| e-texts navigator |
| Wylie |
177a1 མདོ་ཆེན་པོ་ལས་གསུང་མི་ཟད་པ་རྒྱན་གྱི་འཁོར་ལོ་བཀོད་པའི་ལེའུ་ཞེས་བྱ་སྟེ་སུམ་བཅུ་བཞི་པའོ། ། །། དེ་ནས་ཡང་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་གསང་བ་པའི
177a2 བདག་པོ་ལ་འདི་སྐད་ཅེས་སྨྲས་ཏེ་དྲིས་པ། གསང་བ་པའི་བདག་པོ་གསང་སྔགས་ཀྱི་བྱིན་གྱི་རླབས་ལས་སྣང་བའི་སངས་རྒྱས་རྣམས་ཀྱི་ཡོན་ཏན་དང་ཕྲིན་ལས་ཇི་ལྟར་སྣང་བ་ལགས། གསང་བ་པའི་བདག་པོས་སྨྲས
177a3 པ། ལང་ཀའི་བདག་པོ་གསང་སྔགས་ཀྱི་བྱིན་གྱི་བརླབས་ལས་སྣང་བའི་སངས་རྒྱས་རྣམས་ཀྱི་ཡོན་ཏན་དང་། ཕྲིན་ལས་ནི་འདི་ལྟར་སྣང་བར་རིག་པར་བྱའོ། །གང་ཞེ་ན། འདི་ལྟ་སྟེ། མི་རྟོག་གང་ལ་རྟག་ཉིད་དུ། བརྟགས
177a4 ལས་རྟོགས་པའི་བྱིན་བརླབས་འབྱུང་། །མི་ཟད་རིན་ཆེན་ནམ་མཁའི་མཛོད། །བྱིན་བརླབས་ཆེན་པོ་རྒྱུན་མི་འཆད། །གསང་ཉིད་སྙིང་པོའི་བྱིན་བརླབས་ནི། གང་དུ་རྣམ་པར་མི་རྟོག་བཞིན། །འདོད་འབྱུང་བྱ་བ་ཐམས་ཅད
177a5 བྱེད། །དེ་ལ་བྱེད་པ་ཅི་ཡང་མེད། །ཀུ་བ་གཅིག་གིས་བྱིན་བརླབས་ཀྱིས། །ལྗགས་ནི་སྟོང་སྙེད་བསྒྱུར་བ་བཞིན། །གསང་བའི་དོན་མཐོང་སྐད་ཅིག་གིས། །ཐམས་ཅད་གསང་བའི་སྙིང་པོར་འགྱུར། །མར་མེ་གཅིག་གི་བྱིན་བརླབས
177a6 ཀྱིས། །བསྐལ་པའི་མུན་ནག་སེལ་བ་བཞིན། །སྙིང་པོ་དོན་རིག་སྐད་ཅིག་མས། །བསྐལ་པར་གནས་པའི་སྒྲིབ་པ་སེལ། །ནོར་བུ་རིན་ཆེན་གང་སེལ་བ། །དབུལ་བའི་འཇིགས་པ་མེད་པ་ལྟར། །སྙིང་པོ་དོན་སང་གང་སེལ
177a7 བ། །ལྟུང་གནས་འཁོར་བའི་འཇིགས་པ་མེད། །ཉི་ཟླའི་འོད་འབར་རིན་ཆེན་གྱིས། །རིན་ཆེན་རིན་ཐང་འབུམ་ཆར་མིན། །དཀར་པོར་མཐར་ཐུག་བསོད་ནམས་ཀྱིས། །གསང་ཉིད་སྐད་ཅིག་འབུམ་ཆར་མྱིན། །འགྲོ་གང
177a8 འོ་མའི་རྒྱ་མཚོ་ཇི་སྙེད་དུ། །སེང་གེའི་འོ་མ་གཅིག་བླུགས་རླག་པ་ལྟར། །ལས་དང་ཉོན་མོངས་སྡུག་བསྔལ་རྒྱ་མཚོར་ནི། །གསང་ཉིད་སྐད་ཅིག་སྣང་བས་ཐམས་ཅད་མེད། །འཁོར་ལོས་སྒྱུར་རྒྱལ་གང་རྟེན་འཇིགས
iiif viewer powered by OpenSeadragon
