| e-texts navigator |
| Wylie |
186b1 སྟོབས་རིག་དང་ལྡན་པ་ཡིས། །མི་འཐུན་བཅོས་ནས་འཐུན་འགྱུར་བཞིན། །ཚིག་འཐུན་དོན་ལྡན་དམ་པ་ཡིས། །ཇི་ལྟར་རིགས་པ་དེ་ལྟར་ངེས། །ཇི་ལྟར་ཞུམ་པས་ཁེ་བཀམ་གྱི། །གྲགས་པ་འདོད་ཕྱིར་རྡེང་མེད་པར། །གཡུལ
186b2 ཞུགས་སྟོབས་རིག་འགྲན་བཟླས་ན། །གཞན་དབང་དེ་ཉིད་རླག་པར་འགྱུར། །དེ་བཞིན་དམ་པར་བཅོས་པ་ཡིས། །ཁེ་དང་གྲགས་པ་རློམ་སེམས་ཕྱིར། །ལོག་སྲེད་དྲང་བའི་འཐུན་སྤྱོད་ལ། །ཡང་དག་དམ་པར་ངེས་བཟུང་ནས། །
186b3 ཚིག་གི་ལམ་ཉིད་སྒྲར་སྤྱད་ན། །བདག་ཕུང་གཞན་བརླག་དམན་པར་ངེས། །ཐམས་ཅད་གང་གི་ཐེག་ཚད་དང་། །གོ་དང་རྟོགས་དང་ནུས་ཚད་དང་། །གང་དུ་འདུལ་ཚད་མ་གཏོགས་པ། །ཚད་ལས་འདས་ན་ཡུལ་མེད་དེ། །འདས
186b4 ན་འདས་པ་ཉིད་དུ་འགྱུར། །གང་ཡང་ཚད་ལས་འདས་པ་ནི། །ཟས་ཀྱང་དུག་དུ་འགྱུར་བཞིན་དུ། །དུག་ཆེན་ཟ་བའི་སྨྱོན་པ་དེ། །དམ་པས་ཀྱང་ནི་མི་རིགས་སོ། །གང་དག་གང་གིས་བཅིངས་པ་ལས། །དེ་ཉིད་མ་གྲོལ་མ་ཐར་བར། །ཐམས་ཅད
186b5 ཐམས་ཅད་བསྒྲོལ་བ་ཡི། །སླུ་བ་ཆེན་པོ་དེ་ཅི་ཞིག་།དེ་ཉིད་མ་རིག་མ་གྲོལ་ཞིང་། །དེ་ཡི་སེམས་དག་མ་བྱུང་ན། །སངས་རྒྱས་ས་ལ་དེས་བཞག་ཀྱང་། །དེ་ཉིད་མཐོང་བ་དམྱལ་བའི་གནས། །དེ་རིག་དེ་ཡི་དོན་ལྡན་ན། །དམྱལ་ཆེན
186b6 དེ་དག་ཞིང་ཁམས་དག་། གསང་བའི་སྙིང་པོ་ཀུན་ཁྱབ་ཀྱང་། །དེ་རིག་དེ་དང་མ་ལྡན་ན། །ལོང་བའི་མདུན་དུ་གཟུགས་བསྟན་ལྟར། །གཏི་མུག་འཁོར་བའི་མུན་པ་ཡིན། །དེ་སྐད་གལ་དུ་དྲིས་པ་ལས། །ཚངས་པའི་འོད་ཅེས་བྱ་བ་ཡི། །
186b7 རྣལ་འབྱོར་དམ་པ་ཐེག་ཆེན་པོས། །རྣལ་འབྱོར་མོས་པ་ཆུང་སྤྱོད་པ། །གྲགས་པའི་ཚུལ་ལྡན་བྱ་བ་ལ། །དམ་པར་ངེས་པའི་ཚིག་སྨྲས་པ། །གང་འདིར་མོས་པ་ཆུང་འཛིན་གྱི། །གྲགས་པའི་ཚུལ་འཛིན་བྱ་བ་ཁྱོད། །གསང
186b8 སྔགས་གསང་བའི་སྙིང་པོ་འདི། །སངས་རྒྱས་ཉིད་འདི་མ་གཏོགས་པ། །གང་གི་སྤྱོད་ཡུལ་མ་ཡིན་པས། །ཚུལ་འདྲ་ཙམ་གྱིས་མི་འགྲུབ་བོ། །གང་འདིར་དད་མོས་འདོད་ནུས་ན། །དེ་ཉིད་དེ་ལ་དེར་བལྟས་ན། །དེ་ལ་དེ་སྦྱོར་དེ་ཉིད་དེ། །
iiif viewer powered by OpenSeadragon
