| e-texts navigator |
| Wylie |
174a1 བླ་དགས་སུ་བཏགས་སོ། །སྦྱོར་བ་མཚོན་པར་བྱེད་པའི་ཡི་གེ་ལ་ནི་མིང་ཟླ་ཚེས་ཞེས་བླ་དགས་སུ་བཏགས་སོ། །མིང་མཚོན་པར་བྱེད་པའི་ཡི་གེ་ལ་ནི་མིང་ཐིག་ཅེས་བླ་དགས་སུ་བཏགས་སོ། །གཅོད་པ
174a2 མཚོན་པར་བྱེད་པའི་ཡི་གེ་ལ་ནི་མིང་དབྱུག་པ་ཞེས་བླ་དགས་སུ་བཏགས་སོ། །ལང་ཀའི་བདག་པོ་དེ་དག་ནི་ཡི་གེའི་མིང་དུ་རིག་པར་བྱའོ། །ལང་ཀའི་བདག་པོ་དེ་ལ་ཡི་གེའི་བྱུང་ཚུལ་གང་ཞེ་ན། འདི་ལྟ་སྟེ། སྟོན་པ་གསང
174a3 བ་མཆོག་ཉིད་ཀྱིས། །འདུས་པ་དག་ལ་བོས་ཏེ་གསུངས། །གཞན་ཡང་འདུས་པའི་རྣལ་འབྱོར་རྣམས། །ཡི་གེའི་རྗེས་སུ་དོན་དཔགས་ན། །ཡི་གེའི་དོན་ནི་གསལ་བར་སྟོན། །ཅི་ཕྱིར་དོན་ཉིད་ཡི་གེར་སྣང་། །དབྱིངས་ལས་ཨ
174a4 བྱུང་ཨ་ལས་ནི། །ཡི་གེ་ཡིད་བཞིན་སྤྲིན་ཚོགས་འཕྲོ། ། ནི་རང་བཞིན་ཡི་གེ་སྟེ། །རྟེན་དང་བྲལ་བས་རྒྱུ་རྐྱེན་མེད། །ཁོང་ནས་ཀུན་ཁྱབ་ནམ་མཁའ་འདྲ། །ཆོས་ཉིད་སྐྱེ་མེད་ཟབ་མོ་ཡིས། །ཆོས་ཀུན་ཁྱབ་གནས་ཟིན་པ་ལྟར། །
174a5 ཁྱབ་གནས་ཨ་ཡི་རང་བཞིན་གྱིས། །ཡི་གེ་ཀུན་ཁྱབ་ཀུན་ཟིན་ཏེ། །མིང་དང་ཚིག་ཚོགས་སྣ་ཚོགས་བསྒྱུར། །སྐྱེས་བུ་ཐུགས་ཀྱི་དཔལ་བེའུ་ནས། །ཐམས་ཅད་འབྱུང་བ་ཀུན་གྱི་གཞི། །མགུར་གྱི་གསང་བའི་དབྱིངས་སུ་ཤར། །ཆོ
174a6 འཕྲུལ་ཡི་གེ་ལྔར་སྣང་བ། །མགུར་གྱི་སྒྲ་བྱུང་མགུར་ལས་གྲགས། ། ཀ་ཁ་ག་གྷ་ང་། ཨ་ལས་ཡིག་འབྲུ་ཟེར་འཕྲོས་པས། །ལྗགས་ཀྱི་དབང་པོ་ཟླ་གམ་འཕྲོས། །ཆོ་འཕྲུལ་ཡི་གེ་ལྟར་སྣང་བ། །ལྗགས་ཀྱི་སྒྲ་བྱུང་ལྗགས་ལས
174a7 གྲགས། །ཙ་ཚ་ཛ་ཛྷ་ཉ། ཨ་ཡི་འོད་ཟེར་རྩེ་མོ་ལས། །ལྗགས་ཀྱི་ཟླ་གམ་རྩེ་མོ་འཕྲོས། །ཆོ་འཕྲུལ་ལྔ་གཉིས་ཡི་གེར་སྣང་། །རྩེ་མོ་སྒྲ་བྱུང་ཐོར་ཏོར་གྲགས། །ཏ་ཐ་ད་དྷ་ན། ཊ་ཋ་ཌ་ཌྷ་ཎ། དེ་བཞིན་དེ་ལས་དེ་བྱུང་བ། །
174a8 ཞལ་གྱི་སྒྲོས་ལས་འཁྱིལ་འབར་བས། །དེ་བཞིན་ཡིག་འབྲུ་ལྔར་སྣང་བ། །ཞལ་གྱི་སྒོར་བྱུང་ཞལ་ལས་གྲགས། །པ་ཕ་བ་བྷ་མ། ཡིག་འབྲུ་ཀུན་གྱི་མཆོག་དེ་ཉིད། །གསུང་གི་རྒྱུན་ལམ་དེར་བྱུང་བ། །ཡུལ་ལ
iiif viewer powered by OpenSeadragon
