| e-texts navigator |
| Wylie |
185b1 ལོག་བློས་ལོག་མཐོང་གཙོར་བཟུང་ནས། །ལྟ་སྒོ་ཀུན་དུ་མི་འཇུག་ཅིང་། །རྨོངས་པའི་ལྟ་བས་བརྟན་པར་གནས། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །ལོག་ལྟ་གཅིག་ཏུ་ཞེན་སེམས་པ། །ཆར་ཀ་ནག་པོ་ཀུན
185b2 རྨོངས་པའོ། །གང་འདིར་བཅིང་བ་ལྔས་བཅིངས་ནས། །རང་གི་ཆེ་བའི་ཐབས་བཟུང་སྟེ། །རྟོག་དཔྱོད་ཙམ་ཡང་མི་འཇུག་པ། །གླང་ཆེན་མྱོས་པ་རྨོངས་འདྲ་འབྱུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །བདག་ཉིད
185b3 གཅིག་པུར་ཆོས་སྨྲ་བ། །ལོག་ཕྱོགས་གཅིག་པུར་སྤྱོད་པའོ། །གང་དུ་དམུས་ལོང་ལམ་ཞུགས་པ། །ཡིད་ཀྱིས་གོམ་པའི་ཚད་དཔགས་ནས། །ཉམ་ངའི་ལམ་དུ་རྒྱུག་པ་ལྟར། །ཚོད་དཔགས་ཙམ་ལ་གཙོར་འཛིན་འབྱུང་། །དེ་ཡང་ཇི
185b4 ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གང་དུ་མུན་པས་ཟིན་པ་ཡི། །བརྟུལ་ཞུགས་མཆོག་འཛིན་ལྔ་སྡེ་པའོ། །ལུང་མེད་རྣལ་འབྱོར་སྒོམ་པ་དང་། །ཆོས་མེད་ཆོས་སུ་སྨྲ་བ་དང་། །སྡིག་ཅན་སྨྱོན་པའི་བརྟུལ་ཞུགས་ལ། །དཔའ་བརྟུལ
185b5 སྤྱོད་པ་ཆེར་སྤྱོད་འབྱུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གང་གི་ཚད་མས་མ་གཞལ་བའི། །མུ་ཆོར་སྨྲ་བ་སྡེ་བཞི་པའོ། །དོན་མེད་འདུག་ལ་བརྩོན་པ་དང་། །ལུགས་མ་ལ་སོགས་གཟུགས་བརྙན་དག་།དམིགྶ
185b6 པའི་མཚན་མར་འཛིན་པ་ཡི། །གང་དུ་རིགས་པའི་རི་བོ་འབྱུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གང་དུ་རྒྱུ་བ་ཀུན་བཀག་པ། །མཉམ་པར་འཇུག་པ་བདུན་སྡེ་པའོ། །སྦས་པའི་དོན་རྣམས་སྒྲར་བསྒྱུར་ནས། །
185b7 དཔྱོད་ཁོངས་ཙམ་དུ་བྱེད་པ་རྣམས། །སྟེང་དུ་མི་འབབ་གོལ་སར་འགྲོ། །སྐུ་གསུང་ཐུགས་ཀྱི་སླུ་བྱེད་ཡིན། །ལང་ཀའི་བདག་པོ་དེ་ལྟར་ན། །དེ་སྐད་གསང་བ་མཆོག་དེས་བཤད། །གཞན་ཡང་ཐབས་ལྡན་འདི་ལྟ་སྟེ། །དེ་ནས
185b8 འཁོར་དེར་འདུས་གྱུར་པའི། །རྣལ་འབྱོར་ཐེག་པ་མཆོག་སྤྱོད་པའི། །ཚངས་པའི་འོད་ཅེས་བྱ་བ་ལ། །གང་དེར་མོས་པ་ཆུང་སྤྱོད་པའི། །རྣལ་འབྱོར་གྲགས་ལྡན་ཞེས་བྱ་བས། །འདི་སྐད་གལ་དུ་དྲི་བ་དྲིས། །དམ་པར་སྤྱོད་པ་ཚངས
iiif viewer powered by OpenSeadragon
