| e-texts navigator |
| Wylie |
169a1 མ་ཡིན་པ་ཡང་ཡིན་ནོ། །གཅིག་པ་ཡང་ཡིན་ནོ། །ཐ་དད་པ་ཡང་ཡིན་ནོ། །གཅིག་པ་ཡང་མ་ཡིན། །ཐ་དད་པ་ཡང་མ་ཡིན་པ་ཡང་ཡིན་ནོ། །གཅིག་པ་དང་ཐ་དད་པའི་ངོ་བོ་ལས་གྲོལ་བ་ཡང་ཡིན་ནོ། །ལང་ཀའི་བདག་པོ་དེ་ཅིའི་ཕྱིར
169a2 ཞེ་ན། འདི་ལྟ་སྟེ། མི་འགྱུར་ཞིང་གཉེན་པོ་མེད་པ་དང་། གང་འབྱུང་བ་མི་དམིགས་པ་དང་ཀུན་གྱི་གཞིར་གྱུར་པ་དང་། མཐའ་ཡོངས་སུ་མི་དམིགས་པ་དང་། ཐེར་ཟུག་མ་ཡིན་པ་དང་། རྒྱུན་དུ་འབྱུང་བ་དང་། དགོངས་པ་དམ་པ་དང་། དངོས
169a3 པོ་མེད་པ་དང་། རྒྱུད་དག་པའི་ཡུལ་དུ་གྱུར་པ་དང་། མཐའ་དབུས་ལས་འདས་པ་དང་། ཐ་སྙད་ལས་འདས་པ་དང་། ཡེ་ཇི་བཞིན་པ་དང་། བསམ་དུ་མེད་པ་དང་། བསམ་གྱིས་མི་ཁྱབ་པ་དང་། སོ་སོའི་སྤྱོད་ཡུལ་དང་། ཁྱད་པར་ཅིར་ཡང
169a4 མཚུངས་པའི་ཕྱིར་རྟག་པར་ཡང་ཟུང་ཞིག་། མི་རྟག་པར་ཡང་ཟུང་ཞིག་། ཡོད་པར་ཡང་ཟུང་ཞིག་།མེད་པར་ཡང་ཟུང་ཞིག་།གཅིག་པར་ཡང་ཟུང་ཞིག་།ཐ་དད་པར་ཡང་ཟུང་ཞིག་།གཅིག་དང་ཐ་དད་པའི་ངོ་བོ་ལས་གྲོལ་བར
169a5 ཡང་ཟུང་ཞིག་། ལང་ཀའི་བདག་པོ་དེ་ལྟར་ན་འདུལ་བྱའི་དབང་གི་ཕྱིར་སྐུ་ལ་ནི་ངེས་པ་མེད་དེ་བསམ་གྱིས་མི་ཁྱབ་པར་ཟུང་ཞིག་།ལྔར་ཡང་ཟུང་ཞིག་།བཞིར་ཡང་ཟུང་ཞིག་།གསུམ་དུ་ཡང་ཟུང་ཞིག་།གཉིས་སུ་ཡང
169a6 ཟུང་ཞིག་། གཅིག་ཏུ་ཡང་ཟུང་ཞིག་།ངེས་པར་སྐུ་དང་། གསུང་དང་། ཐུགས་དང་། ཡོན་ཏན་དང་། ཕྲིན་ལས་ཞེས་ཐ་སྙད་དུ་བཏགས་པར་ཟད་ཀྱི། སྐུ་ནི་ནམ་མཁའོ། །གསུང་ནི་སྒྲ་བརྙན་ནོ། །ཐུགས་ནི་ཆོས་ཉིད་དོ། །ཡོན་ཏན
169a7 ནི་སྒྱུ་མའོ། །ཕྲིན་ལས་ནི་སྤྲུལ་པ་སྟེ། དེ་དག་ནི་གང་ལ་འདུལ་བའི་དབང་དུ་བྱིན་གྱི་བརླབས་ལ་སྣང་བར་ཟད་ཀྱི་ཡང་དག་པར་ན་སྣང་བ་ནི་ཅུང་ཟད་ཀྱང་མེད་དོ། །ལང་ཀའི་བདག་པོ་དེ་དག་གི་ངོ་བོ་ནི་རྣམ་པར་ཤེས་པའོ། །
169a8 ངོས་ཟིན་པ་ནི་ཡེ་ཤེས་སོ། །མངོན་སུམ་པ་ནི་སངས་རྒྱས་སོ། །ལང་ཀའི་བདག་པོ་དེ་ལྟར་ན་གསང་སྔགས་ཀྱི་ངོ་བོ་དེ་ནི་ཡོངས་སུ་དཔག་པར་དཀའ་པའི་ཕྱིར་གང་མུན་པའི་ཁམས་པས་ནི་རྣམ་པར་ཤེས་པ་ཞེས
iiif viewer powered by OpenSeadragon
