| e-texts navigator |
| Wylie |
166b1 པོ་ཆེ་ནི་ཆོས་འཐུན་པའི་དཔེ་ཉེ་བར་བཟུང་བ་སྟེ་རྣམ་པར་མི་རྟོག་པ་དང་། བྱ་བ་བྱེད་པ་དང་། འདོད་པ་འབྱུང་བ་དང་། དགོས་པ་ཚང་བ་དང་། རེ་བ་སྐོང་བ་དང་། རྒྱུན་མི་འཆད་པ་དང་། དགའ་བ་སྐྱེད་པ་དང་། མི་ཟད་པ་དང་། བདེ་བ་ལ་འགོད
166b2 པ་དང་། ཐམས་ཅད་དུ་གྲུབ་པ་དང་། ཐོགས་པ་མེད་པ་དང་། མི་སྐྱོར་བ་དང་། རབ་ཏུ་སྦྱིན་པ་དང་། དགོས་པ་གྲུབ་པ་སྟེ། ལང་ཀའི་བདག་པོ་ཆོས་དེ་དག་ཕྱོགས་ཙམ་དུ་འཐུན་ཀྱང་རང་རིག་པ་ཉིད་ཀྱི་དཔེར་ནི་ཕྱོགས་མེད་དོ། །
166b3 སྨྲས་པ། གསང་བ་པའི་བདག་པོ་ཡེ་ཤེས་ཞེས་བྱ་བ་དེ་གང་དོན་གྱི་དབང་གང་གི་ཚིག་བླ་དགས་ལགས། སྨྲས་པ། ལང་ཀའི་བདག་པོ་ཆོས་ཐམས་ཅད་ཡེ་ཇི་བཞིན་པའི་དོན་ཕྱིན་ཅི་མ་ལོག་པའི་སྐྱེ་འགག་མེད་པར་མཁྱེན
166b4 པ་ལས་བཏགས་པས་ན་དེ་ན་དོན་གྱི་དབང་དེ་ཁོ་ནའི་ཚིག་བླ་དགས་སུ་ཤེས་པར་བྱའོ། །ལང་ཀའི་བདག་པོ་ཡང་འདི་ལྟར་ནམ་མཁའ་ལྟ་བུར་གྱུར་པ་དང་། མེ་ལོང་ལྟ་བུར་གྱུར་པ་དང་། འཇའ་ཚོན་ལྟ་བུར་གྱུར་པ་དང་། དབྱིབས་དང
166b5 ཁ་དོག་ལྟ་བུར་གྱུར་པ་དང་། སྤྲིན་རླངས་ལྟ་བུར་གྱུར་པ་དང་། མ་བཅོས་པར་སྣང་བ་དེ་ཕྱོགས་ཙམ་དུ་ཆོས་དེ་དག་འཐུན་ཀྱང་རང་རིག་པ་ཉིད་ཀྱི་དཔེར་ནི་ཕྱོགས་མེད་དོ། །ལང་ཀའི་བདག་པོ་ཐམས་ཅད་གསལ་བ་དང་། སྒོ་མི་འགག
166b6 པ་དང་། ཆོ་འཕྲུལ་འབྱུང་བ་དང་། གཅིག་ཏུ་སྡུད་པ་དང་། ཕུན་སུམ་ཚོགས་པ་སྟེ་དེ་དག་ནི་བྱ་བ་བྱེད་པར་རིག་པར་བྱའོ། །ལང་ཀའི་བདག་པོ་མ་འདྲེས་པ་དང་། ཡོངས་སུ་རྫོགས་པ་དང་། མ་འདྲེས་པ་ཡོངས་སུ་རྫོགས་པའི་རིལ
166b7 དང་། རྒྱུན་དང་། དམིགས་པ་མེད་པ་སྟེ། དེ་དག་ནི་བལྟ་བར་སྣང་བར་རིག་པར་བྱའོ། །ལང་ཀའི་བདག་པོ་མ་འགགས་པ་དང་། མ་འཕྲོས་པ་དང་། མ་འཚོལ་བ་དང་། མ་ལུས་པ་དང་། རྒྱུར་གྱུར་པ་སྟེ་དེ་དག་ནི་རྩལ་གྱི་ནུས་པར་རིག་པར
166b8 བྱའོ། །ལང་ཀའི་བདག་པོ་དེ་ལྟར་ན་སེམས་ལས་ནི་སེམས་སྣང་བ་ཡིན་ལ། སྣང་བ་ནི་ཡེ་ཤེས་ངོས་ཟིན་པར་བྱ་སྟེ། དེ་དག་ཀྱང་གསང་བ་དམ་པ་དེ་ཁོ་ན་ཉིད་ཀྱི་བྱིན་གྱི་བརླབས་སྣང་བར་རིག་པར་བྱའོ་ཞེས་སྨྲས་པས། ལང
iiif viewer powered by OpenSeadragon
