| e-texts navigator |
| Wylie |
160b1 ནི་རྡོ་རྗེ་མྱུ་གུ་ཞེས་བྱ་བར་གྲགས་པར་གྱུར་ཏོ། །དེ་བཞིན་དུ་ལ་ལ་ནི་ཆོས་ཀྱི་མྱུ་གུ་ཞེས་བྱ་བར་གྲགས་སོ། །ལ་ལ་ནི་རིན་ཆེན་མྱུ་གུ་ཞེས་བྱ་བར་གྲགས་སོ། །ལ་ལ་ནི་ཟླ་བའི་རྩལ་ཞེས་བྱ་བར་གྲགས་སོ། །ལ་ལ་ནི་ཉི་མའི་མདངས་ཞེས
160b2 བྱ་བར་གྲགས་སོ། །ལ་ལ་ནི་སེང་གེའི་རྩལ་ཞེས་བྱ་བར་གྲགས་སོ། །ལ་ལ་ནི་ནམ་མཁའི་རྡོ་རྗེ་ཞེས་བྱ་བར་གྲགས་སོ། །དེ་དག་ལས་མ་རུངས་པ་ཁ་ཅིག་ནི་ལ་ལ་ནི་རྡོ་རྗེ་སྤྱང་ཀི་ཞེས་བྱ་བར་གྲགས་སོ། །ལ་ལ་ནི་རྡོ་རྗེ་དུས་མཚམས
160b3 ཞེས་བྱ་བར་གྲགས་སོ། །ལ་ལ་ནི་རྡོ་རྗེ་ཕྱོགས་འདུལ་ཞེས་བྱ་བར་གྲགས་སོ། །ལ་ལ་ནི་རྡོ་རྗེ་དུར་ཁྲོད་ཞེས་བྱ་བར་གྲགས་སོ། །རུ་ཏྲ་ནག་པོ་དེ་ཁོ་ན་ཉིད་ནི་རྡོ་རྗེ་རོ་ལངས་དུར་ཁྲོད་ཀྱི་བདག་པོ་ཞེས་བྱ་བར་གྲགས་ཏེ། བསྐལ་པ་ཆེན
160b4 པོ་བཟང་པོའི་ཡུན་དུ་གནས་ནས་རྣལ་འབྱོར་ཡོངས་ཀྱི་མགོན་པོ་དགེ་བསྙེན་ལེགས་ལྡན་ནག་པོ་ཞེས་བྱ་བར་གྱུར་ནས་གང་དག་ཆོས་སྲུངས་པ་རྣམས་ཀྱི་སྲུངས་མའི་བྱ་བ་བྱེད་དོ། །བསྐལ་པ་དེའི་ཕྱི་མ་ལ་འོག་གི་ཕྱོགས་ཀྱི་འཇིག་རྟེན
160b5 གྱི་ཁམས་ཐལ་བས་ཁེབས་པ་ཞེས་བྱ་བར་དེ་བཞིན་གཤེགས་པ་ཐལ་བའི་དབང་པོའི་དབྱངས་ཞེས་བྱ་བར་མངོན་པར་རྫོགས་པར་སངས་རྒྱས་པར་འགྱུར་རོ་ཞེས་ལུང་བསྟན་པ་ཐོབ་པར་གྱུར་ཏོ། །ལང་ཀའི་བདག
160b6 པོ་དེའི་ཚེ་དེའི་དུས་ན་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས་སོ། །རབ་ཏུ་གཡོས། ཀུན་དུ་རབ་ཏུ་གཡོས་པར་གྱུར་ཏོ། །འགུལ། རབ་ཏུ་འགུལ། ཀུན་དུ་རབ་ཏུ་འགུལ་ཏོ། །ལྡེག་རབ་ཏུ་ལྡེག་།ཀུན་དུ་རབ་ཏུ་ལྡེག་གོ།
160b7 འུར་རབ་ཏུ་འུར། ཀུན་དུ་རབ་ཏུ་འུར་རོ། །ཆེམ་རབ་ཏུ་ཆེམ། ཀུན་དུ་རབ་ཏུ་ཆེམ་མོ། །མཐའ་མཐོ་ན་དབུས་དམའོ། །དབུས་མཐོ་ན་མཐའ་དམའོ། །ཤར་མཐོ་ན་ནུབ་དམའ། ནུབ་མཐོ་ན་ཤར་དམའ། བྱང་མཐོ་ན་ལྷོ་དམའ། ལྷོ་མཐོ་ན
160b8 བྱང་དམའ་བར་གྱུར་ཏོ། །འཇིག་རྟེན་པ་ཀུན་ཀྱང་ངོ་མཚར་དུ་གྱུར་ཏེ་མངོན་པར་བསྟོད་དོ། །ལྷ་དང་བཅས་པའི་འཇིག་རྟེན་པ་ཁ་ཅིག་ནི་དེ་ཁོ་ན་ཉིད་གསང་བ་དམ་པ་ལ་རྗེས་སུ་ཡི་རང་བར་གྱུར་ཏོ། །ཁ་ཅིག་ནི་མ་སྐྱེས་པའི་ཆོས་ལ
iiif viewer powered by OpenSeadragon
