| e-texts navigator |
| Wylie |
165a1 ཆེས་རྩིང་བ་ཞེས་བྱའོ། །དེ་ཅིའི་ཕྱིར་ཞེ་ན། བླུན་པོ་གང་དག་བྱེ་མ་ལ་གསེར་ཕྱེ་བཙག་པར་འདོད་ན་ལྷང་ཚེར་ལ་གསེར་ཕྱེར་འདུ་ཤེས་ཏེ་ཚོལ་བ་བཞིན། རྣམ་པ་ཐམས་ཅད་མཐོང་ཞིང་རྙེད་པར་མི་འགྱུར་རོ། །
165a2 དེ་ཅིའི་ཕྱིར་ཞེ་ན། དེ་ལ་ནི་རྣམ་པ་ཐམས་ཅད་ཡོད་དེ་ཡེ་ཤེས་མེད་པའི་ཕྱིར་རོ། །ལང་ཀའི་བདག་པོ་གང་བློ་ཞིབ་པ། ཆེས་ཞིབ་པ་ནི་འདི་ལྟ་སྟེ། ཆོས་གཅིག་གི་ཆོས་ཉིད་དེ་ཁོ་ན་ཉིད་ཕྱིན་ཅི་མ་ལོག་པར་ཤེས་པས་ཆོས
165a3 ཐམས་ཅད་ཀྱི་ཆོས་ཉིད་དེ་ཁོ་ན་ཉིད་ཕྱིན་ཅི་མ་ལོག་པར་ཤེས་པས་སོ། །གང་རྡུལ་ཕྲ་རབ་དང་། དབྱིབས་སྣ་ཚོགས་དང་། མིང་དང་། བརྡ་དང་། མཚན་མ་དང་ཐ་སྙད་དང་། བཏགས་པ་ཐམས་ཅད་ངང་གིས་ཤེས་པར་འགྱུར་ཏེ། དེ་ལ་ནི
165a4 རྣམ་པ་ཐམས་ཅད་དང་། ཡེ་ཤེས་གཉིས་སུ་མེད་པ། གཉིས་ཀྱི་ངོ་བོ་ལས་གྲོལ་བར་ཡོད་པའི་ཕྱིར་མ་མཐོང་མི་ཤེས་པའི་ཆོས་གཅིག་ཀྱང་མེད་དོ། །ལང་ཀའི་བདག་པོ་བློ་ཟབ་པ། ཆེས་ཟབ་པ་ནི་གང་ཞེ་ན། གང་ལ་ལ་དག་ཆོས
165a5 ཐམས་ཅད་ལ་མུ་དང་། གཏིང་དང་། མཐའ་དང་། དབུས་ཚོལ་ཞིང་འབྱེད་པ་དག་ཡོད་དེ། དེ་དག་ནི་བློ་ཟབ་པ་ཆེས་ཟབ་པ་ཞེས་མི་བྱའི། ཐུག་པ་ཉིད་དུ་ཐུག་པ་ཞེས་བྱའོ། །དེ་ཅིའི་ཕྱིར་ཞེ་ན། གང་འཁྲུལ་པ་དག་མིག་རྒྱུ་ལ་ཆུར་འདུ
165a6 ཤེས་ཏེ་སྙེག་པ་འམ། ལྡོངས་པ་དག་ནམ་མཁའི་མཐའ་ཚོལ་བ་བཞིན། ཆོས་ཐམས་ཅད་ཀྱི་མུ་དང་། གཏིང་དང་། མཐའ་དང་། དབུས་བཙལ་བས་ཀྱང་མི་རྙེད་ལ་དབྱེ་བར་ཡང་མེད་དོ། །ལང་ཀའི་བདག་པོ་འོན་ཏང་ནི་ཆོས་ཐམས
165a7 ཅད་ལ་མུ་དང་གཏིང་མེད་པ། མཐའ་དང་དབུས་མེད་པར་ཆུབ་པ་གང་ཡིན་པ་དེ་ནི་བློ་ཟབ་པ། ཆེས་ཟབ་པ་ཞེས་བྱའོ། །དེ་ཅིའི་ཕྱིར་ཞེ་ན། སངས་རྒྱས་ཀུན་གྱི་དགོངས་པ་ཐམས་ཅད་ནི་རྟོག་དཔྱོད་དང་བྲལ་བའོ། །ལང་ཀའི་བདག
165a8 པོ། དེའི་ཕྱིར་གསང་སྔགས་ཀྱི་ངོ་བོ་ལ་ནི་རབ་ཏུ་དཔག་པར་དཀའ་བའི་ཕྱིར་བློ་ཞིབ་པ། ཆེས་ཞིབ་པ་ཟབ་པ་ཆེས་ཟབ་པས་བལྟ་བར་བྱའོ། །སྨྲས་པ། གསང་བ་པའི་བདག་པོ་གསང་བའི་དབྱིངས་དེ་དཔེ་གང་ལས་ལྟོས་ཏེ་ཤེས་པར
iiif viewer powered by OpenSeadragon
