| e-texts navigator |
| Wylie |
178b1 བ། །འགྲོ་མགོན་རྡོ་རྗེ་སྙིང་པོ་ཡིས། །ནག་པོའི་རང་ཐག་འཁོར་བ་ཅན། །གདུལ་བྱའི་ཞིང་དུ་སྨིན་མཛད་ཆེ། །སྨིན་དང་མ་སྨིན་འདུས་པའི་འཁོར། །ཀུན་ནས་འདུས་པར་གྱུར་པ་ལ། །ཡང་དག་གསང་བའི་དོན་འདི་གསུངས། །
178b2 ལང་ཀའི་བདག་པོ་དེའི་ཚེ་དེའི་དུས་ན་ཡོངས་སུ་རྫོགས་པར་ངོས་མ་ཟིན་པའི་སྲས་དེ་དག་ཡོངས་སུ་རྫོགས་པར་ངོས་གཟུང་བའི་སླད་དུ་གསང་བ་རྣམ་པར་བསྐུལ་བ། འདུས་པ་ཆེན་པོའི་ཚོགས་ཁྱོད་ཡོངས་སུ་རྫོགས
178b3 པར་ངོས་མ་ཟིན་པ་ཡེ་ནས་ཡོངས་སུ་རྫོགས་པར་ངོས་གཟུང་བའི་ཕྱིར་མ་བཅོས་པའི་དམ་ཚིག་ཉེ་བར་ལོང་ཅིག་ཅེས་བཀའ་སྩལ་པ་དང་། འདུས་པའི་ཚོགས་རྣམས་ཀྱིས་གསོལ་པ། བཅོམ་ལྡན་འདས་དེ་ཉིད་ཉེ་བར
178b4 གཟུང་བའི་སླད་དུ་མ་བཅོས་པའི་དམ་ཚིག་ཅེས་བགྱི་བ་དེ་ཇི་ལྟ་བུ་ལགས། ཇི་ལྟར་ཉེ་བར་གཟུང་བར་བགྱི། དེ་སྐད་ཅེས་གསོལ་པ་ལས། བཅོམ་ལྡན་འདས་ཀྱིས་བཀའ་སྩལ་པ། འདུས་པ་ཆེན་པོའི་ཚོགས་གང
178b5 མ་བཅོས་པའི་དམ་ཚིག་ནི་འདི་ལྟ་སྟེ། མ་ནོར་མ་བཅོས་དམ་ཚིག་ནི། །དེ་བཞིན་ཉིད་ཀྱི་ཆོས་ཉིད་ལ། །བློ་བཞག་དེ་ལ་མི་འདའ་བ། །རྒྱལ་བ་རྣམས་ཀྱི་དམ་ཚིག་གོ་ཅེས་བཀའ་སྩལ་པ་ལས། འདུས་པའི་ཚོགས་རྣམས
178b6 ཤིན་དུ་སྐྲག་ཅིང་དངངས་ནས་ཡོངས་སུ་མ་རངས་ཏེ། ཨེ་མའོ་སྒྱུ་མའི་བདག་པོ་ཞིག་གིས་བདག་ཅག་བསླུས་སོ། །བདག་ཅག་སོ་སོའི་མོས་པ་སྣ་ཚོགས་པ་རྣམས་བཀག་ནས་སྟོང་པ་ཆེན་པོ་ལ་གཏད་པ་འདི་ནི
178b7 བདག་ཅག་སོ་སོ་རང་རང་གི་དམ་ཚིག་དང་བྲལ་ལོ་ཞེས་ཟེར་ཏེ་ངུས་པ་ལས། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཀྱེ་མིའི་ཐོད་པ་ཅན་ལ་སོགས་པའི་ཚོགས་རང་རང་ཇི་ལྟར་དགའ་བའི་དམ་ཚིག
178b8 རྣམས་སྤོབས་པ་སྐྱེད་ལ་ཀུན་གྱིས་ཕུལ་ཅིག་། གང་མ་བཅོས་པའི་དམ་ཚིག་དེ་ལ་ནི་གང་ཡང་འགག་པ་མེད་པས་ཡོངས་སུ་མི་འགོག་པར་སྣང་ངོ་། །དེ་སྐད་ཅེས་བཀའ་སྩལ་པ་ལས། ཡོངས་སུ་གཟུང་བའི
iiif viewer powered by OpenSeadragon
