| e-texts navigator |
| Wylie |
168a1 ནས་ཐམས་ཅད་དུ་དག་པ་ཆེན་པོའོ། །ལང་ཀའི་བདག་པོ་དེ་ལ་གང་དུ་དག་པ་ནི་འདི་ལྟ་སྟེ། གང་གསུམ་དུ་སྣང་བ་ཞི་བ་ནི་རྣམ་པར་དག་པའོ། །ཆོས་ཀྱི་དབང་ཕྱུག་ནི་སྨིན་པའོ། །ཆོས་ཀྱི་རྒྱལ་ཚབ་ནི་རྒྱུན
168a2 ནོ། །ཕྱོགས་སུ་དག་པ་ནི་འདི་ལྟ་སྟེ། གང་ལ་མ་རིག་པར་རང་རིག་པ་ནི་རྣམ་པར་དག་པའོ། །བདེ་བ་བཞུགས་པ་ནི་སྨིན་པའོ། །གང་དུ་སྣང་བ་ནི་རྒྱུན་ནོ། །ཡོངས་སུ་རྣམ་པར་དག་པ་ནི་འདི་ལྟ་སྟེ། གང་ནམ་མཁའ་ཉིད་ནི
168a3 རྣམ་པར་དག་པའོ། །བདེ་བ་ལ་ལོངས་སྤྱོད་པ་ནི་སྨིན་པའོ། །ཡོངས་སུ་བསྒྱུར་བ་ནི་རྒྱུན་ནོ། །ཐམས་ཅད་ནས་ཐམས་ཅད་དུ་དག་པ་ཆེན་པོ་ནི་འདི་ལྟ་སྟེ། གང་བཞིར་སྣང་བ། གང་མ་བསླད་པ་ནི་དེ་ཉིད་དོ། །གང་སྐུ་མེད་པ་ནི
168a4 རྣམ་པར་དག་པའོ། །ཡོངས་སུ་རྫོགས་པ་ནི་སྨིན་པའོ། །ཅིར་ཡང་འབྱུང་བ་ནི་རྒྱུན་ནོ། །ལང་ཀའི་བདག་པོ་དེ་ལ་གང་དུ་དག་པ་དང་། ཕྱོགས་སུ་དག་པ་དང་། ཡོངས་སུ་རྣམ་པར་དག་པ་ནི་མ་དག་པ་ཞེས་བྱའོ། །དེ་ཅིའི
168a5 ཕྱིར་ཞེ་ན། ཐམས་ཅད་དུ་དག་པར་བྱར་མེད་པ་ལ་དག་པར་འདོད་ཅིང་དག་པར་བྱེད་པའི་ཕྱིར་རོ། །སྨྲས་པ། གསང་བ་པའི་བདག་པོ་ཅི་ག་དེ་ལ་གང་དུ་དག་པ་དང་། ཕྱོགས་སུ་དག་པ། དག་ཡོངས་སུ་རྣམ་པར་དག་པ་དེ
168a6 ལ་དག་པ་ཞེས་ཅིའི་ཕྱིར་བརྗོད། སྨྲས་པ། ལང་ཀའི་བདག་པོ་དེ་དག་ནི་གང་ཡོངས་སུ་བསྒྲིབས་པ་ལས་གང་དུ་སངས་པ་དང་། ཕྱོགས་སུ་སངས་པ་དང་། ཡོངས་སུ་རྣམ་པར་སངས་པའི་ཕྱིར་རོ། །ལང་ཀའི་བདག་པོ
168a7 ཐམས་ཅད་ནས་ཐམས་ཅད་དུ་དག་པར་བྱར་མེད་པ་ལ་ནི་དག་པ་ཞེས་བྱའོ། །དེ་ཅིའི་ཕྱིར་ཞེ་ན། དེ་ལ་ནི་དག་པར་བྱ་བའི་རྒྱུ་ཅི་ཡང་མེད་པའི་ཕྱིར་རོ། །ཡང་ལང་ཀའི་བདག་པོས་དྲིས་པ། གསང་བ་བའི་བདག་པོ་རྒྱུན་ཡིན་ལ
168a8 སྨིན་པ་མ་ཡིན་པ་ནི་གང་། སྨིན་པ་ཡིན་ལ་རྒྱུན་མ་ཡིན་པ་ནི་གང་། གཉིས་ག་ཡིན་པ་ནི་གང་། གཉིས་ག་མ་ཡིན་པ་ནི་གང་ཞེས་དྲིས་པ་ལས། སྨྲས་པ། ལང་ཀའི་བདག་པོ་ཇི་སྐད་དུ་དྲི་བ་བཞི་ནི་འདི་ལྟ་སྟེ། རྒྱུན་ཡིན་ལ་སྨིན
iiif viewer powered by OpenSeadragon
