| e-texts navigator |
| Wylie |
172b1 རེད་ཟིན་པའི་ཉམས་མ་རྙེད་པའི་ཕྱིར་རོ། །ལང་ཀའི་བདག་པོ་དེ་ཁོ་ན་ཉིད་ལས་ནི་རྒྱུན་དུ་ཆོ་འཕྲུལ་རྣམས་སྣང་བ་ཡིན་ཏེ། རིན་པོ་ཆེ་འམ་སྤྲིན་ལྟ་བུར་ཅི་ཡང་མེད་པ་ལས་ཅི་ཡང་སྣང་ཞིང་གང་ཆུང་ངུ་ལས
172b2 མང་པོར་མཆེད་པའི་ཕྱིར་སྲིད་པ་དང་མྱ་ངན་ལས་འདས་པའི་ཆོས་ཐམས་ཅད་སྣང་བ་འདི་ཅི་ཡང་མེད་པ་ལས་སྣང་ངོ་། །དེ་བས་ན་གསུང་གི་གཟུགས་བརྙན་འདི་དག་ཀྱང་ཅི་ཡང་མེད་པ་ཁོ་ན་ལས་སྣང་བའི
172b3 ཆོས་ཉིད་དུ་རིག་པར་བྱའོ། །ལང་ཀའི་བདག་པོ་གཟུགས་བརྙན་གྱི་སྤྲུལ་པ་ནི་ཐ་དད་དེ་གསུང་གི་གཟུགས་བརྙན་ནི་ཡི་གེར་སྣང་བ་ཡིན་ལ། ཡི་གེའི་སྤྲུལ་པ་ནི་འདི་ལྟ་སྟེ། མིང་དང་། བྱུང་ཚུལ
172b4 དང་། གཟུགས་དང་། རང་བཞིན་དང་། སྒྲ་དང་། ལས་དང་། སྒོ་དང་། རྣམ་གྲངས་དང་། ཡི་གེའི་གཞི་རྣམས་ཀྱི་དེ་ཁོ་ན་ཉིད་གསང་བ་དམ་པ་དེ་མཐོང་ཞིང་ཤེས་པར་འགྱུར་རོ། །དེས
172b5 ཆོས་ཐམས་ཅད་ལ་མཁས་ཤིང་གྲོལ་བར་འགྱུར་རོ། །དེ་ལ་ལང་ཀའི་བདག་པོ་ཡི་གེ་དེའི་མིང་ནི་འདི་ལྟ་སྟེ། གང་ལ་ཡང་མེད་ལ་གང་མཚོན་པའི་བླ་དགས་ཏེ། གང་སྐྱེ་བ་མེད་པ་མཚོན་པར་བྱེད
172b6 པའི་ཡི་གེ་ལ་ནི་མིང་ཨ་ཞེས་བླ་དགས་སུ་བཏགས་སོ། །བྱ་བ་མཚོན་པར་བྱེད་པའི་ཡི་གེ་ལ་ནི་མིང་ཀ་ཞེས་ཚིག་བླ་དགས་སུ་བཏགས་སོ། །ཁྱབ་པ་མཚོན་པར་བྱེད་པའི་ཡི་གེ་ལ་ནི་མིང་ཁ་ཞེས་ཚིག་བླ
172b7 དགས་སུ་བཏགས་སོ། །སྐྱེ་བ་མཚོན་པར་བྱེད་པའི་ཡི་གེ་ལ་ནི་མིང་ག་ཞེས་ཚིག་བླ་དགས་སུ་བཏགས་སོ། །གྲོལ་བ་མཚོན་པར་བྱེད་པའི་ཡི་གེ་ལ་ནི་མིང་གྷ་ཞེས་ཚིག་བླ་དགས་སུ་བཏགས་སོ། །འཛིན་པ་མཚོན
172b8 པར་བྱེད་པའི་ཡི་གེ་ལ་ནི་མིང་ང་ཞེས་ཚིག་བླ་དགས་སུ་བཏགས་སོ། །སྤྱོད་པ་མཚོན་པར་བྱེད་པའི་ཡི་གེ་ལ་ནི་མིང་ཙ་ཞེས་ཚིག་བླ་དགས་སུ་བཏགས་སོ། །འདུ་འབྲལ་མཚོན་པར་བྱེད་པའི་ཡི་གེ་ལ་ནི་མིང་ཚ
iiif viewer powered by OpenSeadragon
