| e-texts navigator |
| Wylie |
186a1 པའི་འོད། །གང་འདིར་དམ་པ་སྤྱོད་དོ་ཞེས། །ཤིན་དུ་དམན་པའི་ལས་སྤྱོད་པ། །དེ་ཡི་སྨན་པ་ཐ་དད་ཕྱིར། །མུན་པ་སྣང་བར་མི་འགྱུར་ཞིང་། །དམན་པ་དམ་པར་ག་ལ་འགྱུར། །དཔེར་ན་མཐོ་སར་བགྲོད་འདོད་པ། །གཞོལ
186a2 ཕྱོགས་ལམ་དུ་འབབ་པ་བཞིན། །གོ་འཕང་ཆེན་པོ་མཐོང་འདོད་པ། །ངན་འགྲོ་ཡ་ངའི་རྒྱུད་དུ་ཞུགས། །གང་ཞིག་བཏུང་བའི་ཆུ་འདོད་པ། །མིག་རྒྱུ་བསྙགས་པས་ཚིམ་མེད་ལྟར། །དམན་པ་དམ་པར་སྨིན་འདོད་པ། །མཉམ་ལ
186a3 དམན་སྤྱོད་འགྱུར་མ་ཡིན། །སྦྲུལ་འབྲས་ཁྱུང་གིས་བརྣོས་འགྱུར་ཡང་། །ཕྱིན་ཅི་ལོག་འགྱུར་མི་སྲིད་པས། །དེ་ཉིད་ཁོ་ནར་སྣང་བ་བཞིན། །དམན་པ་དམ་པར་འགྱུར་མི་སྲིད། །གང་གི་གསང་བ་ལས་ལོག་པའི། །གང་འདིར་ལོག
186a4 སྤྱོད་དམན་པ་དག་། ཐམས་ཅད་རང་བཞིན་མེད་སྟོང་པས། །ཉོན་མོངས་བྱང་ཆུབ་སྟོང་མཉམ་ཟེར། །འཚོ་བའི་སྨན་དང་འཆི་བའི་དུག་།འབྱུང་བས་བསྐྱེད་པར་རྒྱུ་གཅིག་ཀྱང་། །འཚོ་དང་འཆི་བར་བྱེད་པའི་མཐུ། །དེ་ཉིད་མི་མཐུན
186a5 སོ་སོར་སྣང་། །དེས་ན་གང་འདིར་ལ་ལ་ཞིག་།འབྱུང་བས་བསྐྱོད་པས་གཅིག་མཉམ་ཞེས། །དུག་ཀྱང་ཟ་ཞིང་བཏུང་ངམ་ཅི། །དེ་བཞིན་དམ་པ་དམན་པའི་ལས། །རང་བཞིན་མེད་པར་དོན་གཅིག་ཀྱང་། །མཉམ་ཞེས་དམ་པ་ཉིད
186a6 བཞག་ཅིང་། །དམན་པ་ཆེད་དུ་སྤྱོད་དམ་ཅི། །དེས་ན་དམ་པ་དམན་པ་དང་། །གཙང་དང་མི་གཙང་ཆེ་ཆུང་གཉིས། །བཟང་ངན་བདེ་སྡུག་ལ་སོགས་དང་། །བསྟི་གནས་སྤྱད་བྱར་སྙོམས་མེད་པ། །མཉམ་སྦྱོར་རྟགས་སྤྱོད་ཡིན་ཞེ
186a7 ན། །དུག་དང་ཁ་ཟས་བདེ་སྡུག་རྣམས། །མི་མཉམ་མཉམ་པར་ག་ལ་སྙོམས། །མ་བཅོས་མཉམ་པའི་ཆོས་ཉིད་ལ། །གློ་བུར་ལས་ཀྱིས་མི་མཉམ་སྟེ། །ནམ་མཁའ་དྲི་མེད་ཡེ་ནས་གསལ། །དག་པར་བྱ་ཕྱིར་འཁྲུ་འདོད་འདྲ
186a8 འོ། །གང་དུ་ནད་རྣམས་འཇོམས་པའི་སྨན། །ནད་མེད་རྣམས་ཀྱི་དུག་དུ་འགྱུར། །ལྟ་ལོག་འཇིག་རྟེན་དྲང་བའི་ཐབས། །རྣལ་མར་སྤྱོད་ན་ཉེས་པར་ངེས། །འཐུན་འཇུག་སྤྱོད་པ་དྲང་བའི་ཐབས། །གང་གི་དབང་དུ་སྤྱོད་བྱེད་པ། །གང
iiif viewer powered by OpenSeadragon
