| e-texts navigator |
| Wylie |
164b1 པ་གང་ཡིན་པ་དེ་ཁོ་ན་ཉིད་དོ། །ལང་ཀའི་བདག་པོས་སྨྲས་པ། གསང་བ་པའི་བདག་པོ་འོ་ན་གསང་སྔགས་ཀྱི་ངོ་བོ་དེ་རབ་ཏུ་དཔག་པར་དཀར་ཞིང་བལྟ་བར་དཀའ་ན་དེ་གང་གིས་བལྟ་བར་བྱ། །གསང་བ་པའི་བདག་པོས་སྨྲས
164b2 པ། ལང་ཀའི་བདག་པོ་གསང་སྔགས་ཀྱི་ངོ་བོ་དེ་ནི་གང་གི་བློ་ཤིན་དུ་ཞིབ་པ། ཆོས་ཞིབ་པ། ཤིན་དུ་ཟབ་པ། ཆེས་ཟབ་པས་བལྟ་བར་བྱའོ། །སྨྲས་པ། གསང་བ་བའི་བདག་པོ་བློ་ཞིབ་པ། ཤིན་དུ་ཞིབ་པ། ཆེས་ཞིབ་པ
164b3 ནི་གང་ལགས། ཤིན་དུ་ཟབ་པ། ཆེས་ཟབ་པ་ནི་གང་ལགས། སྨྲས་པ། ལང་ཀའི་བདག་པོ་བློ་ཤིན་དུ་ཞིབ་པ། ཆེས་ཞིབ་པ་ནི་འདི་ལྟ་སྟེ། གང་ལ་ལ་དག་སའི་ཁམས་འདི་ལ་དཔག་ཚད་གཅིག་ལ་རྡུལ་ཕྲ་རབ་མི་འཁྲུགས
164b4 ཁྲག་ཁྲིག་གཅིག་དང་། བྱེ་བ་ཁྲག་ཁྲིག་འབུམ་ཕྲག་སུམ་བཅུ་དང་། བྱེ་བ་དྲུག་བཅུ་ཕྲག་བརྒྱ་དང་། བྱེ་བ་ཕྲག་སུམ་བཅུ་རྩ་གཉིས་དང་། འབུམ་ཕྲག་ལྔ་དང་ཁྲི་ཉིས་སྟོང་ཡོད་ལ། དེ་དག་ལ་ཡང་མེ་དང་། ཆུ་དང་རླུང་གི་རྡུལ་ཕྲ
164b5 རབ་ཏུ་ཕྱེ་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཆེན་པོ་གཅིག་ལ་རྡུལ་ཕྲ་རབ་ཏུ་ཡོད་པའི་རྩིས་ཀྱིས་གཅོད་པ་དང་། གཞན་ཡང་ཕྱིའི་ས་ཆེན་པོ་འདི་ལ་དབྱིབས་ཐ་དད་པ་མཐའ་ཡས་པ་དག་བརྟགས་ཏེ
164b6 འདི་དག་ནི་འབྱུང་བ་འཁྱུགས་པ་དང་། འཁྱུལ་བ་དང་། འཕྲིས་པ་དང་། འཁྱོགས་པ་དང་། འཁྲིལ་བ་དང་། འཁྱིལ་བ་དང་། ལྗར་བ་དང་། གཤར་བ་དང་། ཞ་བ་དང་། ལྡེམས་པ་དང་། འབུས་པ་དང་། འཁྲིས་པ་དང་། འཆུས་པ་ལ
164b7 སོགས་པ་ཐ་དད་པའི་དབང་གིས་སོ་སོར་རྟོག་པ་དང་། གཞན་ཡང་མིང་དང་། བརྡ་དང་། མཚན་མ་དང་། ཐ་སྙད་དང་། བཏགས་པ་སྣ་ཚོགས་ཀྱི་རྗེས་སུ་འཇུག་ཅིང་སོ་སོའི་མཚན་ཉིད་མཐའ་ཡས་པར་རྗེས་སུ་རྟོག
164b8 མཐའ་མངས་པ་དང་། དཔྱོད་མཐའ་ཆེར་འགྲོ་བ་དག་གི་རྒྱུས་ཐམས་ཅད་མཁྱེན་པ་དག་གི་རྒྱུར་འགྲོ་ཞེས་ཟེར་བ་དག་ཡོད་དེ། ལང་ཀའི་བདག་པོ་དེ་དག་ལ་ནི་ཤིན་དུ་ཞིབ་པ། ཆེས་ཞིབ་པ་ཞེས་མི་བྱའི། དེ་དག་ནི་རྩིང་བ།
iiif viewer powered by OpenSeadragon
