| e-texts navigator |
| Wylie |
182b1 ཚོམ་སྐྱེ་བར་བགྱིད་པ་ནི་ངེས་པ་མ་མཆིས་པ་ལགས་ན། གང་སངས་རྒྱས་བཅོམ་ལྡན་འདས་རྣམས་ནི་ངེས་པ་ཅན་ལགས་ན་ངེས་པ་མ་མཆིས་པའི་ཆོས་འཁོར་གྱི་ནང་འདིར་གསུང་ངམ་ཞེས་གསོལ་པ་ལས། བཅོམ་ལྡན
182b2 འདས་ཀྱིས་བཀའ་སྩལ་པ། ཀྱེ་འདུས་པའི་ཚོགས་ཆོས་ཐམས་ཅད་ངེས་པ་མེད་པར་ང་སྨྲའོ། །དེ་ཅིའི་ཕྱིར་ཞེ་ན། ཐེར་ཟུག་ཏུ་རེད་པའི་ཆོས་གང་ཡང་མེད་པའི་ཕྱིར་རོ། །དེ་བས་ན་ཁྱེད་རྣམས་ཀྱི་རང་རང་གི་དམ་ཚིག་ལ
182b3 ཡང་ངེས་པ་མེད་དེ། སྐྱེ་བ་འདི་ལས་གཞན་དཔག་ཏུ་མེད་པ་བླངས་པ་དང་ལེན་པའི་སྐབས་སུ་སོ་སོའི་སྐྱེ་བ་ཐ་དད་པ་དེ་བཞིན་དུ་མོས་པ་དང་། ལས་དང་། སྐལ་པ་དང་། གནས་དང་། སྡེ་དང་། ཤ་ཚུགས་དང་། རིགས་དང་། ཁ་དོག་དང་།
182b4 འཚོ་བ་དང་། ལྟ་བ་དང་། སྤྱོད་པ་ཐ་དད་ན། ད་ཁྱེད་ཀྱིས་ངེས་པར་གང་ལ་གཟུང་། དེའི་ཕྱིར་ཆོས་ཐམས་ཅད་ངེས་པ་མེད་པར་ང་སྨྲའོ། །དེ་ནས་འདུས་པའི་ཚོགས་ཀྱིས་གསོལ་པ། འོ་ན་བཅོམ་ལྡན་འདས་བདག་ཅག་གི་དམ་ཚིག
182b5 རྣམས་ངེས་པས་བཟུང་ན་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། འདུས་པའི་ཚོགས་འདི་ལྟ་སྟེ། མཚམས་མེད་ལྔ་ཡི་དམ་ཚིག་ནི། །དམ་ཚིག་ཏིང་འཛིན་ཤེས་རབ་དང་། །བྱང་ཆུབ་སེམས་དང་སྙིང་རྗེ་ལྡན། །
182b6 བར་མཚམས་མེད་པར་རྒྱུན་མི་གཅད། །འདི་ནི་མཚམས་མེད་དམ་ཚིག་ཡིན། །ཆགས་པ་ཆེན་པོའི་དམ་ཚིག་ནི། །འཁོར་བ་དང་ནི་ཆོས་ཉིད་ལས། །ཤེས་རབ་སྙིང་རྗེ་མི་གཏོང་བ། །འདི་ནི་ཆགས་པའི་དམ་ཚིག་ཡིན། །
182b7 མ་དང་བུ་མོ་སྲིང་མོ་ནི། །ཆོས་ཉིད་དང་ནི་ཡེ་ཤེས་ལྔ། །རང་ལས་བྱུང་བའི་ཤེས་རབ་ནི། །དེ་བཞིན་ཉིད་ཀྱི་གཟུངས་སུ་བཤད། །གང་ལ་སྐྱེ་བ་མེད་བསྟན་ན། །སྲོག་གི་དབང་པོ་མི་ལེན་པའི། །སྐྱེ་བའི་རྒྱུན་ནི་ཆད་པ་དང་། །ཐམས
182b8 ཅད་སྟོང་པར་བཅོམ་པ་ནི། །སྲོག་བཅད་པ་ཞེས་དེ་ལ་བྱ། །དངོས་པོ་མེད་ལས་དངོས་པོར་སྟོན། །དངོས་པོར་སྣང་ལ་མེད་སྨྲ་བ། །རྒྱལ་བ་ཀུན་གྱི་བཀའ་ཡིན་ཏེ། །སླུ་བའི་དམ་ཚིག་ཆེན་པོ་ཡིན། །གཞན་གྱི་ཡིད་བཞིན་ནོར
iiif viewer powered by OpenSeadragon
