| e-texts navigator |
| Wylie |
168b1 པ་མ་ཡིན་པ་ནི་གང་འདས་ཀྱང་པད་མོའི་དབང་གིས་འཁོར་བ་དཔག་ཏུ་མེད་པ་ལ་ཕན་འདོགས་པའོ། །སྨིན་པ་ཡིན་ལ་རྒྱུན་མ་ཡིན་པ་ནི་སའི་སྔ་རོལ་ཉིད་དོ། །གཉིས་ཀ་ཡིན་པ་ནི་གང་ལྷག་མ་དང་བཅས་པས་འདས་པའོ། །
168b2 གཉིས་ག་མ་ཡིན་པ་ནི་རྣམ་པར་དག་པའོ། །ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་དེ་དག་གི་མཛད་པ་ནི་གང་ལགས། སྐུ་ནི་གང་ལགས། དགོངས་པ་ནི་གང་ལགས། གཞི་ནི་གང་ལགས། སྨྲས་པ། ལང
168b3 ཀའི་བདག་པོ་དེ་དག་གི་མཛད་པ་ནི་སངས་རྒྱས་ཀུན་གྱི་མཛད་པ་སྟེ་རྒྱུན་གྱི་བྱ་བ་ཅིར་ཡང་སྣང་བའོ། །སྐུ་ནི་སངས་རྒྱས་ཀུན་གྱི་སྐུ་སྟེ་ཡོངས་སུ་སྨིན་པའོ། །དགོངས་པ་ནི་སངས་རྒྱས་ཀུན་གྱི་དགོངས་པ་སྟེ་རྣམ་པར་དག་པའོ། །
168b4 གཞི་ནི་སངས་རྒྱས་ཀུན་གྱི་འབྱུང་གནས་ཏེ་དེ་ཉིད་དོ། །ལང་ཀའི་བདག་པོ་དེ་དག་ནི་མང་པོ་དང་། གཅིག་དང་། གཅིག་མང་པོ་དང་། དེ་དག་ལས་འདས་པ་ཞེས་ཀྱང་བྱའོ། །དེ་ཅིའི་ཕྱིར་ཞེ་ན། རྒྱུན་ནི་སྣ་ཚོགས་དཔག་གིས་མི
168b5 ལང་བའི་ཕྱིར་མང་པོ་ཞེས་བྱའོ། །སྨིན་པ་ནི་གང་ཐམས་ཅད་གཅིག་པའི་ཕྱིར་གཅིག་ཅེས་བྱའོ། །རྣམ་པར་དག་པ་ནི་རྒྱུན་དང་སྨིན་པའི་གཞིར་གྱུར་པའི་ཕྱིར་གཅིག་མང་པོ་ཞེས་བྱའོ། །དེ་ཉིད་ནི་དེ་དག་གི་འབྱུང་འཇུག་གིས
168b6 ཟད་འཕེལ་མེད་པའི་ཕྱིར་དེ་དག་ལས་འདས་པ་ཞེས་བྱའོ། །ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་དེ་དག་རྟག་པ་ཞིག་གམ། འོན་ཏེ་མི་རྟག་པ་ཞིག་།ཡོད་པ་ཞིག་གམ། འོན་ཏེ་མེད་པ་ཞིག་།གཅིག་པ
168b7 ཞིག་གམ། ཐ་དད་པ་ཞིག་ཅེས་དྲིས་པ་ལས། གསང་བ་པའི་བདག་པོས་སྨྲས་པ། ལང་ཀའི་བདག་པོ་ཇི་སྐད་དུ་དྲི་བ་དྲུག་ནི་འདི་ལྟ་སྟེ། དེ་དག་ནི་རྟག་པ་ཡང་ཡིན་ནོ། །མི་རྟག་པ་ཡང་མ་ཡིན་ནོ། །རྟག་ཀྱང་རྟག་ལ་མི་རྟག་ཀྱང་མི
168b8 རྟག་བ་ཡང་མ་ཡིན་ནོ། །རྟག་པ་ཡང་མ་ཡིན། མི་རྟག་པ་ཡང་མ་ཡིན་པ་ཡང་མ་ཡིན་ནོ། །དེ་དག་ནི་ཡོད་པ་ཡང་ཡིན་ནོ། །མེད་པ་ཡང་ཡིན་ནོ། །ཡོད་ཀྱང་ཡོད་ལ་མེད་ཀྱང་མེད་པ་ཡང་ཡིན་ནོ། །ཡོད་པ་ཡང་མ་ཡིན། མེད་པ་ཡང
iiif viewer powered by OpenSeadragon
