| e-texts navigator |
| Wylie |
185a1 ལོག་པར་ཁ་ལོ་སྒྱུར་བ་འབྱུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །བྲམ་ཟེ་འཚོ་བའི་ལོག་སྲེད་ཅན། །ལོག་སྨྲ་རྒྱུ་སྤྱོད་དབང་སྒྱུར་བའི། །གང་འདིར་ལོག་པར་སྤྱོད་རྒྱས་པས། །ཀུན་ཀྱང་ལོག་པ
185a2 ཉིད་ལ་འཇུག་། དེ་ལ་གསང་བར་སྒྲ་མཚོན་ནས། །གསང་སྔགས་དེ་ལ་མངོན་སྤྱོད་འབྱུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་འབྱུང་བ། །གང་དུ་གཞན་འབྱུང་ལོག་སྲེད་ཅན། །དེ་མྱིན་འདྲ་གཞན་སྤྱོད་པའོ། །
185a3 གང་དུ་འདི་ལྟར་ལོག་པའི་ཆོས། །གསང་སྔགས་དམ་པའི་ཚིག་དང་སྒྲ། །གཅིག་ལ་མི་གཅིག་སོ་སོ་ལ། །རྨོངས་པའི་མུན་པར་གང་སྤྱོད་པ། །སྔགས་པ་བདུད་ཀྱི་ལས་བྱེད་དེ། །ཤི་ནས་དམྱལ་བ་ཆེན་པོར་འགྲོ།
185a4 ཅི་ཕྱིར་ལྟ་བས་མ་ཟིན་ཕྱིར། །བདུད་དང་སྲིན་པོའི་སྤྱོད་པ་ལ། །དགའ་མགུར་སྤྱོད་ཅིང་འདོད་དགུར་འཇོལ། །དེ་ལ་བག་ཆགས་ཞེན་པའི་མཐུས། །དམྱལ་བར་འབར་བ་བརྒྱད་ཀྱི་ཡང་། །རྡོ་རྗེ་དམྱལ་བ་ཆེན་པོར་ལྟུང་། །དེ་ཡང
185a5 ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །ལོག་པའི་སྟོབས་ལྡན་ཡ་མཚན་ཅན། །ལོག་ཞེན་སྡུག་བསྔལ་སྤྱི་གཙུག་པའོ། །ེ་མའོ་འགྲོ་བ་རྣམ་མི་གྲོལ། །ཅི་ཕྱིར་འོང་བའི་དུས་རྣམས་སུ། །གཡོ་ཅན་བཅོས
185a6 པའི་གསང་ཚིག་གིས། །དྲི་མེད་གསང་བའི་བསྟན་པ་རྣམས། །དཀྲུགས་འགྱུར་བཀའ་བསླད་གཞུང་བོར་ནས། །དོན་མེད་ལོག་ཆོས་རྒྱས་པར་འགྱུར། །གཞན་ནས་བྱུང་བ་མ་ཡིན་ཏེ། །རྩ་བ་ཉིད་ལས་གྱུར་པར
185a7 ཟད། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །འདི་པར་མ་གྱུར་བསླད་པ་ཅན། །དེ་རྒྱུད་ངན་པས་དེ་ཉིད་བསླད། །ང་ཡི་ཡིད་བཞིན་ནོར་བུ་འདི། །ཅིར་ཡང་སྟོན་ལ་དཔག་དཀའི་ཕྱིར། །མ་འོངས་དུས་ན་ལོག
185a8 སྤྱོད་ཀྱིས། །ལོག་བརྟགས་ལོག་སྡེ་མང་པོ་འབྱུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །ལམ་ལོག་ལམ་སྟོར་ལམ་ཉེས་པ། །ལོག་ཞེན་ལོག་སྡེ་དྲུག་བརྒྱུད་པའོ། །གང་ལ་ལོག་ཞེན་ལོག་དབང་གིས། །
iiif viewer powered by OpenSeadragon
