པ་ཆེན་པོ་བརྗོད་པ་ཡིན། །ཐེག་པ་ཆེ་དང་ཐབས་མང་བས། །ཐམས་ཅད་གང་ཡང་འགོག་པ་མེད། །
187a3 གང་མི་འགོག་པར་འཇུག་ལམ་བདེ། །བདེ་བ་ཉིད་ལ་སྤྱད་པར་སླ། །ཐབས་དང་ཐེག་པའི་བྱེ་བྲག་རྣམས། །སོ་སོ་མི་འཐུན་ཐ་དད་ཀྱང་། །ཐབས་ཀྱི་ངེས་པ་སྤྱོད་པས་ན། །ངེས་པ་ཉིད་ན་ཁྱད་པར་མེད། །དམ་ཚིག་བསྒྲུབ་པ་སྤྱོད་པ་དང་། །ལྟ་བ
187a4 སྣ་ཚོགས་ཐ་དད་ཀུན། །དུད་འགྲོ་ཡི་དགས་མི་མ་ཡིན། །ངན་སྐྱུགས་ཆེད་དུ་བྱེད་ལ་སོགས། །ཕྱིན་ཅི་ལོག་ཏུ་བལྟས་པ་རྣམས། །དམ་པའི་དོན་ལ་གཟུང་བའི་ཕྱིར། །རྣམ་པ་སྣ་ཚོགས་ཐ་དད་ཀྱང་། །ཡིད་ཉིད་རྡོ་རྗེར་གཅིག་དགོངས
187a5 ནས། །སྣ་ཚོགས་ཀུན་དང་འཐུན་འཇུག་ཕྱིར། །སྦྱར་ནས་བསྟེན་བྲིད་དྲང་བ་དང་། །ཁྲིད་པའི་ཐབས་སུ་སྦྱར་བར་ཟད། །འཇིག་རྟེན་ཀུན་གྱི་དམན་པ་རྣམས། །སྣ་ཚོགས་དམ་པར་དྲང་བའི་ཕྱིར། དམན་པའི་ལྟ་སྤྱོད་མཐའ་ཡས
187a6 པས། །ཡོངས་སུ་རྫོགས་པར་བྱེད་པར་ཟད། །སྦྲུལ་སྒོང་ཁྱུང་དུ་མི་འགྱུར་ཡང་། །འགྱུར་བས་གསེར་འགྱུར་སྨན་བཞིན་དུ། །དམན་པ་ཀུན་གྱི་དེ་བཞིན་ཉིད། །མ་བཅོས་ཤེས་ན་དམ་པར་འགྱུར། །དེ་བཞིན་ཉིད་ཀྱི་དབྱིངས་ཉིད་ལ། །ངན་འགྲོ་གོ
187a7 འཕང་མཐོ་དམན་མེད། །སྙོན་སྨོངས་བྱང་ཆུབ་ཐ་དད་ཀྱང་། །སྟོང་པ་ཉིད་ལ་དེ་གཉིས་མེད། །དུག་དང་སྨན་གཉིས་སོ་སོ་ཡང་། །འབྱུང་བ་དག་ལ་དེ་གཉིས་མེད། །མ་འདྲེས་སྣ་ཚོགས་ཐ་དད་ཀྱང་། །ཀུན་གྱི་རང་བཞིན་ཡོངས་སུ་རྫོགས། །
187a8 གང་འདིར་དམ་པར་འགྱུར་ངེས་ན། །དམན་པའི་ལས་རྣམས་ཆེད་དུ་སྤྱད། །དེ་ཉིད་མ་མཐོང་གང་དག་གིས། །ཚིག་བརྡ་ལམ་གྱི་རྗེས་འབྲངས་པས། །ཡང་དག་ལམ་ལས་གོལ་བ་ཡི། །ལོག་པའི་ལམ་པ་ཤ་དག་འབྱུང་། །ལང་ཀའི་བདག་པོ་དེ
iiif viewer powered by OpenSeadragon
