| e-texts navigator |
| Wylie |
170b1 པའི་གསུང་ནི་སེང་གེ་ལྟ་བུའོ། །རྒྱུན་དུ་འབྱུང་བའི་གསུང་ནི་གསུང་གཅིག་ཡན་ལག་བསམ་གྱིས་མི་ཁྱབ་པར་འབྱུང་བའི་ཕྱིར་བསམ་གྱིས་མི་ཁྱབ་པ་ཞེས་བྱའོ། །ལང་ཀའི་བདག་པོ་གང་བསམ་གྱིས་མི་ཁྱབ་པ
170b2 དེ་དག་ཀྱང་བཞིར་འབྱུང་ཞིང་གཞི་སྣང་བ། བཞི་ལས་རྒྱས་པར་ཤེས་པར་བྱའོ། །བཞི་གང་ཞེ་ན་འདི་ལྟ་སྟེ། གསུང་གི་རང་བཞིན་དང་། རྣམ་གྲངས་དང་། ཡན་ལག་དང་། གཟུགས་བརྙན་རྣམས་སུ་ཤེས་པར་བྱའོ། །ལང་ཀའི
170b3 བདག་པོ་དེ་ལ་རང་བཞིན་གང་ཞེ་ན་འདི་ལྟ་སྟེ། གདངས་སུ་ཆེ་བ་དང་། ཡོངས་སུ་ཁྱབ་པ་དང་། གོ་བར་མྱུར་བ་དང་། ཐེ་ཚོམ་གཅོད་པ་དང་། གཅིག་ལ་གཟིགས་སྙམ་པ་དང་། ཉི་ཚེར་སྟོན་པ་དང་། ཀུན་ནས་འཇུག
170b4 པ་དང་། འདུན་པ་སྐྱེད་པ་དང་། ཁྱད་དུ་ཞུགས་པ་དང་། ཐམས་ཅད་འདུལ་བའོ། །ལང་ཀའི་བདག་པོ་རྣམ་གྲངས་གང་ཞེ་ན། འདི་ལྟ་སྟེ། ཚངས་པ་ལྟ་བུ་དང་། སིལ་སྙན་ལྟ་བུ་དང་། གླུ་གར་ལྟ་བུ་དང་། ཀ་ལ་པིང
170b5 ཀ་ལྟ་བུ་དང་། འབྲུག་དབྱངས་ལྟ་བུ་དང་། སྒྲ་བརྙན་ལྟ་བུའོ། །ལང་ཀའི་བདག་པོ་ཡན་ལག་ནི་འདི་ལྟ་སྟེ། འདུ་ཤེས་བསྐྱེད་པ་དང་རྣམ་པར་རིག་པ་དང་། མཉན་པར་འོས་པ་དང་། མི་མཐུན་པ་མེད་པ་དང་། ཤིན་དུ་ཟབ
170b6 པ་དང་། རྗེས་སུ་འབྱུང་བ་དང་། གང་གིས་མི་ཚུགས་པ་དང་། རྣར་སྙན་པ་དང་། རྣམ་པར་མ་འཁྲུགས་པ་དང་། ཤིན་དུ་གསལ་བ་སྟེ། རྣམ་གྲངས་ཀྱི་སྒོ་རེ་རེར་གང་དུ་བྱུང་བ་དེ་དང་དེར་ཡན་ལག་ཀུན་རྫོགས་པར་འབྱུང་ངོ་། །ལང
170b7 ཀའི་བདག་པོ་དེ་ལ་གཟུགས་བརྙན་གང་ཞེ་ན། གཟུགས་བརྙན་ནི་ཡི་གེའི་ཚོགས་སུ་སྣང་ལ། ཡི་གེ་ནི་གསང་བ་དམ་པའི་བྱིན་གྱི་བརླབས་ལས་འབྱུང་བར་རིག་པར་བྱའོ། །ལང་ཀའི་བདག་པོ་གསང་བ་དམ་པའི་བྱིན་གྱི
170b8 བརླབས་ནི་ཡི་གེར་ཡང་མ་ཟད་དེ་ཡི་གེ་ལ་སོགས་པའི་ཆོས་ཐམས་ཅད་མེད་པ་ལས་འབྱུང་ཞིང་བཏགས་པ་ལྟར་ཆགས། གང་ལྟར་བསྒྲུབས་པ་ལྟར་འགྲུབ། གང་དུ་མཐོང་བ་དེ་ལྟར་བལྟས་པར་སྣང་བའི་ཕྱིར་ཡི་གེ་ཡང
iiif viewer powered by OpenSeadragon
